<p><span style="color: #000000;">ព័ត៌មានអន្តរជាតិ ៖ យន្តហោះធន់តូចមួយគ្រឿង ផ្ទុក សហសេវិក ៣ នាក់ បានធ្លាក់នៅក្នុងប្រទេស Venezuela អំឡុងសប្តាហ៍កន្លងទៅ នេះបើយោងតាមសេចក្តីរាយការណ៍ ព័ត៌មានក្នុងស្រុក ។ ដោយ ឡែក ភ្លាមៗ ខណៈក្រុមមន្រ្តីឆ្មាំជាតិ បានចុះទៅដល់កន្លែងកើតហេតុ ទីកន្លែងយន្តហោះធន់តូចធ្លាក់ ចុះនោះ គេបែរជារកឃើញ កូកាអ៊ិន មានទម្ងន់ ជិត ១ តោន រ៉ាយប៉ាយ នៅទីនោះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/6/52-06-04-2015--13-46-06.jpg"><img src="/FileManager/Articles/mce/2015/4/6/52-06-04-2015--13-46-06.jpg" alt="" /></a></span></p>
<p> <span style="color: #000000;">បញ្ជាក់ ៖ រូបភាពឯកសារ</span><span style="color: #000000;"><br /></span></p>
<p><span style="color: #000000;">ប្រភព បន្តអោយដឹងថា ហេតុការណ៍គ្រោះថ្នាក់ធ្លាក់យន្តហោះខាងលើនេះ គឺបានកើតឡើងនៅក្នុងរដ្ឋ </span><br /><span style="color: #000000;">Cojedes ភាគកណ្តាលប្រទេស Venezuela បានឆក់យកអាយុជីវិត សហសេវិក ៣ នាក់ ដែលមានវត្ត មាននៅលើនេះ ខណៈបច្ចុប្បន្នភាព ពុំទាន់អាចបញ្ជាក់បាននៅឡើយទេ ពីអត្តសញ្ញាណជនរងគ្រោះ ទាំង ៣ នាក់ នោះ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/6/50-06-04-2015--13-46-16.jpg"><img src="/FileManager/Articles/mce/2015/4/6/50-06-04-2015--13-46-16.jpg" alt="" /></a><br /></span></p>
<p><span style="color: #000000;">របាយការណ៍ បញ្ជាក់ច្បាស់អោយដឹងថា យន្តហោះខាងលើ បានធ្លាក់ចុះ មាន រយៈចម្ងាយ ប្រមាណ ២៥០ គ.ម ពីទីក្រុង Caracas កាលពីថ្ងៃពុធ សប្តាហ៍កន្លងទៅ ។ ប្រជុំរូបភាពនៃការរឹបអូសបានគ្រឿង ញឿនខាងលើបានបង្ហោះផ្សាយ នៅថ្ងៃចុងសប្តាហ៍ ថ្ងៃសៅរ៍ ។ មន្រ្តីឆ្មាំជាតិ បាន រក ឃើញ កញ្ជប់ថ្នាំ ញឿនកូកាអ៊ីន ដល់ទៅ ៨៦៣ កញ្ជប់ នៅកន្លែងធ្លាក់យន្តហោះ មាន ទម្ងន់ សរុប ៩៩៩ គីឡូក្រាម ។ សេចក្តីរាយការណ៍ បន្តអោយដឹងថា កញ្ចប់ កូកាអ៊ិន រឹបអូសបាននោះ ត្រូវបានដាក់តាំងបង្ហាញតំរៀប យ៉ាងវែង នៅតាមបណ្តោយផ្លូវ ពីមុខការិយាល័យ ឆ្មាំជាតិ ។ </span></p>
<p><span style="color: #000000;"><a class="thickbox" title="" href="/FileManager/Commons/2015/4/6/51-06-04-2015--13-46-28.jpg"><img src="/FileManager/Articles/mce/2015/4/6/51-06-04-2015--13-46-28.jpg" alt="" /></a><br /></span></p>
<p><span style="color: #000000;">ការិយាល័យ ព្រះរាជអាជ្ញា បានបើកការស៊ើបអង្កេតរកមូលហេតុ ដែលបានបណ្តាលអោយមានករណី ធ្លាក់យន្តហោះខាងលើ និង ប្តេជ្ញាតាមប្រមាញ់យន្តហោះដឹកទំនិញខុសច្បាប់ជាដើម ។ គួររំឮកថា កង កម្លាំងទ័ពអាកាសជាតិ បានផ្តល់សិទ្ធអំណាចក្នុងការបាញ់ទម្លាក់យន្តហោះដឹកគ្រឿងញៀនខុសច្បាប់ នៅក្នុងប្រទេស Venezuela ខណៈដែនអាកាសប្រទេសមួយនេះ ត្រូវបានប្រើប្រាស់ជាសាមញ្ញ ក្នុងការ ចរាចរណ៍គ្រឿងញៀនខុសច្បាប់ ពី Latin America ទៅ សហរដ្ឋអាមេរិក តួ យ៉ាង គ្រាន់តែអំឡុងឆ្នាំ ២០១៣ មន្រ្តីមានសមត្ថកិច្ច រឹបអូសបាន គ្រឿងញឿនខុសច្បាប់ ដល់ទៅ ៣៩ តោន ឯណោះ ៕</span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ អ័រតេញូវ </span></p>