<p><span style="color: #000000;"><strong>(ចិន)៖</strong> យោងតាមតារាង Global Rich List របស់ស្ថាប័នស្រាវជ្រាវ Hurun បានឲ្យដឹងថា ចិនបានក្លាយជាប្រទេសដែលសម្បូរដោយមហាសេដ្ឋីច្រើនជាងបំផុត ខណៈដែលសហរដ្ឋអាមេរិក ស្ថិតនៅលេខរៀងទី២ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២៥ ខែកុម្ភៈ។</span></p>
<p><span style="color: #000000;">នៅដើមឆ្នាំ២០១៦នេះ ចិនមានកំពូលមហាសេដ្ឋីចំនួន ៥៦៨នាក់ ក្នុងនោះមាន ៩០នាក់ ទើបតែក្លាយខ្លួនជាកំពូលមហាសេដ្ឋី ខណៈដែលសហរដ្ឋអាមេរិក មានតែ ៥៣៥នាក់។ ជាមួយគ្នានោះផងដែរថា ទីក្រុងប៉េកាំង រដ្ឋធានីរបស់ប្រទេសចិន ក៏បានក្លាយជាទីក្រុងដែលមានកំពូលមហាសេដ្ឋីច្រើនជាងគេបំផុត ដោយគិតត្រឹមដើមឆ្នាំ២០១៦នេះ មានសរុប ១០០នាក់ ខណៈដែលទីក្រុងញូវយ៉ក មានត្រឹមតែ៩៥នាក់។</span></p>
<p><span style="color: #000000;"><a class="thickbox" title="" href="/FileManager/Commons/2016/2/25/41-25-02-2016--15-53-41.jpg"><img src="/FileManager/Articles/mce/2016/2/25/41-25-02-2016--15-53-41.jpg" alt="" /></a><br /></span></p>
<p><span style="color: #000000;">យោងតាមតារាង Global Rich List ក៏បានបញ្ជាក់ថា លោក Wang Jianlin ម្ចាស់ក្រុមហ៊ុនអចលនទ្រព្យ Dalian Wanda Group គឺជាកំពូលមហាសេដ្ឋីលំដាប់ទី១នៅចិន ជាមួយនឹងទ្រទ្យសម្បត្តិ ២៦ពាន់លានដុល្លារអាមេរិក ចំណែកនៅអាមេរិកវិញគឺលោក Bill Gates ស្ថាបនិកក្រុមហ៊ុន Microsoft ជាកំពូលមហាសេដ្ឋីលំដាប់ទី១ និងជាកំពូលមហាសេដ្ឋីដែលមានលុយច្រើនជាងគេបំផុតនៅក្នុងលោក ជាមួយទ្រព្យសម្បត្តិ ៨០ពាន់លានដុល្លារអាមេរិក៕</span></p>
<p><span style="color: #000000;"><a class="thickbox" title="" href="/FileManager/Commons/2016/2/25/70-25-02-2016--15-53-32.jpg"><img src="/FileManager/Articles/mce/2016/2/25/70-25-02-2016--15-53-32.jpg" alt="" /></a><br /></span></p>
<p><span style="color: #000000;"><br /></span></p>
<p> </p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី និង ស៊ីអិនប៊ីស៊ី</span></p>
<p> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>