<p><strong>ភ្នំពេញៈ</strong> បន្ទាប់ពីអ្នកនាង ខាត់ សុឃីម បានសម្រេចចិត្តដឹកដៃ លោក អ៉ិន សុបញ្ញា ហៅ ផាណូ<br /> ចូលរោងការ កាលពីថ្ងៃទី១២ ខែធ្នូ ឆ្នាំ២០១២ រួចមក មិនទាន់បានប៉ុន្មានផង ក៏ស្រាប់តែលេចឮ<br />មតិ រិះគន់ពីសំណាក់មហាជន ក៏ដូចជាអ្នកសិល្បៈរួមអាជីពជាច្រើន ទៅលើតារាស្រីរូបនេះ និង<br />ស្វាមីវ័យក្មេង ដែលបានគ្រងសម្លៀកបំពាក់ ជាប្រពៃណីបែបឥណ្ឌា នៅក្នុងកម្មវិធីមង្គលការ របស់<br />នាង។ ធ្វើឲ្យក្រសែភ្នែកទស្សនិកជន និងអ្នកសិល្បៈមួយចំនួនគិតថា ការធ្វើបែបនេះ គឺវាមិនស័កិ្ត<br />សម ជាអ្នកសិល្បៈខ្មែរទាល់តែសោះ ព្រោះថាពិធីមង្គលការ គឺជាប្រពៃណីទំនៀមទម្លាប់ខ្មែរ តាំង<br />ពីយូរយារណាស់មកហើយ មិនគួរយកប្រពៃណីផ្សេងមកលាយឡំបែបនេះទេ ។ តែទោះបីជាមហា<br />ជនរិះគន់បែបណាក៏ដោយ ក៏ក្រសួងវប្បធម៌ និងវិចិត្រសិល្បៈ ដែលជាភ្នែកជាច្រមុះ ហាក់ដូចជាគ្មាន<br />វិធានការ ច្បាស់លាស់ណាមួយទៅលើការ ស្លៀកពាក់បែបឥណ្ឌាក្នុងថ្ងៃមង្គលការ ជាពិសេសក្នុងពិធី<br />ទទួលភ្ញៀវ របស់អ្នកចម្រៀងយេៗ ខាត់ សុឃីម នោះឡើយ។</p>
<p>ថ្មីៗនេះ ក្រោយពីអ្នកនាង ខាត់ សុឃីម បានបញ្ចប់នូវកម្មវិធីមង្គលការជាស្ថាពរហើយនោះ រូបថត<br />រៀបការរបស់នាងជាច្រើនសន្លឹក បានលេចចេញនៅតាម បណ្តាញវេបសាយ ទស្សនាវដ្តី ក្នុងសង្គម<br />ហ្វេសប៊ុកជាច្រើន ដើម្បីឆ្លុះបញ្ចាំងពីការរៀបចំ នៅក្នុងពិធីមង្គលការរបស់ តារាស្រីល្បីឈ្មោះមួយរូប<br /> ប្រចាំកម្ពុជាដោយ។ ក្នុងនោះក៏មានមតិមហាជនជាច្រើន បានបន្តធ្វើការរិះគន់មិនដាច់ពីមាត់ នៅពេល<br />ដែលឃើញនាង និងស្វាមីគ្រងសម្លៀកបំពាក់ បែបប្រពៃណីឥណ្ឌាឈរ នៅមុខរោងជ័យ រង់ចាំទទួល<br />ភ្ញៀវប្រកបដោយ ទឹកមុខសប្បាយរីករាយ ហើយថានេះជាទង្វើ មិនត្រឹមត្រូវអាចជះឥទ្ធិពល មិនល្អដល់<br />អ្នកសិល្បៈដទៃថែមទៀតផង។</p>
<p>មតិក្នុងការរិះគន់នោះ បានលើកឡើងទៀតថា តារាចម្រៀង ក្រម៉ិចក្រម៉ើម ខាត់ សុឃីម ក្នុងនាមជា<br />អ្នកសិល្បៈមួយរូប និងថែមទាំងជាម្ចាស់ហាង សម្អាងកាយទៀតផងនោះ គួរតែដឹងច្បាស់ពីប្រពៃណី<br />ខ្មែរ មិនគួរណាធ្វើបែបនេះទេ នៅក្នុងពិធីមង្គលការរបស់នាង ។ គួរណាស់តែស្លៀកពាក់តុបតែងខ្លួន<br />ជាសម្លៀកបំពាក់បែបប្រពៃណីខ្មែរ ក្នុងកម្មវិធីទទួលបដិសណ្ឋាកិច្ចភ្ញៀវកិត្តិយស ដើម្បីទុកជាគំរូល្អៗ<br />ដល់ប្រជាពលរដ្ឋខ្មែរដែលអ្នកខ្លះគាត់ មិនទាន់បានដឹងច្បាស់ ពីពិធីមង្គលការរបស់ខ្មែរ ។</p>
