<p id="aui_3_2_0_1359"><span style="color: #000000;">បើតាមប្រភពព័ត៌មានពី Droid Life បានឲ្យដឹងថា កាលពីថ្ងៃម្សិលមិញ LG បានធ្វើការប្រកាសបង្ហាញ ស្មាតហ្វូនស៊េរីថ្មីត្រកូល "X Series" ជាមួយនឹងតម្លៃសមរម្យ និងបំពាក់មកជាមួយនូវបណ្តា Feature ពិសេសៗមួយចំនួន ដើម្បីទាក់ទាញចំណាប់អារម្មណ៍អ្នកប្រើប្រាស់។ ស្មាតហ្វូនដំបូងនៃត្រកូល X Series ដែលបានបង្ហាញខ្លួន កាលពីថ្ងៃម្សិលមិញនេះ មានឈ្មោះថា LG X Cam និង LG X Screen។</span></p>
<p><span style="color: #000000;"><a class="thickbox" title="" href="/FileManager/Commons/2016/2/15/1495445-15-02-2016--14-18-13.jpg"><img src="/FileManager/Articles/mce/2016/2/15/1495445-15-02-2016--14-18-13.jpg" alt="" /></a><br /></span></p>
<p><span style="color: #000000;">ដូចទៅនឹងឈ្មោះហៅ ស្មាតហ្វូន X Cam បានផ្តោតសំខាន់ទៅលើកាមេរ៉ា ដែលមិនមែនមានតែមួយ ប៉ុណ្ណោះទេ គឺវាមានកាមេរ៉ាក្រោយដល់ទៅពីរដែលមានទំហំ 13MP និង 5MP។ លក្ខណៈសម្បត្តិ ផ្សេងទៀតរបស់ X Cam រួមមាន កាមេរ៉ាមុខទំហំ 8MP, អេក្រង់ Full HD 5.2 inch, CPU 8 Core 1.14 GHz, RAM 2GB, ថាមពលថ្ម 2520 mAh និងប្រើប្រាស់ប្រព័ន្ធប្រតិបត្តិការថ្មីបំផុត Android 6.0 Marshmallow។</span></p>
<p><span style="color: #000000;">ក្រៅតែពីមានកាមេរ៉ាក្រោយតែមួយទំហំ 13MP និងអេក្រង់មានទំហំ 4.93 inch បង្ហាញកំរិតភាព ច្បាស់ HD 720p លក្ខណៈសម្បត្តិដទៃផ្សេងទៀតរបស់ស្មាតហ្វូន X Screen គឺស្រដៀងទៅនឹង X Cam ដែរ ប៉ុន្តែក្រុមហ៊ុនបានបំពាក់បន្ថែមនៅលើអេក្រង់តូចមួយទៀតរបស់វា នូវបច្ចេកវិទ្យា "Always-on" ដែលបច្ចេកវិទ្យានេះទើបតែបង្ហាញខ្លួននៅលើ V10 ដែលជាស្មាតហ្វូនស៊េរីខ្ពស់របស់ LG ប៉ុណ្ណោះ។ ជាមួយនឹងទំហំអេក្រង់តូច 1.76 inch នេះ អ្នកប្រើប្រាស់អាចងាយស្រួលក្នុងការទទួល បាននូវព័ត៌មាន "Alert" ផ្សេងៗ ងាយស្រួលក្នុងការបញ្ជាការចាក់ស្តាប់តន្រ្តី ឬការហៅទូរស័ព្ទ ដោយ មិនមានប៉ះពាល់ទៅដល់ Application ដែលកំពុងប្រើប្រាស់នៅលើអេក្រង់ធំរបស់ស្មាតហ្វូននេះ នោះទេ។ </span></p>
<p><span style="color: #000000;">សម្រាប់ថ្ងៃបញ្ចេញលក់នៅលើទីផ្សារ ក៏ដូចជាតម្លៃជាក់ស្តែងរបស់ស្មាតហ្វូនស៊េរីមធ្យមនៃត្រកូល "X Series" ទាំងពីរម៉ូដែលនេះ នៅមិនទាន់ត្រូវបានគេបង្ហើបឲ្យដឹងនៅឡើយទេ ប៉ុន្តែស្មាតហ្វូនថ្មីទាំងពីរ នេះ នឹងផ្តោតទៅលើទីផ្សារ បណ្តាប្រទេសនៅអាស៊ី អឺរ៉ុប និងអាមេរិចឡាទីន៕</span></p>
<p><span style="color: #000000;"><a href="http://www.camnews.com.kh/News/Detail/17636/front-and-back-pictures-of-samsung-galaxy-s7-edge"><span style="color: #0000ff;"><em>- អានអត្ថបទ៖ លេចចេញរូបភាព នៃរូបរាងរបស់ Galaxy S7 Edge កាន់តែច្បាស់ ស្របពេលថ្ងៃ បង្ហាញណែនាំខ្លួន កាន់តែខិតជិតមកដល់</em></span></a><br /><a href="http://www.camnews.com.kh/News/Detail/15576/iphone-7-maybe-will-use-dual-lens-camera-of-sony"><span style="color: #0000ff;"><em>- អានអត្ថបទ៖ Sony:កាមេរ៉ាភ្លោះរបស់យើងខ្ញុំ នឹងត្រូវបានក្រុមហ៊ុនស្មាតហ្វូនធំៗមួយចំនួន ប្រើប្រាស់, អាច iPhone 7 ដែរ?</em></span></a><br /></span></p>
<p> </p>
<p style="text-align: right;">ប្រែសម្រួល៖ មង្គល<br />ប្រភព៖ <em>Droid Life VR</em></p>