<p><span style="color: #000000;">ព័ត៌មានអន្តរជាតិ ៖ មន្ទីរបញ្ចកោណសហរដ្ឋអាមេរិក គូសបញ្ជាក់ ថ្ងៃសុក្រ ម្សិលមិញនេះ អោយ ដឹងថា អ្នកជំនាញកុំព្យូទ័រ មកពីក្រុមរដ្ឋអ៊ីស្លាម ជ្រុលនិយម ដែល ទទួលរ៉ាប់រង ក្នុងការប្រកាស រើសសមាជិកថ្មី ក៏ដូចជា វាយលុកប្រព័ន្ធកុំព្យូទ័រនោះ ត្រូវបានសម្លាប់ដោយជោគជ័យហើយ តាម រយៈការវាយប្រហារ តាមអាកាស របស់សហរដ្ឋអាមេរិក អំឡុងសប្តាហ៍នេះ ។ </span></p>
<p><a class="thickbox" title="" href="/FileManager/Commons/2015/8/29/20-29-08-2015--09-44-18.jpg"><img src="/FileManager/Articles/mce/2015/8/29/20-29-08-2015--09-44-18.jpg" alt="" /></a></p>
<p><span style="color: #000000;">ទំនួលខុសត្រូវរបស់លោក គឺកៀងគរសមាជិកថ្មីអោយស្ម័គ្រចិត្តចូលដៃជាមួយនឹងក្រុមរដ្ឋអ៊ីស្លាម ជ្រុលនិយមរបស់ខ្លួន ។ មិនត្រឹមតែប៉ុណ្ណោះ លោកមានទំនួល ខុស ត្រូវមួយផ្សេងទៀត នោះគឺ ចេញផ្សាយនូវព័ត៌មានលម្អិត យោធាអាមេរិម បុគ្គលិករដ្ឋា ភិបាលសហរដ្ឋអាមេរិក ប្រមាណជាង១៣០០ នាក់ ទៅដល់ក្រុមណាមួយដែលស្វែង រក ការប្រើអំពើហឹង្សាងោយផ្ទាល់ ប្រឆាំងនឹង រដ្ឋា ភិបាលសហរដ្ឋអាមេរិក ។ </span></p>
<p><a class="thickbox" title="" href="/FileManager/Commons/2015/8/29/21-29-08-2015--09-44-26.jpg"><img src="/FileManager/Articles/mce/2015/8/29/21-29-08-2015--09-44-26.jpg" alt="" /></a></p>
<p><span style="color: #000000;">យោងតាមកាសែតសហរដ្ឋអាមេរិក The Hill ចុះផ្សាយអោយដឹងថា មន្រ្តីផ្លូវការ ការពារជាតិសហ រដ្ឋអាមេរិក មានជំនឿជាក់ Hacker ក្រុម ISIS ឈ្មោះ Hussain ក៏ ធ្លាប់ ជាបុគ្គលមួយ ដែលនៅពី ក្រោយការវាយប្រហារ គណនី Youtube និង Twitter នៃបញ្ជាការដ្ឋាន កណ្តាល សហរដ្ឋអាមេរិក កាលពីដើមឆ្នាំនេះដូចគ្នាដែរ ។ ប្រភពបន្តអោយដឹងថា បុគ្គលរូបនេះ គឺជាបុគ្គលគ្រោះថ្នាក់បំផុត ពីព្រោះគាត់មានសមត្ថភាព បច្ចេកទេសកុំព្យូទ័រ ដ៏កំពូល ខណៈ មាននិន្នាការខ្ពស់ ចង់តែសម្លាប់ ពលរដ្ឋអាមេរិក ដោយគៀងគរអ្នកឯទៀត មកសម្លាប់ពលរដ្ឋអាមេរិកថែមទៀតផង ៕</span></p>
<p><a class="thickbox" title="" href="/FileManager/Commons/2015/8/29/22-29-08-2015--09-44-36.jpg"><img src="/FileManager/Articles/mce/2015/8/29/22-29-08-2015--09-44-36.jpg" alt="" /></a></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ស៊ិនហួរ </span></p>