<p><span style="color: #000000;"><strong>ត្បូងឃ្មុំ ៖</strong> អំពើឃាតកម្ម ដ៏សាហាវមួយ បានកើតឡើង ក្រោយពីបុរសជាឪពុក បានទាញពូថៅ កាប់កូន ប្រុសខ្លួនឯង ចំនួន៩ពូថៅ បណ្តាលឲ្យស្លាប់ ភ្លាមៗនៅកន្លែង កើតហេតុ រួចយកសព ទៅទម្លាក់ចូល នៅក្នុងអណ្តូងទឹក ដោយសារ ទំនាស់ពាក្យសម្តី ក្រោយពេលដែល ជនរងគ្រោះ ជាកូនសុំលុយ ចំនួន១០ម៉ឺនរៀល ដើម្បីទៅលេង បុណ្យអុំទូកនៅ រាជធានីភ្នំពេញ។</span></p>
<p><span style="color: #000000;">អំពើឃាតកម្ម ដ៏គួរឲ្យតក់ស្លុតមួយនេះ បានបង្កឲ្យមានការភ្ញាក់ផ្អើល កាលពីវេលាម៉ោង ៩និង១៥នាទី យប់ថ្ងៃទី៣ ខែវិច្ឆិកា ឆ្នាំ២០១៤ ស្ថិតនៅភូមិមាន់ ឃុំជាំក្រវៀន ស្រុកមេមត់ ខេត្តត្បូងឃ្មុំ ។</span></p>
<p><span style="color: #000000;">មន្រ្តីនគរបាលព្រហ្មទណ្ឌ នៃស្នងការដ្ឋាន នគរបាលខេត្តត្បូងឃ្មុំ បានឲ្យដឹងថា ជនរងគ្រោះ ដែលត្រូវឪពុករបស់ខ្លួន កាប់ចំនួន៩ពូថៅ បណ្តាលឲ្យស្លាប់ក្នុងថ្លុកឈាមខាងលើនេះ ឈ្មោះ មឿន ក្លេ អាយុ ២២ ឆ្នាំ ។ ដោយឡែក ជនបង្កជាឪពុក ឈ្មោះ សោម មឿន អាយុ ៤២ឆ្នាំ ហើយពួកគេ ទាំងពីរនាក់ រស់នៅជាមួយគ្នា ។</span></p>
<p><span style="color: #000000;">មន្រ្តីនគរបាល បានបន្តទៀតថា ក្រោយមានអំពើឃាតកម្ម ខាងលើនេះ កើតឡើងភ្លាម ស្នងការនគរបាលខេត្តត្បូងឃ្មុំ លោកឧត្តមសេនីយ៍ត្រី ម៉ៅ ពៅ បានបញ្ជាឲ្យ កម្លាំងនគរបាល ជំនាញព្រហ្មទណ្ឌ ស្រុក ត្បូងឃ្មុំ ចុះទៅអន្តរាគមន៍ ហើយបើកការ ស្រាវជ្រាវជាបន្ទាន់ រហូតឈាន ទៅដល់ការចាប់ខ្លួន ជនបង្កជាឪពុក ក្រោយកើតហេតុនោះ។</span></p>
<p><span style="color: #000000;">ជុំវិញអំពើ ឃាតកម្មនេះដែរ ស្នងការនគរបាលខេត្ត បានបញ្ជាក់ថា ជនបង្កនិងជនរងគ្រោះ តែងតែមានទំនាស់ ជាមួយគ្នា ហើយមុនឈានទៅដល់ រឿងនេះកើតឡើង ជនរងគ្រោះ ជាកូនបានសុំលុយឪពុក ចំនួន ១០ម៉ឺនរៀល ដើម្បីធ្វើដំណើរ ទៅលេងបុណ្យអុំទូក ក្នុងរាជធានីភ្នំពេញ ស្រាប់តែ ឪពុកមិនឲ្យ ក៏កើតជាទំនាស់ ពាក្យសម្តី រហូតឪពុករត់ទៅយកពូថៅ កាប់ទៅលើកូនខ្លួនឯងទាំងកំហឹង ចំនួន៩ពូថៅ ស្លាប់នៅក្នុងថ្លុកឈាម តែម្តងទៅ។</span></p>
<p><span style="color: #000000;">លោកឧត្តមសេនីយ៍ស្នងការ បានបញ្ជាក់ទៀតថា ក្រោយកាប់សម្លាប់កូន ប្រុសខ្លួនឯងហើយ ជនសង្ស័យបានយកសព ទៅទម្លាក់ ចូលនៅក្នុងអណ្តូងទឹក រួចយកដើមចេក ទៅទម្លាក់គ្របពីលើសពទៀត។</span></p>
