<p><strong>ភ្នំពេញ៖</strong> ទោះបីជាអតីត តារាចម្រៀងល្បីឈ្មោះ ក្រមិចក្រមើម ពេជ្រ សូលីកា បានប្រកាស<br />ក្តែងៗថា ខ្លួនបានដើរចេញ ពីពិភពសិល្បៈក្តី ក៏ខ្សែជីវិតរបស់នាង ត្រូវបានមហាជន នៅតែ<br />តាមដាន និងសង្កេតមើលជាប់ជានិច្ច ពីជីវិតឯកជនរបស់នាង ព្រោះនាងជាតារាចម្រៀង មួយ<br />ដួងស្ថិត ក្នុងបេះដូង របស់មហាជន និងស្រទាប់យុវវ័យ ។</p>
<p>កន្លងមក ពេជ្រ សូលីកា តែងតែលេចឮព័ត៌មាន ជាបន្តបន្ទាប់ពី ទំនាក់ទំនង ស្នេហារបស់នាង<br /> ជាមួយបុរសសម្បូរទ្រព្យ មានផ្កាយលើស្មារម្នាក់ និងជាមួយបុរស អាណិកជនម្នាក់ផងដែរ ។ <br />តែមួយរយៈចុងក្រោយនេះ មហាជនហាក់ មិនសូវបានឃើញ បណ្តាញសារព័ត៌មានចុះផ្សាយ <br />ពីរឿងរ៉ាវស្នេហា លាក់កំបាំង របស់នាងទេ ។</p>
<p>មិនតែប៉ុណ្ណោះ ក៏មានអ្នកសារព័ត៌មាន ក្នុងស្រុកមួយចំនួន មានការងឿងឆ្ងល់យ៉ាងខ្លាំង ចំពោះ <br />កញ្ញា ពេជ្រ សូលីកា ថា នាងតែងតែគេចវេស ពីការស្នើសុំផ្តល់បទសម្ភាសន៍ និងគេចវេសពី<br />កាណុង កាមេរ៉ារបស់ អ្នកកាសែតជានិច្ច ។ ការគេចវេសមិន ឲ្យអ្នកកាសែត បានផ្តិតយករូប<br />ភាព និងផ្តល់បទសម្ភាសន៍ របស់នាងបែបនេះ បានធ្វើឲ្យគេយល់ឃើញថា ប្រហែលជាមាន <br />រឿងអាស្រូវច្រើន មិនអាចប្រឈមមុខ នឹងការសួរដេញដោល ពីអ្នកកាសែតបាន ។</p>
<p>ដោយឡែក ខណៈបាត់មុខពីវិថី សិល្បៈអស់មួយរយៈ ស្រាប់តែថ្មីៗនេះ កញ្ញា ពេជ្រ សូលីកា<br /> ត្រូវបានអ្នកនៅក្នុង ចង្កោមសិល្បៈ សុំមិនបញ្ចេញឈ្មោះ ទម្លាយបង្ហើបប្រាប់គេហទំព័រ Looking<br />TODAY ថា អតីតតារាចម្រៀង ប្រចាំផលិតកម្ម អឹម កញ្ញា ពេជ្រ សូលីកា កំពុងតែមានទំនាក់<br />ទំនង ស្នេហាស្ងាត់ៗ ជាមួយតារា សម្តែងរូបសង្ហា លោក មូល សុវណ្ណគិរី ។ លើសពីនេះទៅ<br />ទៀត ប្រភពដដែលបានឲ្យដឹងថា គេតែងតែឃើញ ពេជ្រ សូលីកា និងលោក មូល សុវណ្ណគិរី <br />ទៅដើរលេង ចូលក្លឹបកម្សាន្ត នឹងទៅញ៉ាំអីជាមួយគ្នា ជាញឹកញាប់ទៀតផង ។</p>
