<p>មកដល់ព្រឹកនេះ (២០មេសា) ក្រុមអ្នកមុជទឹក បានរកឃើញ និងយកសាកសព ចំនួន ១៣នាក់<br /> ចេញពីសាឡាង Sewol ហើយចំនួនអ្នកស្លាប់ បានកើនដល់ ៤៩នាក់ ខណៈដែលបេសកកម្មនៃ<br />ការស្រង់សាឡាងនេះ នឹងត្រូវចំណាយពេល ច្រើនខែ។</p>
<p style="text-align: center;"><a class="thickbox" title="" href="/FileManager/Commons/2014/4/20/sankship-20-04-2014--11-39-38.jpg"><img src="/FileManager/Articles/mce/2014/4/20/sankship-20-04-2014--11-39-38.jpg" alt="" width="488" height="366" /></a></p>
<p style="text-align: center;">សាឡាង Sewol បានលិចទៅក្នុងទឹកទាំងស្រុង</p>
<p><br />ព័ត៌មានខាងលើ ត្រូវបានប្រកាសឱ្យដឹង បន្ទាប់ពីក្រុមអ្នកមុជទឹក បានចូលទៅដល់ផ្នែកខាងក្នុង<br />សាឡាង ក្រោយរយៈពេល ៣ថ្ងៃ ធ្វើមិនបានសម្រេច ដោយសារខ្សែទឹកហូរខ្លាំង និងមើលមិន<br />បានឆ្ងាយ។<br /><br />កាលពីយប់មិញ ក្រុមអ្នកមុជទឹក បានវាយបំបែកបង្អួចមួយរបស់សាឡាង និងយកបានសាក<br />សព ចំនួន៣នាក់ នេះបើតាមការអះអាងរបស់ Kim Kwang-hyun មន្ដ្រីម្នាក់នៃកងកម្លាំងល្បាតនៅ<br />ឆ្នេរសមុទ្រ។ ទាំងនេះ គឺជាសាកសពមួយចំនួន ក្នុងចំណោមសាកសពដំបូងៗ ដែលត្រូវបានយក<br />ចេញពីសាឡាង Sewol ។</p>
<p style="text-align: center;"><a class="thickbox" title="" href="/FileManager/Commons/2014/4/20/sankship2-20-04-2014--11-42-18.jpg"><img src="/FileManager/Articles/mce/2014/4/20/sankship2-20-04-2014--11-42-18.jpg" alt="" /></a></p>
<p style="text-align: center;">សាច់ញាតិជនរងគ្រោះម្នាក់ ចង់ចូលទៅក្នុងតំបន់កើតហេតុ</p>
<p><br />ក្រោយមក ក្នុងថ្ងៃទី ២០មេសានេះ ក្រុមអ្នកមុជទឹក ក៏បាននាំយកសាកសពចេញបន្ថែម ចំនួន <br />១៣នាក់ទៀត ធ្វើឱ្យចំនួនអ្នកស្លាប់ដែលត្រូវបានយកចេញ កើនឡើងដល់ ៤៩នាក់។ សមត្ថកិច្ច<br />កូរ៉េខាងត្បូង ឱ្យដឹងថា មកដល់ពេលនេះ នៅសល់មនុស្សចំនួន ២៥៣នាក់ផ្សេងទៀត កំពុងតែ<br />បាត់ខ្លួន ក្នុងនោះ ភាគច្រើនគឺជាសិស្សសាលា ដែលពួកគេកំពុងធ្វើដំណើរទៅលំហែកាយ។<br /><br />ចំណែក ប្រធានក្រុមនាវិក លោក Lee Joon-seok អាយុ ៦៩ឆ្នាំ និងសមាជិកក្រុមនាវិកចំនួន ២<br />នាក់ផ្សេងទៀត ត្រូវបានចាប់ខ្លួន។ លោក Lee Joon-seok កំពុងប្រឈមនឹងការចោទប្រកាន់ជា<br />ច្រើនករណី ក្នុងនោះ ក៏មានការចោទប្រកាន់ ទាក់ទិននឹងការធ្វេសប្រហែស និងរំលោភច្បាប់ចរា<br />ចរណ៍ជើងទឹក។<br /><br />កាលពីថ្ងៃទី ១៩កន្លងទៅ ចំនួនទាហាន ដែលបានចូលរួមជួយសង្គ្រោះ ឡើងដល់ ៦៥២ នាក់ <br />ក្រៅពីនេះ ក៏មានការចូលរួមពីសំណាក់ក្រុមស៊ីវិលជាច្រើនផងដែរ។</p>
<p style="text-align: center;"><a class="thickbox" title="" href="/FileManager/Commons/2014/4/20/sankship3-20-04-2014--11-41-20.jpg"><img src="/FileManager/Articles/mce/2014/4/20/sankship3-20-04-2014--11-41-20.jpg" alt="" /></a></p>
<p style="text-align: center;">សាច់ញាតិរបស់ជនរងគ្រោះ</p>
<p><br />លោក Shin Won-Nam មេបញ្ជាការនៃអង្គភាពប្រតិកម្មបន្ទាន់ អះអាងថា បេសកកម្មជួយសង្គ្រោះ<br /> នឹងអូសបន្លាយពេលច្រើនសប្ដាហ៍ ប្រសិនមិនចង់និយាយថា ច្រើនខែ។</p>
<p style="text-align: right;"><br /><br />ប្រែសម្រួលដោយ ៖ តារា<br />ប្រភព ៖ RT<br /><br /></p>