<p><span style="color: #000000;">បច្ចុប្បន្ន ជនសង្ស័យរូបនេះ ស្ថិតក្រោមការឃុំខ្លួន និងសាកសួរបន្តទៀត នៅអធិការដ្ឋាន នគរបាល ស្រុកមេមត់ ដើម្បីកសាងសំណុំរឿង បញ្ជូនទៅកាន់តុលាការចាត់ការតាមផ្លូវច្បាប់៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/4/11-4-2014-4-44-25-pm-04-11-2014--16-51-54.jpg"><img src="/FileManager/Articles/mce/2014/11/4/11-4-2014-4-44-25-pm-04-11-2014--16-51-54.jpg" alt="" /></a></span></p>
<p><a class="thickbox" title="" href="/FileManager/Commons/2014/11/4/11-4-2014-4-44-43-pm-04-11-2014--16-52-06.jpg"><img src="/FileManager/Articles/mce/2014/11/4/11-4-2014-4-44-43-pm-04-11-2014--16-52-06.jpg" alt="" /></a></p>
<p><a class="thickbox" title="" href="/FileManager/Commons/2014/11/4/11-4-2014-4-45-04-pm-04-11-2014--16-52-18.jpg"><img src="/FileManager/Articles/mce/2014/11/4/11-4-2014-4-45-04-pm-04-11-2014--16-52-18.jpg" alt="" /></a></p>
<p><a class="thickbox" title="" href="/FileManager/Commons/2014/11/4/11-4-2014-4-46-01-pm-04-11-2014--16-52-36.jpg"><img src="/FileManager/Articles/mce/2014/11/4/11-4-2014-4-46-01-pm-04-11-2014--16-52-36.jpg" alt="" /></a></p>
<p><a class="thickbox" title="" href="/FileManager/Commons/2014/11/4/11-4-2014-4-45-25-pm-04-11-2014--16-52-54.jpg"><img src="/FileManager/Articles/mce/2014/11/4/11-4-2014-4-45-25-pm-04-11-2014--16-52-54.jpg" alt="" /></a></p>
<p><a class="thickbox" title="" href="/FileManager/Commons/2014/11/4/11-4-2014-4-45-42-pm-04-11-2014--16-53-06.jpg"><img src="/FileManager/Articles/mce/2014/11/4/11-4-2014-4-45-42-pm-04-11-2014--16-53-06.jpg" alt="" /></a></p>
<p><a class="thickbox" title="" href="/FileManager/Commons/2014/11/4/11-4-2014-4-46-16-pm-04-11-2014--16-53-20.jpg"><img src="/FileManager/Articles/mce/2014/11/4/11-4-2014-4-46-16-pm-04-11-2014--16-53-20.jpg" alt="" /></a></p>
<p style="text-align: right;"><br /><a class="thickbox" title="" href="/FileManager/Commons/2014/11/4/11-4-2014-4-46-16-pm-04-11-2014--16-53-20.jpg"></a><span style="color: #000000;">ផ្ដល់សិទ្ធិដោយ៖ ដើមអម្ពិល</span></p>