<p>ព័ត៌មានអន្តរជាតិ ៖ ជារួម ត្រីរស់ មានចំនួនដល់ទៅ ១០,០០០ គីឡូក្រាម ត្រូវបានគេ បូមចេញពី ស្រះ នៅក្នុងឧទ្យានមួយកន្លែង ក្នុងក្រុង Foshan ខេត្ត Guangdong ប្រទេសចិន រួចសម្រេចយក ពួកវាទៅកប់ចោលទាំងរស់ នៅជិតភ្នំមួយកន្លែង ពោលនៅ កន្លែងចាក់សំរាមផ្ទាល់តែម្តង នេះបើ យោងតាមការដកស្រង់ សម្រង់អត្ថបទផ្សាយ ពីគេហទំព័រ សារព័ត៌ មានក្នុងស្រុកចិន ឆៃណាដេ លី។</p>
<p><a class="thickbox" title="" href="/FileManager/Commons/2014/6/7/01-07-06-2014--09-06-28.jpg"><img src="/FileManager/Articles/mce/2014/6/7/01-07-06-2014--09-06-28.jpg" alt="" /></a></p>
<p>ខណៈរងសម្ពាធ នៃការផ្ទុះការតវ៉ាជាខ្លាំង ពីសំណាក់បងប្អូនប្រជាពលរដ្ឋ នៅក្នុងតំបន់ ស្តីពីបញ្ហា ត្រី ងាប់ច្រើនពេក នៅក្នុងស្រះ គណៈកម្មការ ចាត់ការទូទៅ នៅក្នុងសួនឧទ្យាន ក៏បានធ្វើសេចក្តី សម្រេច យ៉ាងដូច្នេះ ក្រោយពីការធ្វើការអង្កេត បញ្ជាក់បានថា ចំនួនត្រីច្រើនលើសលប់ខ្លាំងពេក គឺបណ្តាលអោយមានផលអវិជ្ជមាន ចំពោះ ប្រព័ន្ធអេកូឡូស៊ី នៅក្នុងស្រះ ជាលទ្ធផល អ្វីដែលជា ការដោះស្រាយនោះគឹ មានការចាប់ត្រីជាច្រើនម៉ឺនក្បាល រួចយកវាទៅកប់ទាំងរស់ ។</p>
<p><a class="thickbox" title="" href="/FileManager/Commons/2014/6/7/02-07-06-2014--09-06-38.jpg"><img src="/FileManager/Articles/mce/2014/6/7/02-07-06-2014--09-06-38.jpg" alt="" /></a></p>
<p>ក៏ប៉ុន្តែ ក្រុមបុគ្គលិក សារភាព អោយដឹងថា ពួកគេមិនទាន់បានធ្វើការពិសោធន៍ បែបវិទ្យាសាស្រ្ត ណាមួយនៅឡើយទេ ។ យ៉ាងណាមិញ យោង តាមការអះអាង អោយដឹងពីអ្នកជំនាញ បញ្ជាក់ បានថា ត្រីទាំងនោះ ពិតជា មិនអាចទទួលទាន បាននោះទេ ខណៈវាបានរស់នៅក្នុងលក្ខខ័ណ្ឌ ទឹកស្រះមួយ មិនប្រកបទៅតាមលក្ខណៈ ស្តង់ដារ ៕</p>
<p><a class="thickbox" title="" href="/FileManager/Commons/2014/6/7/03-07-06-2014--09-06-47.jpg"><img src="/FileManager/Articles/mce/2014/6/7/03-07-06-2014--09-06-47.jpg" alt="" /></a></p>
<p><a class="thickbox" title="" href="/FileManager/Commons/2014/6/7/04-07-06-2014--09-06-56.jpg"><img src="/FileManager/Articles/mce/2014/6/7/04-07-06-2014--09-06-56.jpg" alt="" /></a></p>
<p style="text-align: right;">ប្រែសម្រួល ៖ កុសល<br />ប្រភព ៖ ឆៃណាដេលី</p>