<p><strong>ភ្នំពេញៈ</strong> កាលពីវេលា យប់ថ្ងៃទី១៥ ខែសីហា ឆ្នាំ ២០១៣ កន្លងទៅនេះ មានសិល្បករ-<br />សិល្បការិនី មិនតិចជាង៥០០នាក់ទេ ដែលចូលរួមជាភ្ញៀវកិត្តិយស ចូលរួមលើកពាន នៅ<br />ក្នុងកម្មវិធី “អាណាចក្រតារា” ដោយនៅក្នុងនោះ សិល្បការិនី ជាច្រើនបានខិតខំ សម្រឹត<br />សម្រាំងច្នៃម៉ូដរ៉ូប យ៉ាងស្រស់ស្អាត ដើម្បីស្លៀកទៅចូលរួម ក្នុងកម្មវិធីប្រចាំឆ្នាំមួយនេះ ។</p>
<p>នៅក្នុងកម្មវិធី “អាណាចក្រតារា” មានតារាប្រុសស្រីជាច្រើន បានសម្រុកទៅចូលរួមកម្មវិធី <br />តាំងពីម៉ោង៥ល្ងាច ដោយកម្មវិធីនោះ បានធ្វើឲ្យទស្សនិកជនក៏ដូចជា ក្រុមអ្នកគាំទ្រ មាន<br />ការចាប់អារម្មណ៍ ទៅលើតារាក្នុង ដួងចិត្តរបស់ពួកគេ ។ នៅក្នុងនោះក៏មាន ការចាប់អារម្មណ៍<br /> ទៅលើការតុបតែងខ្លួន ជាមួយសម្លៀកបំពាក់ យ៉ាងស្រស់ស្អាត ពីតារាៗទាំងអស់។</p>
<p>មានការភ្ញាក់ផ្អើល និងលាន់មាត់សរសើរ មិនដាច់ពីមាត់ នៅពេលដែលទស្សនិកជន ឃើញ<br />វត្តមាន ពិធីការិនីចាស់ វស្សាល្បីឈ្មោះ នៅក្នុងប្រទេសកម្ពុជា អ្នកនាង គង់ សុជាតិ បាន<br />អញ្ជើញ ទៅដល់ ដោយអ្នកនាង បានតុបតែងខ្លួនយ៉ាងស្រស់ស្អាត ប្រណិតជាមួយឈុត <br />ពណ៌ក្រហម លាយឡំជាមួយក្រណាត់ប៉ាក់ និងសូត្រ រហូតដល់ជិត២០ម៉ែត្រ បានធ្វើឲ្យអ្នក<br />នាងគ្រប់ដណ្តប់ ដោយរ៉ូបស្រស់ស្អាតដាច់គេ និងទាក់ទាញការចាប់អារម្មណ៍ និងការសម្លឹង<br />មិនដាក់ភ្នែកពីទស្សនិកជន ខណៈ ដែលសិល្បការិនី មួយចំនួនស្លៀកពាក់ បែបសិចស៊ីបញ្ចេញ <br />ល្វែងលើល្វែងក្រោម ដោយពួកគេយល់ថា ឈុតទាំងអស់នោះនិងទាក់ទាញ បានការចាប់ <br />អារម្មណ៍ពីយុវវ័យ។</p>
<p>បើទោះបីជាឈុត របស់ពិធីការិនី សំដីផ្អែមរូបស្រស់ អ្នកនាង គង់ សុជាតិ មិនមានភាពសិច<br />ស៊ីយ៉ាងណាក៏ដោយ ក៏គេឃើញមហាជនជាច្រើន មានការលាន់មាត់ សរសើរ និងតាមសម្លឹង<br />មើលមិនឈប់ ដោយសារតែរូបសម្រស់ស្រស់ស្អាត របស់អ្នកនាង បូករួមជាមួយឈុត ធ្វើឲ្យ<br />មានភាពលេចធ្លោ ស្រស់ស្អាតបែប នារីខ្មែរពិតៗ រួមជាមួយស្នាមញញឹមស្រស់ស្អាត។</p>
<p>តែទោះជាយ៉ាងណា អ្នកនាង គង់ សុជាតិ ក៏មិនបានអួត ឬក៏បង្ហើបពីខ្ទង់ថវិកាដែលអ្នកនាង<br />ចំណាយ ទៅលើការច្នៃឈុត ដ៏ស្រស់ស្អាតនេះថា អស់ប៉ុន្មាននោះទេ ។ គ្រាន់តែកន្លងមក<br /> អ្នកនាងធ្លាប់ បង្ហើបយ៉ាងខ្លី ថារ៉ូបអ្នកនាងបានទិញសូត្ររហូត ដល់២០ម៉ែត្រ ឲ្យទៅហាង<br />កាត់ដេរ ល្បីឈ្មោះមួយ ជាអ្នកច្នៃម៉ូដ៕</p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0575.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0576.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0577.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0578.jpg" alt="" width="500" /></p>
<p><img src="http://image.lookingtoday.com:81/lookingtoday/looking-images/news/2013/August/id-099/v_0579.jpg" alt="" width="500" /></p>
<p> </p>
<p style="text-align: right;"><br />ដោយ ៖ LookingTODAY<br />ប្រភព ៖ ដើមអំពិល </p>