<p><strong>ភ្នំពេញ៖</strong> តារាសម្តែងស្រីខ្ពស់ស្រឡះ ចង្កាស្រួច កញ្ញា ប៊ី រីយ៉ា បាននិយាយ ប្រាប់ឲ្យដឹងថា សព្វ<br />ថ្ងៃនេះទំនាក់ទំណងស្នេហា រវាងនាងជាមួយ បុរសម្នាក់ ដែលមានមុខរបរ ជាអ្នករកស៊ី គឺនៅមាន<br />លក្ខណៈល្អ ជាមួយគ្នាជាធម្មតា មិនមានរឿងអ្វី កើតឡើងនោះទេ។<br /><br />ជូបសំណេះសំណាល តាមទូរស័ព្ទជាមួយ គេហទំព័រ Looking TODAY នៅរសៀល ថ្ងៃទី៧ ខែមីនា<br /> ឆ្នាំ ២០១៣នេះ ស្រីស្រស់ ប៊ី រីយ៉ា បាននិយាយប្រាប់ ឲ្យដឹងថា រាល់ថ្ងៃនេះអាជីព សិល្បៈមានការ<br />រវល់ ជាធម្មតា។</p>
<p>បច្ចុប្បន្ននេះនាងក៏កំពុងតែ ថតខ្សែភាពយន្តឲ្យខាង ស្ថានីយប៉ុស្តិ៍ទូរទស្សន៍ បាយ័ន ក្នុងខ្សែរឿង <br />" ម៉ែក្មេករើសកូនប្រសា " ក្នុងដំណែងជាតួឯក។<br /><br />ទាក់ទងទៅនឹងរឿងរ៉ាវ ជីវិតស្នេហាឯកជន ផ្ទាល់ខ្លួនវិញ ត្រូវបានកញ្ញា ប៊ី រីយ៉ា និយាយទាំងភាព<br /> ក្លាហានថា "ចាស់បង....! សព្វថ្ងៃនេះ ខ្ញុំមានម្ចាស់បេះដូង រួចហើយ។ ខ្ញុំនិងគាត់បានស្រលាញ់គ្នា <br />រយៈពេល៣ឆ្នាំមកហើយ...! គាត់ជាអ្នករកស៊ីនៅក្នុងស្រុកខ្មែរ និងទើបតែមានអាយុ ២៥ឆ្នាំប៉ុណ្ណោះ"។</p>
<p>តារាកូនកាត់ ឥណ្ឌារូបនេះ បានបន្តថា មកដល់ពេលនេះចំណង ស្នេហ៍រវាងនាង និង បុរសវ័យក្មេង<br />រូបនេះ គឺនៅតែមានភាពល្អ ជាមួយគ្នាធម្មតា ព្រោះថា ឥរិយាបទនៃ ការនិយាយស្តី និង អត្តចរិកនាង<br />និងគេ គឺមានភាពចុះសម្រុងគ្នា។ ម្យ៉ាងទៀត ក៏មិនដែលមានការ អាក់អន់ស្រពន់ចិត្តអ្វី នឹងគ្នាម្តង<br />ណាឡើយ ទើបទំនាក់ទំនងនេះ មិនដែលមានបញ្ហា ណាមួយកើតឡើង។</p>
<p>អតីត Freshie Gril លេខ២ ប្រចាំឆ្នាំ ២០០៨ នាង ប៊ី រីយ៉ា បានបញ្ជាក់ថា ចំណងស្នេហានាង និង<br />បុរសម្នាក់នេះ អាចឈានទៅដល់ ជីវិតប្តីប្រពន្ធស្របច្បាប់ នៅថ្ងៃខាងមុខ។ ប៉ុន្តែអំឡុងពេលនេះ<br /> នាងមិនទាន់គិតគូរទៅ ដល់រឿងរៀបចំពិធី ភ្ជាប់ពាក្យនៅឡើយទេ ដោយ ប៊ី រីយ៉ាសំអាងថា នាង<br />នៅក្មេង និង ចង់ទុកពេលរកលុយឲ្យ បានច្រើនសិនមុន នឹងឈានទៅដល់ចំណង អាពាហ៍ពិពាហ៍។</p>
<p>តារាស្រីវ័យ២២ ឆ្នាំកញ្ញា ប៊ី រីយ៉ា បានបន្ថែមថា "ឪពុកម្តាយរបស់ខ្ញុំ ទាំងសងខាងគាត់ ក៏បានដឹងឮ<br />អំពីរឿងនេះ ហើយដែរ ។ មិនយូរទៀតទេ ប្រហែលជា ២ឬ៣ ឆ្នាំទៀត ខ្ញុំគិតគូរពីរឿងនេះហើយ។ <br />ប៉ុន្តែឥឡូវនេះ គឺខ្ញុំត្រូវនៅមើល ចិត្តគ្នាបន្តិចទៀតសិន.."៕</p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1736.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1738.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1739.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1740.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1741.jpg" alt="Looking Today" width="400" /></p>
<p style="text-align: center;"><img src="http://111.92.240.170:81/lookingtoday/looking-images/news/2013/March/id-099/v_1742.jpg" alt="Looking Today" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>