<div class="article-content">
<p><strong>ស្វាយរៀង៖</strong> ក្រុមការងារ សន្តិសុខ ព្រហ្មទណ្ឌ ខេត្តស្វាយរៀង សហការជា មួយអធិការដ្ឋាន <br />នគរបាល ក្រុងបាវិត ខេត្តស្វាយរៀង បានឃាត់ខ្លួន ជនសង្ស័យចំនួន០២នាក់ ពាក់ព័ន្ធ និង<br />ករណីបង្ខាំងមនុស្សជំរិតទារ លុយដោយ ខុសច្បាប់ កាលពីល្ងាចថ្ងៃទី២៨ ខែឧសភា ឆ្នាំ២០១៣<br />កន្លងទៅនេះ។</p>
<p>តាមប្រភពព័ត៌មាន មួយបាន ឲ្យដឹងថា ជនសង្ស័យដែលត្រូវបាន ឃាត់ខ្លួននោះមាន ចំនួន០២<br />នាក់ ទី១-ឈ្មោះ មាឃ រ៉ាវី ហៅ គោ ភេទប្រុស អាយុ២១ឆ្នាំ ជនជាតិខ្មែរ មានទីលំនៅ បច្ចុប្បន្ន <br />ភូមិតាបិប សង្កាត់បាវិត ក្រុងបាវិត ខេត្តស្វាយរៀង ទី២-ឈ្មោះ តូ ង៉ុកធី ភេទស្រី អាយុ៣២ឆ្នាំ <br />ជនជាតិវៀតណាម មានទីនៅបច្ចុប្បន្ន នៅក្រុងហូជីមិញ តែមកស្នាក់នៅ ចល័តក្នុង ក្រុងបាវិត <br />និងលេងល្បែងជាប្រចាំ នៅកាស៊ីណូ ឡាវីហ្គាសសាន់ ក្រុងបាវិត ខេត្តស្វាយរៀង។</p>
<p>ការឈានទៅដល់ការ ឃាត់ខ្លួននេះ ដោយសារ នៅថ្ងៃទី២៧ ខែឧសភា ឆ្នាំ២០១៣ អធិការដ្ឋាន<br /> នគរបាលក្រុងបាវិត បានទទួលពាក្យ បណ្តឹងមួយពីឈ្មោះ ផាម លឿងលូ ភេទប្រុស អាយុ៤១ឆ្នាំ<br /> ជនជាតិ វៀតណាម ទីលំនៅ បច្ចុប្បន្ន ភូមិ៣ ខណ្ឌ១ ទីរួមខេត្តតៃនិញ ស្រុកកំណើត នៅហូជីមិញ<br /> មុខរបរ ធ្វើកសិកម្ម បានប្តឹងជនមួយ ក្រុមមានគ្នា០៤នាក់ បានឃុំឃិតគ្នា ឆបោកខ្លួនថា ឲ្យខ្ចីលុយ<br />១៥០០ដុល្លារ ហើយបាននាំខ្លួនទៅផ្ទះគ្មានលេខ មួយ នៅភូមិតាបិប សង្កាត់បាវិត ក្រុងបាវិត ខេត្ត<br />ស្វាយរៀង ដើម្បីទទួលលុយ តែបែជារុញចូលបន្ទប់ វាយធ្វើបាប យ៉ាងធ្ងន់ធ្ងរ និងបង្ខំ ឲ្យខ្លួនទូរស័ព្ទ<br /> ទៅប្រពន្ធដើម្បីយកលុយ ចំនួន១៥០០ដុល្លារ មកលោះខ្លួន បើទោះលុយនោះខ្លួនពុំបាន ទទួល<br />បន្តិចណាសោះឡើយ ក៏ដោយ។</p>
<p>ហើយក្នុង អំឡុងពេលដែលខ្លួនត្រូវបាន គេឃុំក្នុងបន្ទប់នោះ មានមនុស្ស ម្នាក់ឈ្មោះ តង ជនជាតិ<br />វៀតណាម ត្រូវបានគេបង្ខាំងក្នុងបន្ទប់នោះរួច មកហើយ ហើយមានមនុស្សជាច្រើននាក់ ផ្សេងទៀត<br /> ត្រូវបានគេយកទៅឃុំ និងវាយធ្វើបាបជំរិតទារប្រាក់។ ក្នុងចំណោមជនដែលត្រូវ គេឃុំខ្លួនទាំងអស់ <br />មានស្រ្តីម្នាក់ ឈ្មោះ ង៉ុក ដែលត្រូវគេ ឃុំជដែរនោះ បានលួចផ្ញើសារ ទៅជនរងគ្រោះឈ្មោះ លូ ថា<br /> ត្រូវបានគេវាយធ្វើបាប និងចាប់រំលោភ យ៉ាងព្រៃផ្សៃទៀតផង។</p>
