<div class="article-content">
<p><span style="color: #000000;"><strong>បាត់ដំបងៈ</strong> ជនសង្ស័យម្នាក់ ជាប្តីបានយកពូថៅ និងកាំបិតកាប់ប្រពន្ធខ្លួន បណ្តាលឲ្យរបួសធ្ងន់ កាល ពីវេលាម៉ោង ១១ និង៣០នាទីយប់ ថ្ងៃទី១៣ ខែកញ្ញា ឆ្នាំ២០១៤ នៅចំណុចភូមិរូងអំពិល ឃុំខ្នាច រមាស ស្រុកបវេល ទំនងមកពីភ្លើងប្រចណ្ឌ ត្រូវបានសមត្ថកិច្ចឃាត់ខ្លួនភ្លាមៗ បន្ទាប់ពីបានធ្វើសកម្ម ភាព រួចកសាងសំណុំរឿង បញ្ជូនមកស្នងការខេត្ត នៅរសៀលថ្ងៃទី១៥ ខែកញ្ញានេះ ដើម្បីចាត់ការបន្ត តាមច្បាប់ ។</span></p>
<p><span style="color: #000000;">មន្រ្តីនគរបាល ស្រុកបវេលម្នាក់ បានឲ្យដឹងថា ជនសង្ស័យដែលសមត្ថកិច្ចឃាត់ខ្លួន មានឈ្មោះ ម៉ែ ពៅ ភេទប្រុស អាយុ៤១ឆ្នាំ ដែលបានយកពូថៅ និងកាំបិតកាប់ទៅលើប្រពន្ធឈ្មោះ ញាណ ស៊ីឈួន ភេទ ប្រុស អាយុ៤១ឆ្នាំ រស់នៅភូមិរូងអំពិល ឃុំខ្នាចរមាស ស្រុកបវេល បណ្តាលឲ្យរបួសធ្ងន់ ត្រូវបានសាច់ ញាតិ ដឹកទៅសង្រ្គោះនៅមន្ទីរពេទ្យខេត្តទាំងយប់ ។</span></p>
<p><span style="color: #000000;">ប្រភពបានបន្តថា មុនពេលកើតហេតុ ជនសង្ស័យបានមកពីស្រែ ហើយបានឈ្លោះគ្នាជាមួយប្រពន្ធ ព្រោះតែខឹងពេលទូរស័ព្ទមក ប្រពន្ធពេលណា មិនដែលលើកទូរស័ព្ទទាល់តែសោះ ពិសេសនោះ គឺមិន ដែលបានរួមរ័កជាមួយគ្នាទេ ហើយសង្ស័យថា ប្រពន្ធមានសាហាយទៀតផង ដោយសារតែទ្រាំលែង បាន ក៏យកកាំបិត និងពូថៅ មកកាប់ប្រពន្ធចំស្មា និងក្បាល បណ្តាលឲ្យរបួសធ្ងន់ ។ បន្ទាប់ពីជន សង្ស័យធ្វើសកម្មភាពហើយ សមត្ថកិច្ចបានចុះឃាត់ខ្លួនបានភ្លាមៗ រួចនាំយកមកអធិការស្រុកសួរនាំ។</span></p>
<p><span style="color: #000000;">ជនសង្ស័យបានឆ្លើយសារភាពថា ខ្លួនពិតជាមានបំណងកាប់ ប្រពន្ធខ្លួនសម្លាប់ចោលពិតប្រាកដមែន ដោយសារតែខ្លួនខានបានរួមរ័កជាមួយជាយូរខែមកហើយ និងសង្ស័យប្រពន្ធខ្លួនមានប្រុសថ្មីទៀតផង។</span></p>
<p><span style="color: #000000;">បច្ចុប្បន្នជនសង្ស័យ ត្រូវបានសមត្ថកិច្ចនគរបាលស្រុកបវេល បានកសាងសំណុំរឿង បញ្ជូនមកស្នង នគរបាលខេត្ត នៅរសៀលថ្ងៃទី១៥ ខែកញ្ញានេះ ដើម្បីចាត់ការបន្តតាមច្បាប់ ៕</span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-015/T-0353.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-015/T-0354.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-015/T-0355.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-015/T-0356.jpg" alt="" /></span></p>
<p style="text-align: center;"><span style="color: #000000;"><img src="http://image.dap-news.com:81/dap-news/dap-images/2014/September/id-015/T-0357.jpg" alt="" /></span></p>
</div>
<p style="text-align: right;"><a href="http://www.dap-news.com/2011-06-14-02-39-55/95192-2014-09-15-08-58-29.html" target="_blank"><span style="color: #000000;">ផ្តល់សិទ្ធដោយ ៖ ដើមអម្ពិល</span></a></p>