<p><strong>កូរ៉េខាងជើង ៖</strong> យោងតាមប្រភពព័ត៌មាន ពីគេហទំព័រល្បីមួយ របស់បរទេសបានផ្សាយ ឲ្យដឹងថា អាជ្ញាធរនៅក្នុងប្រទេសកូរ៉េខាងជើង បានចេញច្បាប់ ហាមប្រជាជនរបស់ខ្លួន មិនឲ្យធ្វើការប្រារព្ធ ពិធីបុណ្យគ្រីស្តស្មាសនោះទេ។</p>
<p>កម្មវិធីសប្បាយៗត្រូវបាន គេរៀបចំឡើងយ៉ាងច្រើន ទៅតាមប្រទេស នៅទូទាំងពិភពលោក ដើម្បី អបអរពិធីបុណ្យគ្រីស្តស្មាស នៅថ្ងៃទី២៥ ខែធ្នូជារៀងរាល់ឆ្នាំ ប៉ុន្តែសម្រាប់ប្រទេស កូរ៉េខាងជើងវិញ អាជ្ញាធរមិនបានអនុញ្ញាតឲ្យប្រជាជនខ្លួន ធ្វើពិធីនេះឡើងទេ ប្រសិនបើប្រជាជនណាម្នាក់ ហ៊ាន ល្មើសនឹងច្បាប់នេះ នឹងត្រូវជាប់ពន្ធធនាគារ ឬអាចឈានដល់ការប្រហារជីវិត ថែមទៀតផង។</p>
<p>ប្រភពដដែល បានឲ្យដឹងទៀតថា បានជាប្រទេសកូរ៉េខាងជើង មិនអនុញ្ញាតឲ្យប្រជាជនខ្លួន ប្រារព្ធ កម្មវិធីនេះឡើង ព្រោះតែប្រទេស និងអ្នកកាន់សាសនាគ្រឹស្ត ជាអ្នកដែលប្រឆាំង ទៅនឹងរដ្ឋាភិបាល កាន់អំណាចបច្ចុប្បន្នរបស់ខ្លួន ហើយអ្នកដែលកាន់សាសនាគ្រឹស្ត និងប្រារព្ធពិធីបុណ្យគ្រឹស្តស្មាស នៅក្នុងប្រទេសនឹងត្រូវចាប់ខ្លួន។</p>
<p>គួរបញ្ជាក់ផងដែរថា បើទោះបីជាមានការហាមប្រាម ប្រជាជនខ្លួនឯងក៏ដោយក្តី ប៉ុន្តែសម្រាប់ភ្ញៀវ ទេសចរណ៍ ដែលមកកម្សាន្ត នៅក្នុងប្រទេសនេះ ត្រូវបានអនុញ្ញាតឲ្យប្រារព្ធ ធម្មតាដោយមិនមាន ការចាប់ខ្លួន ឬជាប់ទោសអ្វីឡើយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/December/id-065/PISETH-0353.jpg" alt="" width="600" /></p>
<p style="text-align: right;">ផ្តល់សិទ្ធិដោយ៖ <a href="http://www.lookingtoday.com/index.php/entertainment-general-news/25962-2013-12-25-09-24-18.html"><span style="color: #0000ff;">ដើមអំពិល</span></a></p>