<div class="article-content">
<p><strong>ភ្នំពេញ៖</strong> ជនសង្ស័យ ដែលជាប់ពាក់ព័ន្ធ និងសកម្មភាពគាស់ផ្ទះ ប្រជាពលរដ្ឋយ៉ាងសកម្ម នៅក្នុង<br />រាជធានីភ្នំពេញ និងប្រើប្រាស់គ្រឿងញៀន១០នាក់ ត្រូវបានបង្ហាញមុខជាសាធារណ:នៅព្រឹកថ្ងៃទី<br />៣ ខែវិច្ឆិកា ឆ្នាំ២០១៣ ក្រោយពីចាប់ខ្លួនជាបន្តបន្ទាប់ពីសំណាក់កម្លាំង នគរបាល ការិយាល័យ <br />ព្រហ្មទណ្ឌកម្រិតធ្ងន់ រាជធានីភ្នំពេញ និងកម្លាំងនគរបាលខណ្ឌទួលគោក។</p>
<p>លោក អេង សោភា នាយការិយាល័យ ព្រហ្មទណ្ឌកម្រិតធ្ងន់ បានមានប្រសាសន៍ថា ក្រោយពីសកម្ម<br />ភាពចោរ គាស់ផ្ទះជាច្រើនករណី កន្លងមក នៅក្នុងរាជធានីភ្នំពេញ និងធ្វើឲ្យប្រជាពលរដ្ឋ បាត់បង់<br />ទ្រព្យសម្បត្តិ និងលុយកាស់ ជាច្រើន មកនោះ លោកឧត្តមសេនីយ៍ ជួន សុវណ្ណ ស្នងការ នគរបាល<br />រាជធានី ភ្នំពេញ និងលោកឧត្តមសេនីយ៍ត្រី ជួន ណារិន្ទ ស្នងការរង និងជាប្រធានការិយាល័យ <br />កណ្តាលយុត្តិធម៌ បានបញ្ជាឲ្យកម្លាំង នគរបាលជំនាញ ព្រហ្មទណ្ឌសហការជាមួយ កម្លាំងនគរបាល<br /> តាមបណ្តាខណ្ឌ ចុះស្រាវជ្រាវតាម និងតាមចាប់មុខសញ្ញាទាំងនេះ ឲ្យបានដើម្បីយកទៅផ្តន្ទាទោស<br />តាមផ្លូវច្បាប់ ។</p>
<p>លោក អេង សោភា បានបន្តទៀតថា ក្រោយពីមានការស្រាវជ្រាវ តាមជំនាញរបស់ខ្លួន និងមាន<br />ការសម្រប សម្រួលតាមផ្លូវច្បាប់ពីសំណាក់លោក មាស ច័ន្ទពិសិដ្ឋ ព្រះរាជអាជ្ញារង រួចមកកម្លាំង<br />របស់លោក បានឈានទៅដល់ការចាប់ខ្លួន ជនសង្ស័យទាំងនេះ ជាបន្តបន្ទាប់សរុប១០នាក់ ក្នុង<br />នោះ ជនសង្ស័យគាស់ផ្ទះ៥នាក់ និងប្រើប្រាស់គ្រឿងញៀន ៥នាក់ ហើយមាននារី៣នាក់ ។</p>
<p>លោក អេង សោភា បានបន្តថា ក្រោយការចាប់ខ្លួន កម្លាំងសមត្ថកិច្ចបានដកហូតម៉ូតូ២គ្រឿង និង<br />សម្ភារ:ជាច្រើនផ្សេងទៀត៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-14.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-15.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-010/chanroth013-nov-16.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>