<p>ព័ត៌មានអន្តរជាតិ ៖ មនុស្ស ២នាក់បានស្លាប់ភ្លាមៗនៅនឹងកន្លែងកើតហេតុ បន្ទាប់ពីយន្តហោះដែល ពួក គេជិះ បានធ្លាក់នៅតំបន់ ណតស៍ ហាមតុន ស្ថិត ក្នុងរដ្ឋ ញូហេមភ៍ស៊ឺ ភាគ ឦសាន សហរដ្ឋអាម៉េរិក កាលពីថ្ងៃចន្ទ ទី០១ ខែកញ្ញា ឆ្នាំ២០១៤។</p>
<p><a class="thickbox" title="" href="/FileManager/Commons/2014/9/2/03-02-09-2014--10-56-39.jpg"><img src="/FileManager/Articles/mce/2014/9/2/03-02-09-2014--10-56-39.jpg" alt="" /></a></p>
<p>ទីភ្នាក់ងារព័ត៌មាន ចិន ស៊ិនហួ បានដកស្រង់ពីសារព័ត៌មាន CBS អាម៉េរិក ឲ្យដឹងនៅថ្ងៃអង្គារ នេះថា គ្រោះថ្នាក់បានកើតឡើងនៅវេលាម៉ោង ១១ ព្រឹកថ្ងៃចន្ទ ម៉ោងនៅអាម៉េរិក ត្រូវនឹង ពេលទៀបភ្លឺថ្ងៃអង្គារ នៅអាស៊ី ដោយយន្តហោះខ្នាតតូចប្រភេទ Cessna 180 ដែលមាន មនុស្សជិះ ២នាក់ បានធ្លាក់ទៅ ក្នុង ព្រៃឈើ ក្បែរទីវាលចតយន្តហោះ ហាមតុន នោះតែម្តង។</p>
<p><a class="thickbox" title="" href="/FileManager/Commons/2014/9/2/04-02-09-2014--10-56-48.jpg"><img src="/FileManager/Articles/mce/2014/9/2/04-02-09-2014--10-56-48.jpg" alt="" /></a><br />បញ្ជាក់ ៖ រូបភាពទាំងនេះ ជារូបភាពឯកសារ ខណៈរូបភាព ធ្លាក់ចុងក្រោយនេះ ពុំទាន់ទទួលបាន<br /> នៅឡើយទេ</p>
<p>ចំពោះឈ្មោះរបស់ជនរងគ្រោះ នៅមិនទាន់មានការ បញ្ជាក់ ឲ្យដឹងនោះទេ។ ដោយឡែក យន្តហោះវិញ ត្រូវបានអ្នកនៅព្រលានបញ្ជាក់ថា បានចាប់ផ្តើមធ្វើការ ចុះចតទៅហើយ ប៉ុន្តែវាស្រាប់តែឆេះបែកផ្សែង ហើយក៏ជ្រុលចូលទៅធ្លាក់ក្នុងព្រៃក្បែរនោះតែម្តង បន្ទាប់ពីធ្វើការចុះចត ចាក់សាំង ។ មូលហេតុ ធ្លាក់ ច្បាស់លាស់ ប៉ូលិសជំនាញ កំពុងធ្វើការតាមដានជាបន្តទៀត៕</p>
<p style="text-align: right;">ប្រភព ៖ ដើមអម្ពិល និង ស៊ិនហួរ</p>