<p><strong>ភ្នំពេញៈ</strong> កាលពីកន្លងមកតារាសម្តែង និងជាតារាចម្រៀង លោក សាពូន មីដាដា និង អ្នកនាង<br /> សឿ សុធារ៉ា ធ្លាប់លេចឮព័ត៌មាន ជា ច្រើនលើកច្រើនសារ ថាពួកគេបានសម្រេចចិត្ត លែងលះ<br />គ្នា តាមផ្លូវច្បាប់ដោយសារតែការរស់នៅ មិនចុះសម្រុងគ្នាតែជានិច្ចកាលត្រូវបាន លោក មីដាដា<br /> អះអាង និង បិទបាំងពីទំនាក់ទំនងស្នេហា ប្រះស្រាំនោះម្តងជាពីរដង ។</p>
<p>ក្នុងឆ្នាំ២០១៣នេះ គេសង្កេតឃើញថាតារាកូន១ អ្នកនាង សឿ សុធារ៉ា ហាក់ខំប្រឹងស្តារមុខមាត់<br /> នៅក្នុងវិថីសិល្បៈឡើងវិញ ក្រោយពីនាងបាត់ បង់ប្រជាប្រិយភាព អស់មួយខ្យល់ធំមក ដោយ<br />នាងហាក់មិនសូវចង់ លាតត្រដាងជីវិតឯកជន ឲ្យលេចឮព័ត៌មានមិនល្អ បោកបក់ប៉ះកេរ្តិ៍ឈ្មោះ<br />របស់នាងនោះទេ ។</p>
<p>ទន្ទឹមនឹងការខំប្រឹងថែរក្សាកេរ្តិ៍ឈ្មោះ ឲ្យមានភាពលេចធ្លោនេះដែរ ក្រៅពីការងារសិល្បៈ សម្រាប់<br />ជីវិតឯកជនរបស់នាង និងស្វាមីហាក់មានភាព រង្គោះរង្គើកាន់តែខ្លាំងឡើងៗពីមួយថ្ងៃ ទៅមួយរហូត<br />ធ្វើឲ្យគូស្វាមីភរិយា មួយគូនេះ សម្រេចចិត្តលែងលះគ្នាជាផ្លូវការ ប៉ុន្តែក្រោយពីមានព័ត៌មានលេចឮ<br />បែបនេះត្រូវបានស្វាមីរបស់នាងលោក សាពូន មីដាដា ចេញមុខច្រានចោលដោយអះអាងថាលោក<br />មិនមានបញ្ហាឬភាពរកាំរកូស អ្វីជា មួយភរិយានោះទេ ។</p>
<p>បើតាមប្រភពព័ត៌មានក្រៅផ្លូវការ បានបង្ហើបប្រាប់ឲ្យដឹងថា មួយរយៈ ពេលក្រោយបន្ទាប់ពីលេច<br />ឮព័ត៌មានថាតារាល្បីឈ្មោះទាំង ពីរដួងនេះ លែងលះគ្នាមិនទាន់បានប៉ុន្មានផង ក៏ស្រាប់តែពេល<br />នេះស្វាមីភរិយាមួយគូនេះ បានសម្រេចចិត្តរស់នៅបែកផ្ទះគ្នា ដោយសារតែពួកគេ បានផ្តិតមេដៃ<br />លែងលះគ្នា ក្រៅប្រព័ន្ធតុលាការ ដោយស្ងាត់ៗរួចរាល់ ហើយសម្រាប់មូលហេតុថាពួកគេ មិនប្តឹង<br />លែងលះដល់តុលាការ ដោយសារតែពួកគេ ទាំងពីរនាក់ ខ្លាចព័ត៌មានរីកសាយភាយ ពីការប្រះ<br />ស្រាំ នាំឲ្យប៉ះពាល់កេរ្តិ៍ឈ្មោះ ខ្លាចបាត់ប្រជាប្រិយភាព ទើបសម្រេចចិត្ត ផ្តាច់ទំនាក់ទំនងស្ងាត់ៗ<br />បែបនេះតែម្តងទៅ។</p>
<p>តាមប្រភពខាងលើបានបង្ហើបប្រាប់ឲ្យដឹងថា ជុំវិញការសម្រេចចិត្តដើរ ដល់ផ្លូវបំបែករវាងអ្នកនាង<br /> សឿ សុធារ៉ានិងលោកសាពូន មីដាដា នេះ ដែលគឺដើមហេតុមកពីបញ្ហាបំណុល និងក្រុមគ្រួសារ<br />ទាំងសងខាង ទើបធ្វើឲ្យពួកគេទាំងពីរនាក់ ចាប់ផ្តើមរស់នៅជាមួយគ្នា មានតែភាពល្វីងជូរចត់ មិន<br />យល់ចិត្តគ្នាពេលជួបមុខគ្នា មានតែបញ្ហាមិនចេះចប់មិនចេះហើយ ទើបធ្វើឲ្យពួកគេទាំងពីរនាក់ អស់<br />ចិត្តរៀងៗខ្លួន ក៏សម្រេចចិត្តដើរដល់ផ្លូវបំបែក ដោយស្ងាត់ៗតែម្តងទៅ ស្របពេលដែលអាជីព តារា<br />ចម្រៀងរបស់លោក មីដាដា ហាក់ស្រុតចុះទាំង ប្រជាប្រិយភាពនិងចំណូល។</p>
<p>បច្ចុប្បន្នគេសង្កេតឃើញ អ្នកនាង សឿ សុធារ៉ា ហាក់មានភាពស្រស់ ស្រាយ ប្លែកដោយនាង<br />ឧស្សាហ៍ បង្ហោះរូបថតដើរកម្សាន្ត នៅក្រៅ ប្រទេសក៏ដូចជា ក្នុងប្រទេសជាមួយមិត្តភក្តិអ្នកសិល្បៈ<br /> ក្រុមគ្រួសារ និង កូនស្រីបណ្តូលចិត្ត នៅលើបណ្តាញទំនាក់ទំនងសង្គម តែនៅក្នុងរូបទាំង អស់នោះ<br /> មិនមានរូបរបស់ស្វាមីនាងឡើយ។</p>
<p>តាមរយៈការទម្លាយព័ត៌មាន ពីការតារាប្រុសស្រីស្វាមីភរិយាមួយគូនេះ បានសម្រេចចិត្ត រស់នៅ<br />បែកប្តីនោះ Looking TODAY បានទាក់ទង ទៅ សុំការបកស្រាយពី អ្នកនាង សឿ សុធារ៉ា ដែល<br />នៅថ្ងៃទី១១ ខែកញ្ញា ឆ្នាំ២០១៣នេះ តែទូរស័ព្ទចូលគ្មានអ្នកទទួល។ ចំណែក លោក មីដាដា ទូរស័ព្ទ<br />មិនអាចទាក់ទងបានទេ នៅថ្ងៃនេះ៕</p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0316.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0317.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0318.jpg" alt="Looking Today" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-065/PISETH-0319.jpg" alt="Looking Today" width="500" /></p>
<p> </p>
<p style="text-align: right;"><br />ដោយ ៖ lookingtoday<br />ផ្តល់សិទ្ធោដោយ ៖ ដើមអំពិល </p>