<p><span style="color: #000000;"><strong>ភ្នំពេញ ៖</strong> យោងតាមប្រភពព័ត៌មាន ពីមន្ដ្រីពន្ធនាគារមួយរូប បានលួចបង្ហើបប្រាប់មជ្ឈមណ្ឌលព័ត៌មាន ដើមអម្ពិល ឱ្យដឹងថា ចៅក្រមស៊ើបសួរសាលាដំបូងរាជធានីភ្នំពេញ លោក លី សុខឡេង បានសម្រេច ចេញដីកាដោះលែងឪពុកម្ដាយ ថោង សារ៉ាត់ ចេញពីពន្ធនាគារ នៅយប់ថ្ងៃទី៦ ខែកុម្ភៈ ឆ្នាំ២០១៥នេះ បង្កឱ្យមានការភ្ញាក់ផ្អើលយ៉ាងខ្លាំង ពីមជ្ឈដ្ឋានជាច្រើន។</span></p>
<p><span style="color: #000000;">មន្ដ្រីពន្ធនាគាររូបនេះ បានបន្ដទៀតថា ក្រោយពីទទួលបានដីកា បញ្ជាឱ្យដោះលែងឪពុកម្ដាយ ថោង សារ៉ាត់ គឺលោក ថោង ចំរើន និងអ្នកស្រី កែវ សារី ចេញពីពន្ធនាគារព្រៃស នោះ បានធ្វើឱ្យមានការភ្ញាក់ផ្អើលយ៉ាងខ្លាំង មិនដឹងជាមានមូលហេតុ អ្វីនោះទេ ពីព្រោះជនជាប់ចោទទាំងពីរនាក់ ត្រូវបានសាលាឧទ្ធរណ៍បដិសេធឱ្យនៅក្រៅឃុំ កាលពីពេល កន្លងទៅថ្មីៗនេះ ក្រោយពីមេធាវីជនជាប់ចោទប្ដឹង សុំឱ្យនៅក្រៅឃុំនោះ។ </span></p>
<p><span style="color: #000000;">យ៉ាងណាក៏ដោយ គេពុំទាន់ ដឹងពីមូលហេតុពីមូលហេតុពិតប្រាកដយ៉ាងណា នៃការដោះលែងឪពុកម្ដាយរបស់ ថោង សារ៉ាត់ ដែល ត្រូវបានចោទប្រកាន់ ជាមេឃាតកនៅពីក្រោយខ្នង នៃការសម្លាប់ឧកញ៉ា អ៊ឹង ម៉េងជឺ កាលពីចុងឆ្នាំ២០១៤កន្លងទៅ។ ឪពុកម្ដាយថោង សារ៉ាត់ ត្រូវបានកម្លាំងសមត្ថកិច្ចចាប់ខ្លួន ដោយជាប់ ពាក់ព័ន្ធការលាក់អាវុធខុសច្បាប់ និងរារាំងប្រតិបត្ដិការរបស់កម្លាំងសមត្ថកិច្ច ហើយប្រតិបត្ដិការចុះ ឆែកឆេរផ្ទះរបស់ពួកគេទាំងពីរនាពេលកន្លងទៅនោះ សមត្ថកិច្ចបានរកឃើញកាំភ្លើងរហូតទៅដល់ ១០ដើម ដែលពុំមានលិខិតស្នាមប្រើប្រាស់ ។</span></p>
<p><span style="color: #000000;">យ៉ាងណាក៏ដោយ រហូតមកដល់វេលាម៉ោង ៧និង៣៥នាទី យប់ថ្ងៃទី៦ ខែកុម្ភៈ ឆ្នាំ២០១៥នេះ មជ្ឈមណ្ឌលព័ត៌មានដេិមអម្ពិល មិនទាន់អាចសុំការបកស្រាយ ភ្លាមៗ ពីលោកចៅក្រម លី សុខឡេង បាននៅឡើយទេ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/2/7/2-7-2015-9-19-23-am-07-02-2015--09-23-47.png"><img src="/FileManager/Articles/mce/2015/2/7/2-7-2015-9-19-23-am-07-02-2015--09-23-47.png" alt="" /></a></span></p>
<p><a class="thickbox" title="" href="/FileManager/Commons/2015/2/7/2-7-2015-9-18-45-am-07-02-2015--09-23-59.png"><img src="/FileManager/Articles/mce/2015/2/7/2-7-2015-9-18-45-am-07-02-2015--09-23-59.png" alt="" /></a></p>
<p><a class="thickbox" title="" href="/FileManager/Commons/2015/2/7/2-7-2015-9-19-05-am-07-02-2015--09-24-12.png"><img src="/FileManager/Articles/mce/2015/2/7/2-7-2015-9-19-05-am-07-02-2015--09-24-12.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ដើមអម្ពិល</span></p>