<div class="article-content">
<p><strong>កំពង់ចាមៈ</strong> ប្តីហេងស៊យម្នាក់ បានយកដែកឆាប ចាក់ទៅលើប្រពន្ធ បណ្តាលឲ្យរងរបួសជា<br />ដំណំ បន្ទាប់ពីបុរសរូបនោះ បានបបួលនារីជាប្រពន្ធ ឲ្យទៅរួមរស់ជាមួយគ្នាវិញ ក្រោយពីនាង<br />បានរត់ចោល អស់រយៈពេល៣ខែ ប៉ុន្តែបុរសដៃដល់នេះ ត្រូវសមត្ថកិច្ចឃាត់ខ្លួនបានភ្លាមៗ <br />បន្ទាប់ពីបានធ្វើ សកម្មភាព។ ហេតុការណ៍នេះ បានកើតឡើងកាលពីវេលា ម៉ោង៤និង៣០<br />នាទី រសៀល ថ្ងៃទី១៩ ខែមិថុនា ឆ្នាំ២០១៣ នៅចំណុចផ្ទូវបំបែកត្រើង ស្ថិតក្នុងភូមិខែលជ័យ<br /> ឃុំអូរស្វាយ ស្រុកកំពង់សៀម ខេត្តកំពង់ចាម។</p>
<p>តាមមន្ត្រីនគរបាល ស្រុកកំពង់សៀម បានប្រាប់ឲ្យដឹងថា ប្តីហេងស៊យ ដែលយកដែកឆាប<br />ចាក់ប្រពន្ធ មានឈ្មោះ ស្រី ឆៃគា ហៅអួង អាយុ ២៩ឆ្នាំ មានទីលំនៅភូមិសមរម្យ ឃុំរកាព៥<br /> ស្រុកត្បូងឃ្មុំ ខេត្តកំពង់ចាម ចំណែក នារីរងគ្រោះ មានឈ្មោះ មន ម៉ាលី អាយុ ៤០ឆ្នាំ មាន<br />ទីលំនៅភូមិវ៉ារីកើត ឃុំស្វាយទាប ស្រុកចំការលើ ខេត្តកំពង់ចាម។</p>
<p>មន្ត្រីនគរបាល បានឲ្យដឹងទៀតថា នារីរងគ្រោះ ជាស្ត្រីមេម៉ាយ មានកូន ៤នាក់ ហើយមួយ<br />រយៈកន្លងទៅ នាងបានទៅនៅខេត្តរតនគិរី ដោយបានរួម រស់ជាប្តីប្រពន្ធ ជាមួយបុរសឈ្មោះ <br />អួង អស់រយៈពេល៣ឆ្នាំ។</p>
<p>លុះ មុនពេលកើតហេតុ៣ខែ នារីរងគ្រោះ បានចុះចោលប្តីហេងស៊យនោះ ត្រឡប់មកខេត្ត<br />កំពង់ចាមវិញ ប៉ុន្តែពួកគេ នៅមានការទំនាក់ទនងគ្នា តាម ទូរស័ព្ទធម្មតា។ ហើយនៅថ្ងៃកើត<br />ហេតុ នារីរងគ្រោះ បានទូរស័ព្ទប្រាប់ទៅប្តី ដែលនៅខេត្តរតនគីរី ឲ្យផ្ញើលុយតាមរថយន្ត មក<br />ឲ្យខ្លួនចំនួន ២០ម៉ឺន រៀល ។ មានការទំនាក់ទំនងដូច្នោះ ខាងប្រុស បានយល់ព្រម ប៉ុន្តែ មិន<br />ផ្ញើតាមអ្នកបើកបរទេ គឺខាងប្រុស បានជិះរថយន្តមកតែម្តង ព្រោះមាន ចេតនា ចង់ជួបនិងសុំ<br />រួមរស់ជាមួយគ្នាវិញ។</p>
<p>លុះនៅរសៀលថ្ងៃកើតហេតុនោះ អ្នកទាំងពីរ ក៏បានជួបគ្នាមែន នៅចំណុចផ្លូវបំបែកត្រើង<br /> ហើយខណៈ នោះ ខាងប្រុស ក៏បាននិយាយសុំឲ្យខាងស្រី ទៅនៅខេត្តរតនគិរីវិញ ប៉ុន្តែខាង<br />ស្រីប្រកែកដាច់ខាតមិនព្រម ទើបខាងប្រុសខឹង ក៏យកដែកឆាបចាក់ ទៅលើខ្លួនប្រាណខាង<br />ស្រី ត្រូវជាច្រើនកន្លែង បណ្តាលឲ្យរងរបួសធ្ងន់ ធ្វើឲ្យមានការភ្ញាក់ផ្អើល ដល់សមត្ថកិច្ច ទើប<br />សមត្ថកិច្ចប៉ុស្តិ៍ឃុំអូរស្វាយ ធ្វើការ ឃាត់ខ្លួនជនដៃដល់បានភ្លាមៗ នៅចំណុច កើតហេតុនោះ <br />យកទៅអធិការដ្ឋាននគរបាល ស្រុកកំពង់សៀម ដើម្បីចងក្រងសំណុំរឿងបញ្ជូនទៅ សាលា<br />ដំបូង ខេត្តកំពង់ចាម ចាត់ការទៅតាម នីតិវិធី ។ ដោយឡែក នារីរងគ្រោះ ត្រូវបានបញ្ជូនទៅ<br />សង្គ្រោះ នៅមន្ទីរពេទ្យខេត្តកំពង់ចាមភ្លាមៗ នោះដែរ៕</p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0497.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/June/id-014/that-0498.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>