<div class="article-content">
<p><strong>ភ្នំពេញ ៖</strong> អភិបាលរាជធានីភ្នំពេញ លោក ប៉ា សុជាតិវង្ស បានថ្លែងឲ្យដឹងនៅក្នុងពិធី បើកការដ្ឋាន ស្ថាបនាផ្លូវ ហាណូយ សង្កាត់ភ្នំពេញថ្មី ខណ្ឌសែនសុខ នៅព្រឹកថ្ងៃទី៣០ ខែសីហា ឆ្នាំ២០១៤ ថា ស្ពានអាកាសទី៤ ដែល នឹងសាងសង់ឡើងនៅភ្លើងស្តុបសាលាតិចណូ នឹងបើកដំណើរការសាងសង់ នៅថ្ងៃទី៩ កញ្ញា ២០១៤ខាងមុខ ក្រោមអធិបតីភាពសម្តេចតេជោ ហ៊ុន សែននាយករដ្ឋ មន្រ្តីនៃប្រទេសកម្ពុជា ។</p>
<p>ក្នុងពិធីសម្ពោធស្ពានអាកាសស្ទឹងមានជ័យ នាព្រឹកថ្ងៃទី៣១ ខែកក្កដា សម្តេចតេជោ ហ៊ុន សែន បានមាន ប្រសាសន៍ថា ស្ពានអាកាសទី៤នេះ នឹងចាប់ផ្តើមដំណើរការ សាងសង់ ក្រោមទំហំទឹក ប្រាក់ ១៤លានដុល្លារ អាម៉េរិក សាងសង់ដោយក្រុមហ៊ុន OCIC ហើយស្ពាននេះ ក៏មានផ្លូវក្រោមដីផងដែរ។</p>
<p>សូមបញ្ជាក់ថា រហូតមកទល់ពេលនេះ រាជធានីភ្នំពេញ មានស្ពានអាកាសចំនួន៣ហើយ រួមមានស្ពាន ទី១ ស្ពានអាកាសក្បាលថ្នល់ ចាប់ផ្តើមសាងសង់នៅថៃ្ងទី២៧ ខែឧសភា ២០០៩ បើកការដ្ឋានសាងសង់ រយៈពេល ១២ខែ ដោយបញ្ចប់នៅថៃ្ង ២៧ ខែឧសភា ២០១០ ដាក់ឲ្យប្រើប្រាស់ជាផ្លូវការ នាថ្ងៃទី ២៤ ខែមិថុនា ឆ្នាំ២០១១ ដោយចំណាយថវិកាចំនួន ៦,០៤៨,៤២៤ដុល្លារ។<br /> ទី២ ស្ពានអាកាស៧មករា បើកការដ្ឋានសាងសង់ នៅថ្ងៃទី២៩ ខែធ្នូ ឆ្នាំ២០១០ ហើយបានដាក់សម្ពោធ ឲ្យប្រើប្រាស់ជាផ្លូវការនៅថ្ងៃទី៦ ខែមករា ឆ្នាំ២០១២ ចំណាយទឹកប្រាក់ចំនួន៨,៧០៥,៨០៨ ដុល្លារ។<br /> ទី៣ ស្ពានអាកាសស្ទឹងមានជ័យ បានបើកការដ្ឋានសាងសង់ កាលពីចុងខែវិច្ឆិកា ឆ្នាំ២០១២ បើកឲ្យដំណើរការប្រើប្រាស់ជាផ្លូវការនៅថ្ងៃទី៣១ ខែកក្កដា ចំណាយ ថវិកាចំនួយ១៩ លានដុល្លារ ៕</p>
<p style="text-align: center;"><img src="http://image.dap-news.com:81/dap-news/dap-images/2014/August/id-010/chanroth014-aug-279.jpg" alt="" width="500" /></p>
</div>
<p style="text-align: right;"><a href="http://www.dap-news.com/2011-06-14-02-39-55/94097-2014-08-31-06-38-53.html" target="_blank">ផ្តល់សិទ្ធដោយ ៖ ដើមអម្ពិល</a></p>