<p>Samsung ទើបតែធ្វើការចែកចាយជាផ្លូវការនូវស្មាតហ្វូន ដែលមានតួស្រោបដោយលោហធាតុ Galaxy A5 នៅលើទីផ្សារប្រទេសចិន ក្នុងកំរិតតំលៃលក់ប្រហែល ៤២០ ដុល្លារ។</p>
<p style="text-align: center;"><span style="color: #3366ff;"><a href="http://www.camnews.com.kh/News/Detail/34917/chip-apple%E2%80%8B-a8-of-iphone-6-6-plus-supports-4k-video-playback"><span style="color: #3366ff;"><em><span style="color: #0000ff;">...អាន៖ មានដឹងទេ Chip Apple A8 នៅលើ iPhone 6 និង iPhone 6 Plus ផ្គត់ផ្គង់ចាក់វីដេអូ កំរិតរីសូលុយហ្សិន 4K ? (Video inside)</span></em></span></a></span></p>
<p style="text-align: center;"><strong><a class="thickbox" title="" href="/FileManager/Commons/2014/11/25/galaxy-a5-colors-970x0-25-11-2014--20-42-03.jpg"><img src="/FileManager/Articles/mce/2014/11/25/galaxy-a5-colors-970x0-25-11-2014--20-42-03.jpg" alt="" /></a><br /></strong></p>
<p>ត្រូវបានប្រកាសបង្ហាញកាលពីចុងខែតុលា កន្លងទៅនេះ ស្មាតហ្វូន Galaxy A5 មានតួធ្វើពីលោហ ធាតុទាំងអស់ មិនអាចដោះថ្មបាន ហើយវាក៏ជាស្មាតហ្វូនដែលកម្រាស់ស្តើងជាងគេបំផុត ក្នុង ចំណោមស្មាតហ្វូនស្តើងៗមួយចំនួនទៀតរបស់ Samsung ផងដែរ។ ជាក់ស្តែង វិមាត្ររបស់ Galaxy A5 គឺ 139,3 x 69,7 x 6,7 mm និងមានទម្ងន់ 123g។</p>
<p style="text-align: center;"><a href="http://www.camnews.com.kh/News/Detail/67291/asian-like-iphone-6-plus-the-most-in-the-world"><span style="color: #3366ff;"><em>...អាន៖ ជនជាតិអាស៊ីចូលចិត្តប្រើប្រាស់ iPhone 6 Plus ច្រើនជាងគេ លើសកលលោក</em></span></a></p>
<p>ស្មាតហ្វូននេះប្រើប្រព័ន្ធប្រតិបត្តិការ Android KitKat ជាមួយលក្ខណៈសម្បត្តិរួមមាន៖ តំណភ្ជាប់ LTE អេក្រង់ Super AMOLED 5 inch កំរិតរីសូលុយហ្សិន 720p កាមេរ៉ាក្រោយ 13MP កាមេរ៉ាមុខ 5MP RAM 2GB មេម៉ូរីក្នុង 16GB អាចបន្ថែមមេម៉ូរីក្រោយបាន និងមាន CPU Quad Core Qualcomm Snapdragon 410 ល្បឿន 1.2GHz។ ម៉ូដែល Galaxy A5 សម្រាប់ទីផ្សារប្រទេសចិន មានផ្គត់ផ្គង់ ស៊ីមពីរ។</p>
<p style="text-align: center;"><a href="http://www.camnews.com.kh/News/Detail/59842/concept-of-galaxy-s6-and-galaxy-s6-edge"><em><span style="color: #3366ff;">...អាន៖ Concept របស់ Galaxy S6 និង Galaxy S6 Edge មានការឌីហ្សាញថ្មីប្លែក ទាក់ទាញចិត្ត (មានវីដេអូ)</span></em></a></p>
<p>បើតាមការរំពឹងទុកទាំង Galaxy A5 និង Galaxy A3 នឹងដាក់លក់នៅតាមបណ្តាទីផ្សារជាច្រើនទៀត ក្នុងពេលឆាប់ៗនេះ។ បច្ចុប្បន្ន Samsung កំពុងតែជួបបញ្ហាមួយចំនួនពាក់ព័ន្ធនឹងដំណើរការផលិត ស្មាតហ្វូនទាំងពីរម៉ូដែលនេះ ដូច្នេះក្រុមហ៊ុន នៅមិនអាចបញ្ចេញផលិតផលដាក់លក់ នៅលើទីផ្សារ ច្រើនប្រទេសផ្សេងគ្នា ក្នុងពេលតែមួយបានទេ។ ទោះជាយ៉ាងណាក៏ដោយ តំលៃលក់ ៤២០ ដុល្លារ នៅទីផ្សារប្រទេសចិន វាជាតំលៃមួយប្រកួតប្រជែង និងអាចទទួលយកបាន៕</p>
<p> </p>
<p style="text-align: right;">ប្រែសម្រួល៖ សិលា<br />ប្រភព៖ PhoneArena, vreview</p>