<p>ព័ត៌មានអន្តរជាតិ ៖ យោងតាមការដកស្រង់ អត្ថបទផ្សាយ ពីគេហទំព័រ សារព័ត៌មានបរទេស newsinfo អោយដឹងថា ក្រុមអ្នកវិភាគបានលើកឡើងថា ការស្វែងរកយន្តហោះម៉ាឡេស៊ី MH370 ដែលបានបាត់ខ្លួន ត្រូវបានចំណាយ លុយច្រើនជាងគេបំផុត នៅក្នុងប្រទេសសាស្ត្រ នៃការបាត់យន្តហោះ ហើយក៏ពុំទទួល បានតម្រុយអ្វីដែរ។</p>
<p>គួររំឭកថា លោក Ravikumar Madavaram អ្នកជំនាញខាង អាកាសចរណ៍មកពី Frost & Su- llivan Asia Pacific បាននិយាយថា ម៉ាឡេស៊ី អូស្ត្រាលី និង ចិន ជាប្រជាជនជិះនៅលើ យន្ត ហោះដែលបាន បាត់ខ្លួនច្រើនជាងគេបំផុត ហើយបើតាមការប៉ាន់ប្រមាណ ការស្វែងរក យន្តហោះនេះ បានចំណាយសរុបប្រមាណជា ១០០លានដុល្លារអាមេរិក។</p>
<p><a class="thickbox" title="" href="/FileManager/Commons/2014/4/18/a-royal-australian-air-18-04-2014--15-50-09.jpg"><img src="/FileManager/Articles/mce/2014/4/18/a-royal-australian-air-18-04-2014--15-50-09.jpg" alt="" /></a></p>
<p>មិនត្រឹមតែប៉ុណ្ណោះ ប្រភពដដែល បន្តអោយដឹងថា លោកបានបន្តទៀតថា លោកពិបាកក្នុង ការ កំណត់ថា ប្រតិបត្តិការទាំងមូល មានតម្លៃប៉ុន្មាន ប៉ុន្តែលោកអាច ប៉ាន់ប្រមាណថា តម្លៃ វាគឺប្រហែល ១០០លានដុល្លារអាមេរិក ហើយវានឹងអាចកើនឡើង ខ្ពស់ជាងនេះទៅទៀត បើសិនជាបណ្ដាល ប្រទេសធំៗនៅ តែបន្តស្វែងរក។</p>
<p>គួរបញ្ជាក់ថា លោក Ravikumar Madavaram បានប្រាប់ទីភ្នាក់ងារ AFP ថា សហរដ្ឋអាមេរិក បានចំណាយលុយ ៧,៣លានដុល្លារអាមេរិក ក្នុងការស្វែងរកយន្តហោះ MH370 ប៉ុន្តែ ប្រទេស ផ្សេងៗមិន បានបញ្ជាក់នោះទេ៕</p>
<p style="text-align: right;">ប្រែសម្រួល ៖ កុសល<br /> ប្រភព ៖ newsinfo</p>