<div class="article-content">
<p><strong>ភ្នំពេញ៖</strong> បុរសជាងកាត់ដេរម្នាក់ មានសណ្តាន ចិត្តល្អព្យាយាមរត់ទៅជួយសង្រ្គោះអ្នកដទៃ បែរជារង ទុក្ខខ្លួនឯង ដោយជ្រុលធ្លាក់ពីលើផ្ទះជាន់ទី២ បាក់កជើងខាងឆ្វេង។</p>
<p>សាក្សីនៅកន្លែងកើតហេតុ បានរៀបរាប់ថា ឆ្វេង កាលពីវេលាម៉ោងប្រមាណ២០និង១៥នាទីយប់ថ្ងៃទី ៣០ ខែ មករា ឆ្នាំ២០១៤ បុរសរងគ្រោះព្រោះខ្វាយខ្វល់ពីសុខទុក្ខអ្នកដទៃរូបនេះ បានឃើញបុរសម្នាក់ មានអាការ:ងងឹត វិលមុខដួល ក៏ស្ទុះរត់ទៅជួយចាប់ តែអកុសលជ្រុលជើងហួសធ្លាក់ពីលើផ្ទះជាន់ទី២ ចុះទៅដី បណ្តាលឲ្យរង គ្រោះជំនួសគេ បាក់កជើងខាងឆ្វេង ស្ថិតនៅអគារផ្ទះជួលមួយកន្លែង ក្នុងភូមិ ត្រពាំងថ្លឹង សង្កាត់ចោមចៅ ខណ្ឌ ពោធិ៍សែនជ័យ ។</p>
<p>តាមការរៀបរាប់ពីក្រុមគ្រួសារ បានឲ្យដឹងថា បុរសរងគ្រោះឈ្មោះ សួន ចន្ធី អាយុ៣៥ឆ្នាំ មុខរបរ ជាងកាត់ដេរ ស្នាក់នៅ ផ្ទះជួលកើតហេតុ មានស្រុកកំណើត ភូមិចារជ្រុំ ឃុំជ្រៀច ស្រុកកំចាយមា ខេត្តព្រៃវែង ។</p>
<p>ប្រភពដដែលបន្តទៀតថា នៅមុនពេលកើតហេតុ បន្ទាប់ពី អ្នកនៅជួលបន្ទប់ ក្បែរខាងគ្នា នៅជាន់ទី២ មានអា ការ: ខ្យល់គ ដួល ឃើញដូច្នោះ ជនរងគ្រោះខាងលើ (សួន ចន្ធី) បានរត់ហក់ទៅជួយទាំង ភ័យស្លន់ស្លោ ដោយ ខ្វះការប្រុងប្រយ័ត្ន ក៏បានជ្រុលជើងហួសធ្លាក់មកដី បណ្តាលឲ្យរងរបួសបាក់ កជើងខាងឆ្វេង។</p>
<p>ជនរងគ្រោះត្រូវបានសាច់ញាតិ ដឹកតាមម៉ូតូរឺម៉កកង់បី ទៅព្យាបាលនៅមន្ទីរពេទ្យព្រះកុសុមៈ៕</p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0405.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0406.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81//dap-news/dap-images/2014/January/id-007/Pheak-0407.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ <a href="http://www.dap-news.com/2011-06-14-02-39-55/80107-2014-01-31-04-32-29.html"><span style="color: #0000ff;">ដើមអំពិល</span></a></p>
</div>