<div class="content">
<div>ហេតុការណ៍គ្រោះអកុសលនេះ បានកើតឡើងនៅមជ្ឈមណ្ឌលពាណិជ្ជកម្មមួយ នៅឯទីក្រុង Changsha ខេត្ត Hunan ភាគខាងត្បូងប្រទេសចិន កាលពីថ្ងៃទី ៣១ ខែមករា កន្លងទៅនេះ។ ពេលនោះ លោក Yu Li អាយុ ៤២ឆ្នាំ កំពុងតែដើរទិញឥវ៉ាន់ ថ្ងៃចូលឆ្នាំជាមួយនឹង កូនប្រុស អាយុ ៣ឆ្នាំម្នាក់ ស្រាប់តែមានស្ត្រីម្នាក់ បានលោតសម្លាប់ខ្លួន ពីជាន់ទី៥ ធ្លាក់ចុះមកត្រូវចំក្បាល របស់គាត់តែម្តង។</div>
<div></div>
<div style="text-align: center;"><a class="thickbox" title="" href="/FileManager/Commons/2014/2/3/yl1-03-02-2014--11-07-16.jpg"><img src="/FileManager/Articles/mce/2014/2/3/yl1-03-02-2014--11-07-16.jpg" alt="" /></a><br /><span style="text-align: start; font-style: italic; color: #808080;">លោក Yu Li កំពុងនាំកូនប្រុស ទិញឥវ៉ាន់ចូលឆ្នាំថ្មី ស្រាប់តែមានស្រ្តីម្នាក់ធ្លាក់ពីលើ ត្រូវចុះក្បាលគាត់</span></div>
<div style="text-align: center;"><br /><a class="thickbox" title="" href="/FileManager/Commons/2014/2/3/yl2-03-02-2014--11-07-30.jpg"><img src="/FileManager/Articles/mce/2014/2/3/yl2-03-02-2014--11-07-30.jpg" alt="" /></a><br /><span style="text-align: start; font-style: italic;"><span style="color: #808080;">បច្ចុប្បន្នលោក Yu Li កំពុងតែស្ថិតក្នុងស្ថានភាព មានគ្រោះថ្នាក់បំផុត (ធ្ងន់ធ្ងរ)</span></span></div>
<div style="text-align: center;"></div>
<div>អ្នកនាំពាក្យប៉ូលិសបានឲ្យដឹងថា "លោក Yu Li កំពុងតែដើរនៅជាន់ក្រោម ស្រាប់តែត្រូវស្ត្រី ម្នាក់ធ្លាក់ពីជាន់លើមក ត្រូវចំក្បាល។ ស្ត្រីម្នាក់នោះ បានស្លាប់ភ្លាមៗនៅហ្នឹងកន្លែង រីឯលោក Yu Li វិញ រងរបួសយ៉ាធ្ងន់ធ្ងរ។ យើងខ្ញុំកំពុងតែត្រួតពិនិត្យ CCTV ដើម្បីកំណត់បញ្ជាក់ឲ្យបានច្បាស់ ថា ស្ត្រីម្នាក់នោះ គឺពិតជាលោតសម្លាប់ខ្លួនមែន ឬក៏មានអ្នកណារុញទម្លាក់ចុះ"។</div>
<div></div>
<div style="text-align: center;"><a class="thickbox" title="" href="/FileManager/Commons/2014/2/3/yl3-03-02-2014--11-07-45.jpg"><img src="/FileManager/Articles/mce/2014/2/3/yl3-03-02-2014--11-07-45.jpg" alt="" /></a></div>
<div></div>
<div>ផ្តល់បទសម្ភាសន៍ជាមួយនឹងសារព័ត៌មានតំបន់ ភរិយារបស់លោក Yu Li បានឲ្យដឹងថា មុននឹង ហេតុការណ៍កើតឡើង ស្វាមីរបស់គាត់ បានសន្យាថា នឹងនាំកូនប្រុស ទៅដើរទិញឥវ៉ាន់ ចូលឆ្នាំ ថ្មី នៅមជ្ឈមណ្ឌលពាណិជ្ជកម្មខាងលើនេះ។ ពិតជាសំណាងអាក្រក់បំផុត ដែលគ្រោះថ្នាក់នេះ បានកើតឡើង នៅចំថ្ងៃចូលឆ្នាំប្រពៃណីចិនតែម្តង" ៕</div>
</div>
<div></div>
<div style="text-align: right;">ប្រែសម្រួល៖ សិលា<br />ប្រភព៖ kenh14</div>