<p>ទោះបីជាមានការរិះគន់ពី ប្រជាពលរដ្ឋយ៉ាងនេះក្តី ក៏មន្ត្រីពាក់ព័ន្ធក្នុងក្រសួងវប្បធម៌ និងវិចិត្រសិល្បៈ<br />ហាក់ដូចជា មិនទាន់មានវិធានការណាមួយ ក្នុងការដោះស្រាយ ឬក៏បញ្ជាក់ពីការបរិច្ឆេទដែលត្រូវកោះ<br />ហៅអ្នកនាងខាត់ សុឃីម ទៅអប់រំណែនាំពាក់ព័ន្ធនឹង បញ្ហាសម្លៀកបំពាក់មិនសមរម្យ ក្នុងពិធីមង្គល<br />ការនាងនៅឡើយទេ។</p>
<p>អគ្គនាយក នៃអគ្គនាយកដ្ឋានបច្ចេកទេសវប្បធម៌ នៃក្រសួងវប្បធម៌ និងវិចិត្រសិល្បៈ លោក អោក <br />សុផុន បានថ្លែងប្រាប់ Looking TODAY នៅថ្ងៃទី១៩ ខែធ្នូ ឆ្នាំ២០១២នេះថា លោកមិនបានដឹងចំពោះ<br />ព័ត៌មាន និងការរិះគន់នេះទេ ហើយលោកក៏មិនបានឃើញ រូបថតដែលអ្នកនាងខាត់ សុឃីម ស្លៀក<br />ពាក់បែបឥណ្ឌានោះដែរ ដូច្នេះហើយខាងលោកមិនទាន់ មានវិធានការណាមួយ ក្នុងការណែនាំ ឬក៏<br />ស្តីបន្ទោសទៅលើនាងទេ។</p>
<p>លោកបានបន្ថែមទៀតថា "ប្រសិនបើចង់ឲ្យខាងខ្ញុំចាត់វិធានការ ឬក៏មានការប្រតិកម្មណាមួយទៅលើ <br />ខាត់ សុឃីម គឺទាល់តែបានឃើញរូបថតនោះសិន ថាកម្រិតក្នុងការតុបតែងខ្លួន ស្លៀកពាក់របស់គាត់<br />នៅក្នុងពិធីនោះ បែបណាហើយបើសិនជាអាច គួរតែយករូបថតទាំងនោះមកឲ្យខ្ញុំមើល ដើម្បីវាយតម្លៃ<br />ថា វាសមស្របទៅនឹងការរិះគន់ និងការចាត់វិធានដាក់ទោស ទៅនាងក្នុងកម្រិតណា ព្រោះថាក្នុងនាម<br />យើងជាសមត្ថកិច្ច មួយរូបមិនអាចស្តាប់ តែការរិះគន់ ហើយមិនបានឃើញ នឹងភ្នែកជាក់ស្តែង បែរជា<br />ទៅដាក់កំហុសគេនោះទេ"។</p>
<p>ដោយឡែក ប្រធាននាយកដ្ឋានអភិវឌ្ឍវប្បធម៌ នៃក្រសួងវប្បធម៌ និងវិចិត្រសិល្បៈ លោក ហ៊ឹម វិបុល<br />ផល បានប្រាប់ដោយខ្លីថា លោកមិនបានដឹងព័ត៌មាន និងបានឃើញរូបនេះនៅឡើយទេ ព្រោះលោក<br />ទើបតែត្រឡប់មកពីខេត្ត មិនបានទទួលព័ត៌មាននេះទេ ហើយលោកក៏មិនមានវិធានការណាមួយដែរ។</p>
<p>ប្រធានសមាគមសិល្បករខ្មែរ លោក សុះ ម៉ាច ក៏បានបញ្ចេញមតិប្រាប់ដែរថា សម្រាប់លោកក៏មិនមាន<br />ការយល់ស្រប នៅពេលដែលអ្នកនាង ខាត់ សុឃីម បញ្ចូលប្រពៃណីផ្សេង មកលាយឡំក្នុងប្រពៃណី<br />វប្បធម៌ខ្មែរ នៅក្នុងពិធីមង្គការនេះដែរ ។ ក្នុងនាមជាអ្នកសិល្បៈ ត្រូវតែរួមចំណែកក្នុងការថែរក្សា និង<br />ផ្សព្វផ្សាយពីវប្បធម៌ ដល់ពេលគេធ្វើបែបនេះ លោកក៏មិនយល់ដែរថា គាត់ (ខាត់ សុឃីម) កំពុងតែគិត<br />អ្វីនោះ។</p>