<p>បន្ទាប់ពីទទួលពាក្យ បណ្តឹង សមត្ថកិច្ច បានកោះហៅ ឈ្មោះ មាឃ រ៉ាវី ហៅ គោ មកសួរនាំ ក្រោយ<br />មកជននេះ ក៏បានឆ្លើយ សារភាពថា ខ្លួនជាអ្នកឃ្លាំមើល និងវាយដំទៅ លើជនរងគ្រោះ ដោយខ្លួន<br />បាន ទទួលប្រាក់ខែចំនួន១៥០ដុល្លារ ក្នងខែ ពីស្រ្តីជនជាតិ វៀតណាមម្នាក់ ឈ្មោះ ថោ ។ សមត្ថកិច្ច<br />បានបន្តថា ក្នុងចម្លើយសារភាពនេះដែរ មានមនុស្សជាច្រើនទៀត ដែលត្រូវបានគេបញ្ជូន ទៅបង្ខាំង<br /> វាយដំ ជំរិតទារប្រាក់ ក្នុងបន្ទប់ នៃផ្ទះនោះហើយ ឲ្យខ្លួនមើលការខុសត្រូវ។</p>
<p>ដោយមានការចង្អុលបង្ហាញ ពីជនសង្ស័យឈ្មោះ គោ ភ្នាមៗនោះ សមត្ថកិច្ចបានឈានទៅឃាត់<br />ខ្លួនស្រ្តីជនជាតិវៀតណាមម្នាក់ ឈ្មោះ តូ ង៉ុកធី ហៅ ថោ ជាជនជាតិ វៀតណាម មកសួរនាំ។ ចំពោះ<br />ករណីនេះ សមត្ថកិច្ចបាន បញ្ជូនសំណុំរឿង និងវត្ថុតាង ទៅសាលា ដំបូង ខេត្តស្វាយរៀង រួចរាល់<br />ហើយ ដើម្បីចាត់ការ តាមច្បាប់។</p>
<p>ជនរងគ្រោះ ឈ្មោះ ផាម លឿងលូ នៅថ្ងៃទី៣០ ខែតុលា ឆ្នាំ២០១៣ បានឲ្យដឹងថា មានមនុស្សម្នាក់<br />ដែលជាអ្នកបកប្រែ ភាសាវៀតណាម ឲ្យក្នុងករណីនេះ នៅស្នងការដ្ឋាន នគរបាល ខេត្តស្វាយរៀង<br /> បានប្រើទូរស័ព្ទលេខ ០៩៧ ៩៩៦៦៣១៩ ទាក់ទងមកខ្លួន ហើយប្រាប់ថា លុយចំនួន១៥០០ដុល្លារ<br />នោះ គឺខាងស្រ្តីឈ្មោះ ថោ នោះ ព្រមប្រគល់ ឲ្យវិញហើយ និង ឲ្យឡើងពីបាវិត មកទទួលលុយនៅ<br /> ខេត្តស្វាយរៀងវិញចុះ។ ទាំងជនរងគ្រោះ និងប្រជាជន ទូទៅកំពុង រង់ចាំមើល ចំណាត់ការ របស់<br />សាលា ដំបូងខេត្តស្វាយរៀង ដើម្បីផ្តល់យុត្តិធម៌ ដល់ជងរងគ្រោះជាច្រើន ដែលត្រូវ គេបង្ខាំងវាយដំ<br /> និងជំរិតទារប្រាក់នេះ៕ </p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0990.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0991.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0992.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>