<p>កាលពីប៉ុន្មានថ្ងៃកន្លងមកនេះតម្លៃប្រេងសាំងនៅរាជធានីភ្នំពេញកំពុងតែឡើងថ្លៃទៀតហើយ។<br />ក្នុងនោះតម្លៃសាំងធម្មតាបានឡើងដល់ ៥៤៥០៛ ដែលត្រូវគិតប្រាក់ ៥៥០០៛ ក្នុងមួយលីត ខណៈ<br />ដែលសាំងស៊ូពែរ បានឡើងដល់ ៥៦៥០៛ ដែលត្រូវគិតប្រាក់ ៥៧០០៛ ក្នុងមួយលីត។<br /><a class="thickbox" title="" href="/FileManager/Commons/2012/8/16/dsc04539-16-08-2012--14-06-55.jpg"><img style="display: block; margin-left: auto; margin-right: auto;" src="/FileManager/Articles/mce/2012/8/16/dsc04539-16-08-2012--14-06-55.jpg" alt="" /></a><br />ជាមួយគ្នានេះដែរគេសង្កេតឃើញថាការតម្លើងថ្លៃសាំងវាបានក្លាយជារឿងធម្មតាសម្រាប់ប្រជា<br />ពលរដ្ឋភាគច្រើនដែលរស់នៅក្នុងរាជធានីភ្នំពេញទៅហើយ ព្រោះមើលទៅដូចជាមិនមានវិធីណា<br />ដែលអាចដោះស្រាយបញ្ហានេះបាននោះទេ ខណៈដែលតម្លៃប្រេងនៅលើទីផ្សារពិភពលោក<br />កំពុងឡើងថ្លៃ។<br /><a class="thickbox" title="" href="/FileManager/Commons/2012/8/16/dsc04537-16-08-2012--14-07-46.jpg"><img style="display: block; margin-left: auto; margin-right: auto;" src="/FileManager/Articles/mce/2012/8/16/dsc04537-16-08-2012--14-07-46.jpg" alt="" /></a><br />គួររំលឹកផងដែរថាកាលពីប៉ុន្មានខែមុន តម្លៃប្រេងសាំងនៅតាមស្ថានីយប្រេងសឹងតែទាំងអស់<br />នៅក្នុងរាជធានីភ្នំពេញបានឡើងថ្លៃដល់ទៅ ៦០០០៛ ជាងនៅក្នុងចំណុះមួយលីត ចំពោះសាំង<br />ស៊ូពែរហើយស្របពេលនៅផងដែរគេក៏ឃើញមានការធ្វើបាតុកម្ម តវ៉ាចំពោះតម្លៃសាំងផងដែរ<br /> រហូតដល់តម្លៃសាំងបានចុះមកនៅត្រឹម ៥០០០៛ នៅក្នុងមួយលីតសម្រាប់សាំងធម្មតា នៅ<br />ក្រោយពេលប្រជុំអាស៊ាន។<br /><br />មកដល់ពេលនេះតម្លៃសាំងគឺកំពុងតែឡើងជាលំដាប់សារជាថ្មី ដែលវាបានក្លាយជាបញ្ហាមួយ<br />សម្រាប់ការរស់នៅរបស់ប្រជាពលរដ្ឋសព្វថ្ងៃ។ វិបត្តថ្លៃសាំងនៅពេលថ្មីៗនេះបានឡើងថ្លៃស្ទើរ<br />តែគ្រប់ប្រទេសនៅអាស៊ីអាគ្នេយ៍ មិនថាកម្ពុជា ថៃ ឬវៀតណាម នោះទេតែអ្វីដែលយើងសង្កេត<br />ឃើញថាមិនប្រក្រតីនោះគឺតម្លៃសាំងនៅប្រទេសថៃ ថ្ងៃនេះគឺមានតម្លៃពី ៣៨ ទៅ ៣៩ បាត គឺ<br />សម្រាប់សាំងស៊ូពែរប្រៀបធៀបមកតម្លៃសាំងនៅក្នុងរាជធានីភ្នំពេញគឺវាខុសគ្នាឆ្ងាយ៕</p>
<p style="text-align: right;">ដោយ៖ ម៉ូកា<br />រូបភាព៖ ហ៊ៅស៊ីង</p>