<p><br />អង់គ្លេស៖ មានក្មេងប្រុសម្នាក់ឈ្មោះ Zach Tahir អាយុ៥ឆ្នាំ នៅ Manchester បានទទួលរងនូវ<br />ជំងឺដ៏កំរម៉្យាងដែលធ្វើឲ្យគេញ៉ាំចំណីមិនរើសមុខ។</p>
<p>ជម្ងឺនេះធ្វើឲ្យ Zach អសម្ថភាពក្នុងការបែងចែករបស់ដែលញ៉ាំបាន និងរបស់ដែលញ៉ាំមិនបាន។<br /> ម្តាយរបស់ Zach ឈ្មោះ Rachel Horn បាននិយាយថា កូនប្រុសរបស់នាង តែងតែញ៉ាំរបស់គ្រប់<br /> មុខនៅពេលគេឃ្លាន មិនថា គ្រោះថ្មតូចៗ កំបោរ ក្រដាស ឬក្រណាត់ ទេ ឲ្យតែគេឃើញ គេនឹង<br /> ញ៉ាំទាំងអស់។</p>
<p><a class="thickbox" title="" href="/FileManager/Commons/2012/12/21/zachtahir-21-12-2012--11-31-30.jpg"><img src="/FileManager/Articles/mce/2012/12/21/zachtahir-21-12-2012--11-31-30.jpg" alt="" width="478" height="318" /></a></p>
<p><em>រូបភាព៖ ក្មេងប្រុស Zach Tahir</em></p>
<p>អ្នកស្រី Rachel បានបន្តថា បើសិនជា Zach ឃើញចំនីធម្មតានៅពេលគេឃ្លាន គឺមិនជាបញ្ហាឡើយ <br />ហេតុដូចនេះអ្នកស្រីបានរចនាបន្ទប់គេងពិសេសមួយឲ្យ Zach ជាកាដូសម្រាប់ថ្ងៃគ្រឹស្តម៉ាក់ខាង<br />មុខនេះ ដែលក្នុងបន្ទប់មិនមានរបស់របរណាអាចឲ្យ Zach ញ៉ាំបាន។ អ្វីដែលពិសេសជាងនេះទៅ<br />ទៀត គឺអ្នកស្រីថែមទាំងបានដាក់កាម៉េរ៉ាសុវត្ថិភាពឃ្លាំមើល Zach ផងដែរ។ អ្នកស្រី Rachel បាន<br />បន្តទៀតថា អ្នកស្រីនឹងធ្វើដូចនេះរហូតដល់ពេលដែល Zach មានអាយុ ១៨ឆ្នាំ ប្រហែលជាគេអាច<br />ដឹងក្តី យល់នូវអ្វី ដែលមិនគួរញ៉ាំបាន។</p>
<p>យោងតាមអ្នកជំនាញវេជ្ជសាស្រ្តបាននិយាយថា ជំងឺចំឡែកនេះកើតឡើង ២១% នៅលើកុមារ<br /> ដែលមានអាយុចាប់ពី ១ដល់ ៦ឆ្នាំ ប៉ុន្តែ Zach ជាក្មេងដែលមានករណីធ្ងន់ធ្ងរជាងក្មេងដទៃ៕</p>
<p style="text-align: right;">ដោយ៖ មិនា<br /> ប្រភព៖ mirror</p>