<p><strong>ភ្នំពេញៈ</strong> ក្រោយពីពិធីករ ល្បីឈ្មោះ លោក ភោ សុផានិត បានសម្រេចចិត្តចាកចេញ ពី<br />ស្ថានីយទូរទស្សន៍ ហង្សមាស បោះ បង់ ចោលឱកាសប្រមូល ភាពល្បាញល្បី នៅក្នុងទ្រនំ<br />ថ្មីនោះ ធ្វើឲ្យទស្សនិកជន មានការយល់ច្រឡំ និងគិតថា លោក បោះបង់ចោលសិល្បៈ ទាំង<br />ស្រុង ទៅស្រវា ការងាររកស៊ីក្រៅ សិល្បៈវិញ។ ប៉ុន្តែអ្វីដែលជា ការហួសចិត្តនោះ ស្រាប់តែ<br /> ភោ សុផានិត បែរ ជាលេចវត្តមាន នៅស្ថានីយទូរទស្សន៍មួយ ដែលជាទ្រនំចាស់ពីបូង របស់<br />លោកទៅវិញ ។</p>
<p>បន្ទាប់ពីលេចឮ ព័ត៌មានថា ពិធីករប្រចាំកម្មវិធី “រដូវរីករាយ” លោក ភោ សុផានិត បានរៀប<br />ចំបង្វេច ចាកចេញពីហង្សមាស ក្រោយពីលោកមិន សូវទទួល បានកម្មវិធីអ្វីលេចធ្លោ រហូត<br />ធ្វើឲ្យលោកមាន ការអាក់អន់ស្រពន់ចិត្ត ដល់ថ្នាក់ លោកមិនអាចទ្រំាបាន ក៏សម្រេចចិត្ត ចាក<br />ចេញពីស្ថានីទូរទស្សន៍មួយនេះ ដោយស្ងាត់ៗ ។</p>
<p>ថ្លែងប្រាប់ LookingTODAY ដោយផ្ទាល់ កាលពីថ្ងៃទី ១៣ ខែកញ្ញា ឆ្នាំ ២០១៣ នេះ លោក <br />ភោ សុផានិត បាននិយាយថា លោកបានចាកចេញ ពីហង្សមាសហើយ ប៉ុន្តែការចាកចេញ <br />របស់លោកនោះ ដោយសារតែមានការរវល់ ជាមួយការងារ រកស៊ីខាងក្រៅ គ្មានពេលគ្រប់<br />គ្រាន់ ធ្វើការទើបលោក សម្រេចចិត្ត ឈប់ពីហង្សមាស តែម្តង។ មិនមានការអាក់អន់ ស្រពន់<br />ចិត្ត ឬមានភាពរកាំរកូសអ្វី ដូចការលើកឡើង របស់ទស្សនិកជនទេ ។</p>
<p>ពិធីករសម្បូរសំនួន វោហាស័ព្ទ មិនចេះរឹងស្ងួត ភោ សុផានិត បានប្រាប់ឲ្យដឹងថា "ខ្ញុំមិនបាន<br />បោះបង់ចោល អាជីពសិល្បៈដូចពាក្យ ចចាមអារ៉ាមទេ ពេលនេះខ្ញុំមាន កម្មវិធីនៅស្ថានីយ <br />ទូរទស្សន៍ប៉ុស្តិ៍ លេខ៣ ហើយក៏កំពុងតែត្រៀមទិញម៉ោង ធ្វើកម្មវិធី ជាច្រើនទៀត ក្នុងពេល<br />ឆាប់ៗនេះ ។ មូលហេតុដែលខ្ញុំ ឈប់ពីហង្សមាស គឺដោយសារតែ មិនចង់ចេញមុខ នៅស្ថា-<br />នីយទូរទស្សន៍ច្រើន ក្នុងពេលតែ១។ ម្យ៉ាងវិញទៀត អត់មានពេលគ្រប់គ្រាន់ ក្នុងការធ្វើការ<br />ច្រើនកន្លែង" ។</p>
<p>លោក ភោ សុផានិត បានប្រាប់បន្ថែមទៀតថា បច្ចុប្បន្នមាន ការមមាញឹក ជាមួយការងារច្រើន<br /> ទាំងការងារសិល្បៈ ការងាររកស៊ី និងការងារ មួយចំនួនទៀត ហើយសម្រាប់ការ លើកឡើងថា <br />លោកវិលចូលទ្រនំចាស់នោះ គឺការពិតពាក់កណ្តាល ខុសពាក់កណ្តាល ដោយសារតែលោក<br />វិល មកកាន់ក្បាលមេក្រូ ធ្វើកម្មវិធីនៅប៉ុស្តិ៍ លេខ៣ ប៉ុន្តែមិនមែនមានន័យថា លោកចូលជាបុគ្គ-<br />លិក បើកប្រាក់ខែ ពីស្ថានីយទូរទស្សន៍នោះទេ គឺលោកទិញម៉ោង បង្កើតកម្មវិធី ធ្វើដោយមាន<br />វត្តមាន លោកជាពិធីករតែម្តង ៕</p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0325.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0326.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0327.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/September/id-099/v_0328.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>