<p><span style="color: #000000;"><strong>ភ្នំពេញ៖</strong> តារាសម្ដែង សុវណ្ណ គិរី ត្រូវបានទស្សនិកជន ដាក់រហស្សនាមថា ជាតារាមានចិត្តជាព្រាន ញ៉ែស្រីមិនរើសមុខ ជាពិសេសក្នុងមជ្ឈដ្ឋាន អ្នកសិល្បៈ ព្រោះលោកជាតារា មានរាងសង្ហា ស្រីៗចូលចិត្តចោមរោមស្នេហ៍ ដែលអាចនិយាយថា លោកជាតារាសម្បូរស្នេហ៍មួយដួង ពូកែអន្ទងចិត្តស្រីៗ។ ប៉ុន្តែទោះបីជាលោក សុវណ្ណ គិរី ជាប់ឈ្មោះជាព្រាននារីក្ដី តែលោកក៏មានចិត្តស្មោះ ចំពោះស្នេហាដែរ ព្រោះពេលជួបជាមួយស្នេហាពិត ចិត្តសាវាទាំងប៉ុន្មាន ត្រូវបានរលាយសាបសូន្យ ទៅតាមខ្យល់ បន្សល់ទុកតែភក្ដីភាព រវាងគ្នានឹងគ្នា ។</span></p>
<p><span style="color: #000000;">តារាសម្ដែង លោក សុវណ្ណ គិរី ត្រូវបានដកស្រង់ ក្នុងឈុតមួយ នៃខ្សែភាពយន្ត «អាព្រឿងងាប់ហើយ» ដោយលោកបានសម្ដែង ជាបុរសប្រសប់ លេងទឹកមុខពូកែ វោហាស័ព្ទ ឈ្មោះ «នាយទ្បូយ» ជាមនុស្សប្រុសព្រាននារី សូម្បីស្រីចាស់មុខអាក្រក់ រស់នៅក្នុងភូមិជាមួយគ្នា ក៏លោក គិរី ញ៉ែញ៉ងសុំស្នេហ៍មិនរើសមុខដែរ ។ ប៉ុន្តែពេលនេះ លោកបានមកប៉ះជាមួយ កញ្ញា ម៉ាដូណា តារាសម្ដែង ពោរពេញទៅដោយសម្តី បែបកំប្លុកកំប្លែង មិនចេះរីងស្ងួត គឺកាន់តែធ្វើឲ្យទស្សនិកជន ទស្សនា ផ្ទុះសំណើចទ្វេដង ។</span></p>
<p><span style="color: #000000;">តាមដំណើរនៃសាច់រឿង មានថ្ងៃមួយ «នាយឡូយ» ជួបជាមួយ ខ្មោចស្រី ម៉ាដូណា បង្កើតបានជាសាច់រឿងកំប្លែង ជាច្រើន ដែលញុំាងឲ្យផ្ទៃរឿងទាំងមូល កាន់តែមានភាពចាប់អារម្មណ៍ ពីសំណាក់អ្នកទស្សនា។ ចង់ដឹងថា ឈុតឆាកនេះ មានការចាប់អារម្មណ៍ សើចសប្បាយកម្រិតណា សូមកុំភ្លេចអញ្ជើញមកទស្សនា ដែលនឹងត្រូវចាក់ញ្ចាំង នៅថ្ងៃទី២៤ ខែមេសា ឆ្នាំ២០១៥ ខាងមុខនេះ។</span></p>
<p><span style="color: #000000;">សូមរំឭកថា រឿង "អាព្រឿង ងាប់ហើយ.!" ជាវណ្ណកម្មរបស់ផលិតកម្ម មហាហង្ស ត្រូវបានធ្វើពិធីបើកសម្ពោធ ចាក់បញ្ចាំងជាផ្លូវការ កាលពីថ្ងៃទី១០ ខែធ្នូ ឆ្នាំ ២០១៤ កន្លងទៅ នៅផ្សារទំនើបសូរិយា ដោយមានការអញ្ជើញចូលរួម ពីសំណាក់លោក ស៊ិន ចាន់សាយ៉ា ប្រធាននាយកដ្ឋានភាពយន្ត និងផ្សព្វផ្សាយ នៃក្រសួងវប្បធម៌ និងវិចិត្រសិល្បៈ, លោក អ៊ិន សុភិន ចាងហ្វាងផលិតកម្មមហាហង្ស ផលិតករល្បីៗជាច្រើនដួង និងតារាសម្ដែងប្រុស-ស្រី យ៉ាងច្រើនកុះករ៕</span></p>
<p><span style="color: #000000;"><a class="thickbox" title="" href="/FileManager/Commons/2015/4/10/22-10-04-2015--11-57-51.jpg"><img src="/FileManager/Articles/mce/2015/4/10/22-10-04-2015--11-57-51.jpg" alt="" /></a></span></p>
<p><a class="thickbox" title="" href="/FileManager/Commons/2015/4/10/21-10-04-2015--11-58-00.jpg"><img src="/FileManager/Articles/mce/2015/4/10/21-10-04-2015--11-58-00.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/4/10/22-10-04-2015--11-57-51.jpg"></a></span></p>
<p><a class="thickbox" title="" href="/FileManager/Commons/2015/4/10/20-10-04-2015--11-58-07.jpg"><img src="/FileManager/Articles/mce/2015/4/10/20-10-04-2015--11-58-07.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>