<div class="article-content">
<p><strong>សៀមរាប:</strong> កម្លាំងនគរបាលប្រឆាំងការជួញដូរគ្រឿងញៀន សហការជាមួយកម្លាំងនគរបាលប៉ុស្តិ៍<br />ស្លក្រាម និងប៉ុស្តិ៍ស្វាយដង្គំ រួមនិងនគរបាលការិយាល័យប្រឆាំងបទល្មើសសេដ្ឋកិច្ច ដឹកនាំពីលោក<br /> ទី សុវិនថាល់ ព្រះរាជអាជ្ញាអមសាលាដំបូងខេត្តសៀមរាប និងលោកវរសេនីយ៍ឯក អ៊ុំ អមរា ស្នង<br />ការរងនគរបាលខេត្តសៀមរាប បានឆ្មក់ចូលបង្ក្រាបសម្បុកគ្រឿងញៀន ឃាត់ខ្លួនក្រុមអ្នកជួញដូរ<br /> និងប្រើប្រាស់ថ្នាំញៀន ១២នាក់ ព្រមទាំងដកហូត ថ្នាំញៀនជាច្រើនផងដែរ។</p>
<p>ប្រតិបត្តិការបំបែកសម្បុកគ្រឿងញៀនកណ្តាលក្រុងសៀមរាបខាងលើនេះ បានធ្វើឡើងកាលទី<br />២៨ ខែមីនា ឆ្នាំ២០១៣។</p>
<p>លោកវរសេនីយ៍ត្រី អ៊ុំ សាអាត នាយការិយាល័យនគរបាលប្រឆាំងគ្រឿងញៀន បានឲ្យដឹងថា <br />ក្រោយពេលស៊ើប អង្កេត កម្លាំងសមត្ថកិច្ចបានឆ្មក់ចូលឆែកឆេរលំនៅដ្ឋានមួយកន្លែងរបស់ឈ្មោះ<br /> សរ ពៅ ហៅ ម៉ាប់ ឬ រី ភេទប្រុស អាយុ ៣១ឆ្នាំ ប្រពន្ធឈ្មោះ ឌុច វលក្ខ័ណ៍ អាយុ ២៩ឆ្នាំស្ថិតនៅ<br />ក្នុងក្រុមទី១០ ភូមិសាលាកន្សែង សង្កាត់ស្វាយដង្គំ ក្រុងសៀមរាប ដោយរកឃើញ និងដកហូតបាន<br />ដើមកញ្ឆាចំនួន៥ដើម ថ្នាំញៀនប្រភេទមេតំហ្វេតាមីន (ម៉ាទឹកកក) ចំនួនបីកញ្ចប់ ទម្ងន់៥ជី ជញ្ជីង<br />ថ្លឹងថ្នាំចំនួន ១គ្រឿង ថង់សម្រាប់ច្រកថ្នាំញៀនចំនួន១២១ថង់ និងឧបករណ៍ ច្នៃជក់ថ្នាំមួយចំនួន<br />ទៀតផងដែរ។ ប្រតិបត្តិការនេះ កម្លាំងសមត្ថកិច្ចឃាត់ខ្លួនជនសង្ស័យ១២នាក់ ក្នុងនោះមាន ស្រី<br />៤នាក់។</p>
<p>សូមបញ្ជាក់ថា រយ:៣ខែដើមឆ្នាំ ២០១៣នេះ កម្លាំងនគរបាល និងកងកម្លាំងកងរាជអាវុធហត្ថខេត្ត<br />សៀមរាប និង មន្រ្តីជំនាញពាក់ព័ន្ធជាច្រើនផ្សេងទៀត បានចេញប្រតិបត្តិការបង្រ្កាប និងឃាត់ខ្លួន<br />ជនជួញដូរ និងប្រើប្រាស់ គ្រឿង ញៀនបានជាច្រើនករណី និងរឹបអូសគ្រឿងញៀន ប្រភេទកញ្ឆា<br /> និងសាធាតុញៀនបានជាច្រើនផងដែរ។</p>
<p>ដោយឡែកកាលពីថ្ងៃទី១២ ខែមីនា ឆ្នាំ២០១៣កន្លងទៅនេះ សមត្ថកិច្ចបានប្រតិបត្តិការចាប់ឃាត់<br />ខ្លូន ជនបរទេស បាន១៧នាក់ និងខ្មែរ ៤នាក់ ជាប់ពាក់ព័ន្ធករណីផ្ដល់ និងជក់កញ្ឆា ព្រមទាំងគ្រឿង<br />ញៀន។ លុះរាត្រីថ្ងៃទី១២ ខែមីនា ដដែល នៅផ្ទះសំណាក់ និងភោជនីយដ្ឋានអាន់ជូណា ស្ថិតនៅ<br />ភូមិវត្តបូព៌ សង្កាត់សាលាកំរើក ក្រុងសៀមរាប សមត្ថកិច្ចឃាត់ខ្លួនជនបរទេស បានចំនួន ១៤នាក់<br /> ស្រី ៦នាក់ ផ្សេងទៀត៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-191.jpg" alt="Photo by DAP-NEWS" width="500" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-009/S-192.jpg" alt="Photo by DAP-NEWS" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>