<p>ការស្រាវជ្រាវមួយនាពេលថ្មីៗនេះ របស់ក្រុមអ្នកវិទ្យាសាស្ដ្រអាល្លឺម៉ង់ បានបង្ហាញថា ក្រោយបរាជ័យ ឬខឹងសម្បារ នោះការលាងដៃ បោកខោអាវដោយដៃ នឹងនាំឱ្យយើងមានអារម្មណ៍ស្រស់ថ្លា និងជឿជាក់ឡើងវិញ។<br /><br />បណ្ឌិត Kai Kaspar មកពីសកលវិទ្យាល័យ Cologne របស់អាល្លឺម៉ង់ បានធ្វើការស្រាវជ្រាវអំពីបញ្ហាខាងលើនេះ បន្ទាប់ពីមានព្រឹត្ដិការណ៍អាក្រក់កើតឡើង។ លោកកត់សម្គាល់ឃើញថា បណ្ដាមនុស្សដែលលាងដៃក្រោយទទួលបរាជ័យរឿងអ្វីមួយ បានប្រែមកមានការជឿជាក់ជាងមុន ដើម្បីបន្ដធ្វើឱ្យបានសម្រេចកិច្ចការរបស់ខ្លួន នាពេលខាងមុខ។</p>
<p style="text-align: center;"><a class="thickbox" title="" href="/FileManager/Commons/2013/10/29/article-2476507-18fae4c400000578-485634x408-29-10-2013--12-11-25.jpg"><img src="/FileManager/Articles/mce/2013/10/29/article-2476507-18fae4c400000578-485634x408-29-10-2013--12-11-25.jpg" alt="" /></a></p>
<p>បណ្ឌិត Kaspar បានអញ្ជើញមនុស្សចំនួន ៩៨នាក់ ឱ្យចូលរួមដោយស្ម័គ្រចិត្តនៅក្នុងការស្រាវជ្រាវនេះ ហើយពួកគេត្រូវបានបែងចែកជា ៣ក្រុម។ នៅក្នុងវគ្គដំបូងនៃការពិសោធ ក្រុមអ្នកចូលរួមត្រូវបានគេដាក់ឱ្យធ្វើការមួយដែលមិនអាចទៅរួច។ នៅពេលអ្នករាល់គ្នាបរាជ័យ ពួកគេក៏ត្រូវបានស្នើឱ្យទៅលាងដៃ។ <br /><br />ក្រោយពីបានលាងដៃ ទាំងអស់គ្នាបង្ហាញអំពីអារម្មណ៍ជឿជាក់ថា ពួកគេនឹងធ្វើសម្រេចភារកិច្ចដែលបានដាក់មក ក្នុងពេលខាងមុខ។ ប៉ុន្ដែ មិនមែនអ្នកណាក៏សុទ្ធតែសម្រេចបានជោគជ័យនូវភារកិច្ចប្រកបដោយភាពល្អប្រសើរ ចំពោះការស្នើឱ្យធ្វើអ្វីមួយនាពេលបន្ទាប់។<br /><br />បណ្ឌិត Kaspar បកស្រាយថា ៖ “នៅពេលបានលាងសម្អាតរាងកាយ អ្នកនឹងអាចបំបាត់នូវអារម្មណ៍មិនល្អ ប៉ុន្ដែវាក៏បានកាត់បន្ថយកម្លាំងជម្រុញខ្លះ ក្នុងការជួយឱ្យអ្នកប្រឹងប្រែងថែមទៀត” ។<br /><br />ការស្រាវជ្រាវមួយផ្សេងទៀតកាលពីមុននេះ របស់សកលវិទ្យាល័យ Michigan ក៏បានរកឃើញថា សកម្មភាពលាងដៃ ទន្ទឹមនឹងការធ្វើឱ្យដៃបានស្អាត វាក៏ជួយបណ្ដេញភាពតប់ប្រមល់ និងអារម្មណ៍តានតឹងផងដែរ។ អ្នកវិទ្យាសាស្ដ្រក៏បានអះអាងថា មនុស្សដែលបានលាងដៃ បន្ទាប់ពីបានធ្វើការសម្រេចចិត្តដ៏លំបាកមួយ នឹងមានអារម្មណ៍ល្អ និងជឿជាក់ទៅលើជម្រើសរបស់ខ្លួន ជាងមនុស្សដែលមិនបានលាងដៃ។<br /><br />ការស្រាវជ្រាវខាងលើត្រូវបានចុះផ្សាយនៅលើទស្សនាវដ្ដី វិទ្យាសាស្ដ្រចិត្តសាស្ដ្រសង្គម និងបុគ្គលិកលក្ខណៈ (Social Psychological and Personality Science)។</p>
<p> </p>
<p><strong>អត្ថបទសំខាន់ៗគួរចាប់អារម្មណ៍ ៖</strong></p>
<p><span style="color: #3366ff;"><a href="/News/Detail/27165/how-to-be-alive-after-car-fell-into-deep-water"><span style="color: #3366ff;">វិធីសង្គ្រោះជីវិតបន្ទាន់ នៅពេលជួបគ្រោះថ្នាក់ រថយន្ដធ្លាក់ចូលទឹកជ្រៅ</span></a><a href="/News/Detail/48570/6-tips-on-how-to-make-a-guy-fall-in-love-with-you"></a></span></p>
<p><span style="color: #3366ff;"><a href="/News/Detail/48570/6-tips-on-how-to-make-a-guy-fall-in-love-with-you"><span style="color: #3366ff;">៦យ៉ាង ធ្វើឱ្យមិត្តប្រុសឈ្លក់វង្វង បាក់ចិត្តស្រលាញ់ ដកចិត្តបាន</span></a></span></p>
<p><span style="color: #3366ff;"><a href="/News/Detail/82679/lifestyle-07"><span style="color: #3366ff;">ពេលវេលាដែលស្ដ្រី មានអារម្មណ៍ផ្លូវភេទ</span></a></span></p>
<p> </p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ Daily Mail<br /><br /><br /></p>