<p>លោក សុះ ម៉ាច បញ្ចាក់ថា "បើតាមខ្ញុំគិត នេះប្រហែលជាកំហុសអចេតនា របស់គាត់មួយ ពេលដែល<br />ធ្វើទៅមិនបានគិតច្បាស់ ដោយគាត់គិតថា ចង់រកអ្វីដែលថ្មី ហើយធ្វើឲ្យប្លែក នៅក្នុងពិធីមិនបាន គិត<br />ដិតដល់ថាធ្វើឲ្យពុកម៉ែបងប្អូនប្រជាពលរដ្ឋ មានការមិនពេញចិត្ត រិះគន់បែបនេះនោះទេ ។ ជារឿយៗ<br /> ខ្ញុំក៏តែងតែព្យាយាម ណែនាំទៅដល់សិល្បករ-សិល្បការិនី ជាច្រើនមកហើយ ដោយប្រាប់ពួកគាត់ <br />ក្នុងការតុបតែងខ្លួនស្លៀកពាក់ អីជាដើម.. ព្រោះថាខ្មែរយើងមានប្រពៃណី វប្បធម៌ល្អណាស់តាំងពី<br />ដើមមក។ ក្នុងនាមយើងជាអ្នកសិល្បៈ គួរណាស់តែជួយថែរក្សា និងផ្សព្វផ្សាយពីប្រពៃណី ដែលខ្មែរ<br />មានឲ្យកាន់តែទូលំទូលាយ មិនមែនទៅចំឡងយកប្រពៃណី គេមកផ្សព្វផ្សាយនៅក្នុងប្រទេសយើង<br />នោះទេ"។</p>
<p>ពាក់ព័ន្ធទៅនឹងការរិះគន់ មិនសំចៃមាត់ពីសំណាក់មហាជន ដែលពួកគាត់បានបញ្ចេញជាបន្តបន្ទាប់នៅ<br />ពេលនេះសម្រាប់តារាស្រីញញឹមស្រស់ អ្នកនាង ខាត់ សុឃីម ក៏បានចេញមុខបកស្រាយជុំវិញបញ្ហានេះ<br /> និងបានសុំទោសទៅដល់មហាជន ជាច្រើនលើកច្រើនសារហើយដែរ ។ ដោយនាងបានលើកឡើងថា<br /> នាងគ្មានចេតនាក្នុងការធ្វើឲ្យខុស ប្រពៃណីនោះទេ គ្រាន់តែនាងចង់រកអ្វីដែលប្លែកថ្មី សម្រាប់ពិធីមង្គល<br />ការ ដែលក្នុងមួយជីវិត មានម្តងនេះតែប៉ុណ្ណោះ៕</p>
<p><a class="thickbox" title="" href="/FileManager/Commons/2012/12/20/kosal-0387-20-12-2012--08-46-58.jpg"><img src="/FileManager/Articles/mce/2012/12/20/kosal-0387-20-12-2012--08-46-58.jpg" alt="" /></a></p>
<p><a class="thickbox" title="" href="/FileManager/Commons/2012/12/20/kosal-0383-20-12-2012--08-47-30.jpg"><img src="/FileManager/Articles/mce/2012/12/20/kosal-0383-20-12-2012--08-47-30.jpg" alt="" /></a></p>
<p><a class="thickbox" title="" href="/FileManager/Commons/2012/12/20/kosal-0385-20-12-2012--08-47-57.jpg"><img src="/FileManager/Articles/mce/2012/12/20/kosal-0385-20-12-2012--08-47-57.jpg" alt="" width="499" height="374" /></a></p>
<p><a class="thickbox" title="" href="/FileManager/Commons/2012/12/20/kosal-0386-20-12-2012--08-48-21.jpg"><img src="/FileManager/Articles/mce/2012/12/20/kosal-0386-20-12-2012--08-48-21.jpg" alt="" width="499" height="313" /></a></p>
<p style="text-align: right;">ដោយ៖ lookingtoday<br />ផ្តល់សិទ្ធិដោយ៖ <a href="http://www.lookingtoday.com/entertainment-general-news/12127-2012-12-19-08-35-25.html"><span style="color: #0000ff;">ដើមអំពិល</span></a></p>