<p>ក្មេងប្រុសម្នាក់កំពុងលេងសប្បាយក្នុងតំបន់សួនបាញ់ទឹកនៅខេត្រ Hubei ភាគកណ្ដាលប្រទេស<br />ចិន ក៏ស្រាប់តែត្រូវខ្សែទឹកបាញ់ចំ និងរុញច្រានឡើងទៅលើ កំពស់ ២ម៉ែត្រ បណ្ដាលឱ្យបែក<br />ឈាម និងរងរបួសធ្ងន់ធ្ងរ។<br /><br />ករណីខាងលើនេះ បានកើតឡើងតាំងតែពីថ្ងៃទី ១សីហា ប៉ុន្ដែរូបភាពស្ដីអំពីករណីគ្រោះថ្នាក់នេះ ទើបត្រូវបានចេញផ្សាយនៅលើទំព័រសារព័ត៌មានចិន។</p>
<p style="text-align: center;"><a class="thickbox" title="" href="/FileManager/Commons/2013/8/23/schina1-23-08-2013--14-35-58.jpg"><img style="display: block; margin-left: auto; margin-right: auto;" src="/FileManager/Articles/mce/2013/8/23/schina1-23-08-2013--14-35-58.jpg" alt="" /></a>ក្នុងរង្វង់ក្រហម គឺកុមារារងគ្រោះ កំពុងត្រូវខ្សែទឹកបាញ់ឱ្យខ្ទាតឡើងទៅលើ ២ម៉ែត្រ។ រូប ៖ <br />Southern Metro Daily</p>
<p>ក្មេងប្រុសដែលកំពុងលេងសប្បាយនៅក្នុងសួនបាញ់ទឹកតាមចង្វាក់ភ្លេងនៅទីលានមជ្ឈមណ្ឌល<br />វប្បធម៌ Xinjian ក្នុងតំបន់ស្វ័យត Enshi នៃខេត្រ Hubei មួយរំពេចក្រោយមកក៏ស្រាប់តែត្រូវខ្សែ<br />ទឹកបាញ់ចំ និងធ្វើឱ្យក្មេងនេះ ខ្ទាតឡើងត្រង់ទៅលើ បន្ទាប់ពីជាន់ចំក្បាលទឹកដែលមានកម្លាំង<br />ខ្លាំង។ ដោយសារតែកម្លាំងទឹក ក្មេងប្រុសនេះ ក៏ត្រូវបែកឈាមត្រង់ច្រមុះ និងមាត់ ប៉ុន្ដែមិន<br />បណ្ដាលឱ្យគ្រោះថ្នាក់ដល់ជីវិត។ ក្រោយមក ក៏ត្រូវបានបញ្ជូនទៅកាន់មន្ទីរពេទ្យ សង្គ្រោះ<br />បន្ទាន់។<br /><br />សាក្សីនៅកន្លែងកើតហេតុអះអាងថា ទឹកដែលកំពុងបាញ់ទៅលើនោះ បានធ្វើឱ្យរហែកអាវ និង<br />ខោរបស់កុមារារងគ្រោះ ហើយនៅពេលធ្លាក់មកដីក៏ត្រូវរបួសពេញមុខមាត់។</p>
<p>គួររំឭកថា សួនទឹកនេះគឺជាទីតាំងកំសាន្ដដ៏ល្បីឈ្មោះ និងទាក់ទាញអ្នកមកលេងកំសាន្ដយ៉ាង<br />ច្រើន ចាប់តាំងពីមជ្ឈមណ្ឌលវប្បធម៌ Xinjian ត្រូវបានបង្កើតឡើង។ បើទោះជាមានរបងដែល<br />មានការព្រមានឱ្យនៅឆ្ងាយពីក្បាលទឹក ប៉ុន្ដែប្រការនេះមិនអាចហាមឃាត់មនុស្សទាំងឡាយ មិន<br />ឱ្យចូលប្រលែងជាមួយទឹកនោះដែរ។</p>
<p style="text-align: center;"><a class="thickbox" title="" href="/FileManager/Commons/2013/8/23/schina2-23-08-2013--14-36-31.jpg"><img src="/FileManager/Articles/mce/2013/8/23/schina2-23-08-2013--14-36-31.jpg" alt="" /></a><br />កុមាររងគ្រោះត្រូវបានបញ្ជូនមកកាន់មន្ទីរពេទ្យ បន្ទាប់ពីត្រូវទឹកបាញ់ឱ្យរបួស។ រូប ៖ Southern <br />Metro Daily</p>
<p>អ្នកប្រើប្រាស់បណ្ដាញសង្គម Sina Weibo របស់ចិន នាំគ្នាសម្ដែងការអាណិតចំពោះកុមាររង<br />គ្រោះនេះ ប៉ុន្ដែពួកគេយល់ថា ក្មេងតូចមិនគួរមកលេងទឹកដែលមានកម្លាំងបាញ់ខ្លាំងបែបនេះ។<br /> ទំព័រ SCMP ដកស្រង់សំដីរបស់មនុស្សម្នាក់ ចុះផ្សាយថា ៖ “ប្រសិនអ្នកមិនធ្វើរឿងផ្ដេសផ្ដាស<br /> និងគ្រោះថ្នាក់ នោះអ្នកក៏នឹងមិនត្រូវមកចំណាយពេលដើម្បីដោះស្រាយលទ្ធផលផ្ដេសផ្ដាស <br />និងគ្រោះថ្នាក់” ៕<br /> </p>
<p style="text-align: right;"><br />ដោយ ៖ តារា<br />ប្រភព ៖ Globaltimes/VE</p>