<p><strong>ភ្នំពេញ៖</strong> ថ្មីៗនេះ លេចឮព័ត៌មានមកថា តារាសម្តែង និងជាពិធីការិនីវ័យក្មេងពីររូប រួមដំបូលទូរទស្សន៍ CTN កញ្ញា គង់ វង្សយ៉ាទី និង កញ្ញា ជីជី មានបញ្ហាជម្លោះមើលមុខគ្នាមិន ចំ ព្រោះរឿងជ្រែកតំណែង ពិធីការិនីក្នុង កម្មវិធីរាត្រីកំសាន្ត នៅទូរទស្សន៍ CTN ។ ប៉ុន្តែដំណឹងនេះត្រូវ បានតារាស្រីវ័យក្មេងសាច់ខ្ចី គង់ វង្សយ៉ាទី ចេញមុខ បដិសេធច្រានចោលថា ជារឿងមិនពិត។</p>
<p>ប្រាប់គេហទំព័រ LookingTODAY ឲ្យដឹងតាមទូរស័ព្ទ នៅរសៀលថ្ងៃទី ២៧ ខែមិថុនា ឆ្នាំ២០១៤នេះ ពិធីការិនី គង់ វង្សយ៉ាទី បាននិយាយថា ចាប់តាំងពីនាងចូលធ្វើជា ពិធីការិនីនៅស្ថានីយ ទូរសទ្សន៍CTN រហូតមកដល់ពេលនេះ គឺ មិន ដែលមានទំនាស់ ឬមួយក៏ជម្លោះអ្វីជាមួយ កញ្ញា ជីជី នោះឡើយ។ ចំពោះព័ត៌មានថា នាង និង ជីជី មានទំនាស់អន់ចិត្ត មើលមុខគ្នាមិនចំនោះ ជារឿងមិនពិតទាល់តែសោះ។</p>
<p>ពិធីការិនី ក្នុងកម្មវិធីរាត្រីកំសាន្ត គង់ វង្សយ៉ាទី បាននិយាយថា "ខ្ញុំ និង ជីជី មិនដែលមានទំនាស់នឹងគ្នា សូម្បីតែ ម្តងណាឡើយ ពោលគឺតាំងពីខ្ញុំចូល CTN មក យើងធ្វើការងារ ជាមួយគ្នាស្រួលណាស់..(សើច) អត់ដែលមានជម្លោះសោះតែម្តង។ ហើយរឿងថា ខ្ញុំទាស់ទែងគ្នា ជាមួយ ជីជី ព្រោះ តែការដណ្តើមតំណែងនៅ CTN នោះ គឺគ្មានឡើយ ..!"។</p>
<p>កញ្ញា គង់ វង្សយ៉ាទី បានបញ្ជាក់ថា "រូបខ្ញុំផ្ទាល់ កញ្ញា ជីជី និង បង សាយរតនៈ គឺធ្វើការងារ ជាមួយគ្នា បានល្អណាស់ មិនដែលមានអ្នកណាម្នាក់ អាក់អន់ចិត្ត នឹងអ្នកណាម្នាក់ទេ។ ម្យ៉ាងទៀត ខ្ញុំក៏ចង់បញ្ជាក់បន្ថែម ប្រាប់ដល់ទស្សនិកជន តាមរយៈគេហទំព័រ LookingTODAY ថាសូមបងប្អូន កុំមានការ យល់ច្រឡំបន្តទៀត ជុំវិញព័ត៌មានថា ខ្ញុំ និងជីជី មានបញ្ហាឈ្លោះប្រកែកក្នា ដល់ថ្នាក់មើលមុខមិនចំនោះ..!"។</p>
<p>ជាមួយគ្នានេះ គង់ វង្សយ៉ាទី បានបំភ្លឺជុំវិញព័ត៌មាន ធ្លាប់រិះគន់មកលើខ្លួននាងថា ពេលបានល្បីហាក់ មាន ចរិតឆ្មើងឆ្មៃ ដាក់ទស្សនិកជន និងអ្នកគាំទ្រ។ ចំពោះព័ត៌មានត្រូវបាន យ៉ាទី បកស្រាយប្រាប់ LookingTODAY ថា នាងមិនដែលគិត និងក៏មិនបានធ្វើឫកពារឆ្មើងឆ្មៃ ដាក់អ្នកម្នាក់ នោះទេ។ ពេលនាង ទៅណាមកណាឲ្យ តែឃើញទស្សនិក ជន តែងតែញញឹម សើចដាក់ជាធម្មតា ហើយបើអ្នកធ្លាប់ស្គាល់ឲ្យតែឃើញ គឺហៅ និង សួរនាំតែរហូតហ្នឹង..! គ្មានអ្វីប្រែប្រួលទេ។<br />ចំណែករឿង គេតែងតែនិយាយ ដោយទំលាក់កំហុស ឲ្យខ្លួននោះ យ៉ាទី គិតថា អាចមានបុគ្គលណាម្នាក់ គេច្រណែន ឬ មួយតាមឈ្នានីស មកខ្លួននាង ដែលមិនដឹងអ្វី ដើម្បីបង្ខូចកេរ្តិ៍ឈ្មោះ ឲ្យមហាជនមានការយល់ច្រឡំ លើខ្លួននាង តាំងពីដើម រហូតមកដល់ពេលនេះ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1262.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1263.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1264.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1265.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1266.jpg" alt="" width="600" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2014/june/id-141/photo-1267.jpg" alt="" width="600" /></p>
<p style="text-align: right;"><a href="http://lookingtoday.com/index.php/entertainment-general-news/31776-2014-06-27-10-13-21.html" target="_blank">ផ្តល់សិទ្ធដោយ ៖ ដើមអម្ពិល</a></p>