<p><span style="color: #000000;">គ្រោះថ្នាក់ ៖ ព្រឹកថ្ងៃសុក្រ ទី ៣ ខែកក្កដា ២០១៥ នេះ បើយោងតាមការចេញផ្សាយ សម្រង់អត្ថបទ ពីសារព័ត៌មានចិន អោយដឹងថា ស្រ្តីម្នាក់ បានលោត សម្លាប់ខ្លួន នៅឯផ្សារទំនើបមួយកន្លែង ដែល គេស្គាល់ឈ្មោះថា ផ្សារទំនើប IAPM mall ក្នុងទីក្រុងសៀងហៃ ប្រទេសចិន អំឡុងព្រឹកថ្ងៃទី ២ម្សិល មិញនេះផ្ទាល់តែម្តង ។</span></p>
<p><span style="color: #000000;"><a class="thickbox" title="" href="/FileManager/Commons/2015/7/3/20-03-07-2015--09-26-11.jpg"><img src="/FileManager/Articles/mce/2015/7/3/20-03-07-2015--09-26-11.jpg" alt="" /></a><br /></span></p>
<p><span style="color: #000000;">ប្រភពដដែលបន្តអោយដឹងថា មូលហេតុដែលនាំអោយស្រ្តីរូបនេះ ឈាន ដល់ការធ្វើអត្តឃាត តាម រយៈការលោតពីលើអាគារសម្លាប់ខ្លួន ពុំទាន់បានដឹងជាក់ច្បាស់ នៅឡើយទេ ពោលស្ថិតនៅក្រោម ការតាមដាននិងស៊ើបអង្កេតនៅឡើយ ។ ប៉ុន្តែ អ្វីដែលជាការអះអាងជាជំហានដំបូង និង ដាក់បន្ទុក ទៅលើថាជាមូលហេតុនាំអោយមានការសម្លាប់ខ្លួនលើកនេះ ទំនង បណ្តាល មកពីទីផ្សារភាគហ៊ុន ចិនធ្លាក់ចុះយ៉ាងគំហុក ។ </span></p>
<p><span style="color: #000000;">Shanghai Composite ផ្សារភាគហ៊ុនធំបំផុត របស់ប្រទេសចិន បានធ្លាក់ចុះ ដល់ទៅ ៥ភាគរយក្នុង អំឡុងពេលត្រឹមតែ ១ ម៉ោង ខណៈមកទល់នឹងបច្ចុប្បន្នភាព បន្តធ្លាក់ចុះខ្លាំងបំផុត ក្នុងរយៈពេលបី ខែចុងក្រោយ ៕</span></p>
<p><strong><span style="color: #000000;">កំណត់សម្គាល់ ៖ តើលោកអ្នក មានកាត្វកិច្ចអ្វីខ្លះ នៅពេលឃើញបុគ្គលណាមួយ ចង់ធ្វើ អត្តឃាត?</span></strong></p>
<p><span style="color: #000000;">- ចូរកុំចាកចេញពីបុគ្គលចង់ធ្វើអត្តឃាត អោយនៅតែម្នាក់ឯង </span></p>
<p><span style="color: #000000;">- យកចេញនូវរបស់របរមួយចំនួន ពីជុំវិញខ្លួន បុគ្គលចង់ធ្វើអត្តឃាត រួមមានដូចជា កាំបិទ ថ្នាំពុល ឬក៏កាំភ្លើងជាដើម</span></p>
<p><span style="color: #000000;">- នាំខ្លួន បុគ្គលដែលចង់ធ្វើអត្តឃាត ទៅបន្ទប់សង្គ្រោះបន្ទាន់ទាំងផ្លូវកាយ និងផ្លូវចិត្ត </span></p>
<p><span style="color: #000000;">- ស្វែងរកបទអន្តរាគមន៍ភ្លាមៗដោយទូរស័ព្ទទៅកាន់ប្រព័ន្ធ Hotline ដែលនៅជិតលោកអ្នកបំផុត៕</span></p>
<p><span style="color: #000000;"><a class="thickbox" title="" href="/FileManager/Commons/2015/7/3/21-03-07-2015--09-26-25.jpg"><img src="/FileManager/Articles/mce/2015/7/3/21-03-07-2015--09-26-25.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ឆៃណា</span></p>