<p>ខណៈលេចចេញ ព័ត៌មានបែបនេះ គេក៏បានឃើញថា យ៉ាងច្បាស់ថា នៅក្នុង Page ហ្វេសប៊ុក<br />របស់ ពេជ្រ សូលីកា បានបង្ហោះរូបភាពរបស់នាង ថតជាមួយ លោក មូល សុវណ្ណគិរី ដែល<br />បង្ហាញពី ភាពស្និទ្ធស្នាលជាមួយគ្នា ដើម្បីឲ្យមហាជនបានឃើញ ។ ម្យ៉ាងវិញទៀតការបង្ហាញ <br />រូបភាពកៀកកើយ ជាមួយប្រុសក្មេង មូល សុវណ្ណគិរី នៅគ្រានេះ ក៏ស្របពេលជាមួយ នឹងការ<br />ប្រកាសលា ឈប់ពីសង្វៀនសិល្បៈរបស់ ពេជ្រ សូលីកា ផងដែរ។ ចំពោះមូលហេតុចំបងមួយ <br />ដែលបណ្ដាលឲ្យ ស្រីស្រស់គួរឲ្យក្នក់ក្នាញ់ សម្បូរប្រុសចោម ពេជ្រ សូលីកា សម្រេចចិត្តយ៉ាង<br />តក់ក្រហល់ ដើរចេញពីការងារ សិល្បៈនេះ គឺអាចមកពីនាងត្រូវ បានហ៊ុំព័ទ្ធដោយ រឿងអាស្រូវ<br />ស្នេហា ចាក់ស្រែះ ដោះស្រាយមិនចេះចប់ ខណៈដែលបណ្ដាញ សារព័ត៌មានចេះតែ បើកកកាយ<br />យកមក ចុះផ្សាយជាបន្តបន្ទាប់។</p>
<p>មជ្ឈដ្ឋានអ្នកចូលចិត្តតាមដាន សកម្មភាពតារាខ្មែរ បានធ្វើការកត់សម្គាល់ និងវាយតម្លៃថា <br />ដំណើរងាកទៅភាពស្និទ្ធស្នាល ជាមួយលោក មូល សុវណ្ណគិរី ពីសំណាក់ស្រីស្រស់ ពេជ្រ <br />សូលីកា គឺអាចគ្រាន់តែជា ឆាកល្ខោនឆ្ពិនភ្នែកមហាជន ដែលនាងធ្លាប់ប្រើ យុទ្ធសាស្រ្តបែប<br />នេះ ជាច្រើនដងមកហើយ ដើម្បីបំភ័ន្តអាថ៌ កំបាំងស្នេហារបស់នាង មិនឲ្យអ្នកដឹងពីស្នេហា<br />ពិត ដែលកំពុងកើតឡើងសព្វថ្ងៃ ទៀតផង។</p>
<p>តែទោះជាយ៉ាងណាពាក់ព័ន្ធ នឹងព័ត៌មានដែលលេចចេញ ពីអ្នកនៅក្នុងចង្កោមសិល្បៈ ថា <br />ពេជ្រ សូលីកា កំពុងតែមាន ទំនាក់ទំនង ស្នេហាជាមួយលោក មូល សុវណ្ណគិរី នាពេលនេះ <br />គេហទំព័រ LookingTODAY មិនអាច់ទាក់ទង សុំការបកស្រាយពី កញ្ញា ពេជ្រ សូលីកា បាន<br />ទេ នៅថ្ងៃទី ២៩ ខែសីហា ឆ្នាំ២០១៣នេះ ដោយលេងទូរស័ព្ទ ដែលនាងធ្លាប់ប្រើ ពុំអាចទាក់<br />ទងបាន ។</p>
<p>ប៉ុន្តែយ៉ាងណាក្តី គេហទំព័រ LookingTODAY រងចាំស្វាគមន៍ជានិច្ច ចំពោះការចេញមុខបក<br />ស្រាយ របស់កញ្ញា ពេជ្រ សូលីកា ដើម្បី ឲ្យអស់មន្ទិល សង្ស័យពីបញ្ហានេះ៕</p>
<p><img src="http://image.lookingtoday.com:81/lookingtoday/looking-images/news/2013/August/id-098/S_0751.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-098/S_0752.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-098/S_0753.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-098/S_0754.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-098/S_0755.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ផ្តល់សិទ្ធិដោយ ៖ ដើមអំពិល </p>