<p style="text-align: left;">បើយោងតាមសារព័ត៌មាន Reuters បានឲ្យដឹងថា បណ្តានាឡិកាឆ្លាតវៃ iWatch ដំបូងរបស់ Apple នឹងមានអេក្រង់ Touch Screen ទំហំ 2.5 inch រាងជាចតុកោណ។ ព័ត៌មាននេះ គឺផ្ទុយពីព័ត៌មាន ចចាមអារាមមុនៗ ដែលបានឲ្យដឹងថា Apple iWatch នឹងមានអេក្រង់រាងមូល។ </p>
<p style="text-align: center;"><a class="thickbox" title="" href="/FileManager/Commons/2014/6/20/appleiwatch-20-06-2014--18-51-47.png"><img src="/FileManager/Articles/mce/2014/6/20/appleiwatch-20-06-2014--18-51-47.png" alt="" /></a></p>
<p style="text-align: center;"><em><span style="color: #808080;">(រូបភាពតំណាង)</span></em></p>
<p style="text-align: left;">អេក្រង់របស់ iWatch នឹងត្រូវបានផលិតដោយដៃគូសហការ LG Display ជាមួយនឹងរូបរាង រាងផុស ចេញបន្តិច បើប្រៀបជាមួយនឹងផ្ទៃនាឡិកា ប៉ុន្តែបណ្តាផលិតផលតេស្តសាកល្បងដំបូង បច្ចុប្បន្ន កំពុងត្រូវបានផលិតនៅឯរោងចក្រ Quanta កន្លែងដែលផ្គត់ផ្គង់ដល់ទៅ ៧០% នៃបរិមាណអេក្រង់ សម្រាប់ iWatch។ ប្រភពព័ត៌មានដដែលក៏បានឲ្យដឹងបន្ថែមថា iWatch ដំបូងនឹងមានចំនួន ៥០លាន គ្រឿង និងធ្វើការចែកចាយយ៉ាងទួលំទូលាយ នៅគ្រប់ទីផ្សារទាំងអស់លើពិភពលោក។</p>
<p style="text-align: left;">ក៏ដូចជា Smart Watch ដទៃផ្សេងទៀតដែរ iWatch មិនមែនជាឧបករណ៍មួយដែលឯករាជ្យទាំង ស្រុងនោះទេ វានឹងមានដំណើរការផ្សារភ្ជាប់ជាមួយ iPhone ដើម្បីអាចធ្វើការផ្ញើសារ ឬទទួលការ ហៅចូលបាន។ ប៉ុន្តែ iWatch ក៏អាចប្រើបាននូវ Features មួយចំនួន ដោយមិនចាំបាច់ភ្ជាប់ជាមួយនឹង ស្មាតហ្វូន។ ក្រៅពីនេះ នាឡិកាឆ្លាតវៃរបស់ Apple ក៏នឹងផ្គត់ផ្គង់ (Support) ជាមួយនឹងឧបករណ៍ សាកថ្មអត់ខ្សែ បានផងដែរ៕</p>
<p style="text-align: left;"> </p>
<p style="text-align: right;">ប្រែសម្រួល៖ សិលា<br />ប្រភព៖ Reuters, vreview</p>