<p><span style="color: #000000;"><strong>ភ្នំពេញ ៖</strong> អំពើហិង្សា ក្នុងគ្រួសារមួយបានកើតឡើង រវាង ប្អូនប្រុសបង្កើត ផឹកស្រាស្រវឹង ទាញកាំបិត កាប់យ៉ាងសាហាវ លើបងស្រី ខ្លួនឯង ចំនួន៣កាំបិតផ្គាក់ ស្លាប់ក្នុងថ្លុកឈាម ព្រោះតែជម្លោះដណ្ដើមកេរ គ្នា ។</span></p>
<p><span style="color: #000000;">ហេតុការណ៍នេះ បានកើតឡើងកាលពីម៉ោង៦និង៣០ល្ងាចថ្ងៃទី២៩ ខែមករា ឆ្នាំ២០១៥ស្ថិតក្នុងភូមិរនះ សង្កាត់កោះដាច់ ខណ្ឌជ្រោយចង្វារ ។</span></p>
<p><span style="color: #000000;">នគរបាលមូលដ្ឋានបានឲ្យដឹងថា ប្អូនប្រុសជាជនល្មើស មានឈ្មោះ បាន វុត្ថា ហៅនាង អាយុ២៥ ឆ្នាំ មានមុខរបរជាកម្មករសំណង ចំណែកជនរងគ្រោះជាបងស្រីមានឈ្មោះ បាន អៀងនាង អាយុ៣៥ ឆ្នាំ មានកូន៥ក្នុងបន្ទុក មានមុខរបរជាមន្ត្រីពេទ្យអង្គការ ទឹកចិត្តម្តាយ អ្នកទាំងពីររស់នៅកន្លែងកើតហេតុ ។</span></p>
<p><span style="color: #000000;">នគរបាលមូលដ្ឋានបានឲ្យដឹងថា ក្រោយកាប់ប្រហារបងស្រីរួចមក ជនល្មើសជាប្អូន បានរត់ចូលព្រៃ ប៉ុន្តែត្រូវសមត្ថកិច្ច តាមចាប់បាននាម៉ោងប្រមាណ១០ យប់ថ្ងៃដដែល ។</span></p>
<p><span style="color: #000000;">បច្ចុប្បន្នជនសង្ស័យជាប្អូន ត្រូវបាននគរបាលសាកសួរ នៅអធិការដ្ឋាន នគរបាលខណ្ឌចង្វារ ដើម្បីកសាង សំណុំរឿងបញ្ជូន ទៅកាន់សាលាដំបូងចាត់ការបន្ត ៕</span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>