<div class="article-content">
<p><strong>ភ្នំពេញ ៖</strong> សភាកម្ពុជា បានប្រកាស ផ្តល់ស្លាកលេខ រថយន្តរដ្ឋសភាថ្មី ដល់សមាជិកសភា ទាំង១២៣រូប និងនិរាករណ៍ ស្លាកលេខចាស់ ដែលសេចក្តីប្រកាសនេះ ចុះហត្ថលេខាដោយ លោក ឡេង ម៉េងឡុង អគ្គលេខាធិការដ្ឋាន រដ្ឋសភា កាលពីថ្ងៃទី០៥ ខែធ្នូ ឆ្នាំ២០១៣។</p>
<p>យោងទៅតាមសេចក្តីប្រកាសព័ ត៌មាននេះ បានឲ្យដឹងថា អគ្គលេខាធិការដ្ឋានរដ្ឋសភា បានរៀបចំ និងផ្តល់ស្លាកលេខ រថយន្ត រដ្ឋសភា៥ ជូនអ្នកតំណាង រាស្ត្រ និតិកាលទី៥ នៃរដ្ឋសភាព ទាំង១២៣រូប រួចរាល់អស់ហើយ ដើម្បីប្រើប្រាស់ជាផ្លូវការតាម តំណែង ។ ដោយឡែកស្លាកលេខរថយន្ត រដ្ឋសភា១ រដ្ឋសភា២ រដ្ឋសភា៣ និងរដ្ឋសភា៤ ត្រូវទុកជា និរាករណ៍ ។ សេចក្តីប្រកាសបានបន្តថា តំណាងរាស្ត្រទាំង១២៣រូប និងអតីតតំណាង រាស្ត្រ ទាំងអស់ មេត្តា ឈប់ប្រើប្រាស់ស្លាកលេខ ដែលនិរាករណ៍ ដូចបានជម្រាប់ជូនខាងលើ ហើយសូមប្រគល់មកឲ្យ អគ្គលេខាធិការដ្ឋាន រដ្ឋសភាវិញ ចាប់ពីថ្ងៃជូនដំណឹងនេះតទៅ ។</p>
<p>ជាមួយគ្នានោះផងដែរ លោក ឡេង ម៉េងឡុង អគ្គលេខាធិការដ្ឋានរដ្ឋសភា បានដាក់សំណើ ទៅលោកឧបនាយករដ្ឋមន្រ្តី ស ខេង រដ្ឋមន្រ្តីក្រសួងមហាផ្ទៃ មេត្តាជ្រាបថា អគ្គលេខាធិការ ដ្ឋានរដ្ឋ សភាបានរៀបចំ និងផ្តល់ស្លាកលេខ រថយន្ត រដ្ឋសភា៥ ជូនដល់តំណាងរាស្ត្រ ទាំង ១២៣ សម្រាប់ ប្រើប្រាស់ ជាផ្លូវការក្នុង និតិកាលទី៥ នៃរដ្ឋសភា (២០១៣-២០១៨) រួចរាល់ អស់ហើយ ។ ប៉ុន្តែរយៈពេ លកន្លងមកមានរថយន្តមួយចំនួន នៅពាក់ស្លាកលេខរថយន្ត រដ្ឋ សភា១ រដ្ឋសភា២ រដ្ឋសភា៣ និង រដ្ឋសភា៤ ត្រូវបាននិរាករណ៍ ទៅហើយ ហើយនៅធ្វើ ចរាចរណ៍ តាមដងផ្លូវនៅឡើយ ។</p>
<p>ក្នុងសំណើនោះ បានបន្ថែមថា ដូច្នេះរថយន្តទាំងឡាយណា ដែលនៅតែបន្ត ប្រើប្រាស់ស្លាក លេខរថយន្តរដ្ឋសភា ដែលអស់សុពលភាព ដូចបានជម្រាប់ ជូនខាងលើ អគ្គលេខាធិការដ្ឋាន រដ្ឋសភា ពុំទទួលខុសត្រូវចំពោះ រថយន្តទាំងនោះឡើយ ។ ក្នុងករណីនេះ អ្នកប្រើប្រាស់ រថយន្តទាំងនោះ ត្រូវ ទទួលសុខត្រូវ ចំពោះមុខច្បាប់ ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-099/v_0175.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>