<p>មហាសេដ្ឋីនេះ មិនបានយកចិត្តទុកដាក់ទៅលើការប្រែប្រួលតម្លៃប្រចាំថ្ងៃរបស់ទ្រព្យនានា ព្រោះ<br />យល់ថា ជោគជ័យគឺកើតឡើងចំពោះតែបុគ្គលណាដែលផ្ដោតទៅលើតែការវិនិយោគ ពោលគឺ<br />មិនចេះតែមើលទៅលើតារាងលទ្ធផល។</p>
<p>នៅក្នុងលិខិតប្រចាំឆ្នាំ ផ្ញើទៅកាន់ ក្រុមម្ចាស់មូលបត្រនៅ Berkshire Hathaway កំពូលវិនិយោ<br />គិនរបស់អាមេរិក លោក Warren Buffett ថ្លែងថា ប្រសិនចង់ដឹងថា ត្រូវធ្វើយ៉ាងណាដើម្បីរកប្រាក់<br />បានពីទីផ្សារមូលបត្រ ចូរមើលអំពីវិធីដែលគាត់រកប្រាក់ពីការវិនិយោគខ្នាតតូច ទៅលើអចលន<br />ទ្រព្យរបស់គាត់។ ប្រការនេះ បានកើតឡើងកាលពីប៉ុន្មានទសវត្សមុន ហើយវាក៏មិនបានធ្វើឱ្យ<br />ទ្រព្យរបស់គាត់ ប្រែប្រួលប៉ុន្មាន តែវាមានអត្ថន័យធំធេង។<br /><br />Warren Buffett បានសរសេរអំពីការទិញកសិដ្ឋានមួយ នៅ Nebraska និងវិនិយោគទៅលើអាគារ<br />មួយ សម្រាប់ជួល ក្នុងតំបន់ក្បែរសកលវិទ្យាល័យ New York (អាមេរិក)។ ករណីទាំងពីរនេះ <br />លោក Warren Buffett បានទិញវា នៅពេលតម្លៃរបស់វាធ្លាក់ចុះភ្លាមៗ ក្រោយមួយរយៈពេល<br />ដែលវាឡើងថ្លៃ។ ការរកស៊ីទាំងពីរគម្រោងខាងលើនេះ សុទ្ធសឹងតែជាវិស័យដែលលោក Warren <br />Buffett មិនមានភាពស្ទាត់ជំនាញ។ ការដែលលោកវិនិយោគនេះ គឺដោយសារជឿថា វានឹងអាច<br />រកប្រាក់ចំណូលបានច្រើន គឺលោកមិនបានគិតថា នឹងលក់វាទៅវិញ ក្នុងតម្លៃថ្លៃជាងពេលទិញ។</p>
<p style="text-align: center;"><br /> <a class="thickbox" title="" href="/FileManager/Commons/2014/3/3/warren-03-03-2014--20-43-07.jpg"><img src="/FileManager/Articles/mce/2014/3/3/warren-03-03-2014--20-43-07.jpg" alt="" /></a><br /><em>មហាសេដ្ឋី Warren Buffett</em></p>
<p style="text-align: center;"> </p>
<p>Buffett មិនយល់ដឹងអំពីការគ្រប់គ្រងកសិដ្ឋាន ប៉ុន្ដែ គាត់មានកូនប្រុសម្នាក់ដែលចូលចិត្តធ្វើចំការ។<br /> ដូច្នេះ គាត់ក៏បានគន់គូរជារៀងរាល់ឆ្នាំ អំពីទិន្នផលសណ្ដែក និងពោត ហើយត្រូវចំណាយប៉ុន្មាន<br /> និងចំណេញប៉ុន្មាន។ ក្រោយរយៈពេល ២៨ឆ្នាំ តម្លៃរបស់កសិដ្ឋាន បានកើនឡើង ៥ដង ចំណែក<br />ប្រាក់ចំណេញ ក៏បានកើនឡើង ៣ដង។</p>
<p>ដូចគ្នានេះដែរ អាគារដែលលោក បានទិញរួមជាមួយមិត្តភ័ក្ដិ ក៏ត្រូវបានជឿថា នឹងរកបានចំណេញ<br /> ពេលមានមនុស្សច្រើនមកជួល។ នេះគឺដោយសារទីតាំងល្អ គឺនៅក្បែរសកលវិទ្យាល័យ New <br />York ហើយសាលានេះនឹងមិនរើទៅណា។<br /><br />លោក Buffett ថ្លែងថា ៖ “ក្នុងការវិនិយោគទាំងពីរនេះ ខ្ញុំគ្រាន់តែគិតថា វានឹងនាំមកនូវអ្វីខ្លះដល់<br />ខ្លួន គឺមិនបានយកចិត្តទុកដាក់ទៅលើតម្លៃប្រចាំថ្ងៃរបស់វា។ អ្នកទទួលបានជោគជ័យ គឺជាបុគ្គល<br />ដែលបានផ្ដោតទៅលើការប្រកួត”។<br /><br />លោក Buffett បន្ដថា នៅពេលទិញអចលនទ្រព្យទាំងពីរ កាលពីឆ្នាំ ១៩៨៦ និង ១៩៩៣ ការព្យា<br />ករណ៍អំពីសេដ្ឋកិច្ច សុទ្ធតែមិនបានប៉ះពាល់ដល់ការសម្រេចចិត្តរបស់គាត់ “ពោត សណ្ដែក នៅ<br />តែត្រូវបានដាំ ចំណែកនិស្សិត ក៏នៅតែនាំគ្នាមកសិក្សានៅសកលវិទ្យាល័យ New York”។</p>
<p>តាមរយៈការវិនិយោគខាងលើ លោក Buffett បានផ្ដល់អនុសាសន៍ដល់ ក្រុមអ្នកវិនិយោគថ្មី ថា មិនគួរទិញមូលបត្រដែលកំពុងមានតម្លៃខ្ពស់បំផុត ហើយក៏មិនគួរអស់សង្ឃឹម នៅពេលវាធ្លាក់ថ្លៃ។ វិធីល្អបំផុតដើម្បីដោះស្រាយបញ្ហានេះ គឺត្រូវរក្សាទុកមូលបត្រទាំងនោះ ក្នុងរយៈពេលវែង ដោយ<br />មិនត្រូវលក់ នៅពេលឃើញមានសញ្ញាអាក្រក់ និងតម្លៃធ្លាក់ចុះទាបខ្លាំង ធៀបនឹងតម្លៃកំពូល។<br />ចុងក្រោយមហាសេដ្ឋីរូបនេះ ថ្លែងថា ៖ “កុំខ្វល់នឹងការព្យាករណ៍របស់អ្នកដទៃ ចូរធ្វើឱ្យប្រាក់<br />ចំណាយ មកនៅទាបបំផុត ហើយវិនិយោគទៅលើមូលបត្រ ឱ្យដូចទៅនឹងកសិដ្ឋាន”៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ VE<br /><br /></p>