<p>ស្ទើរតែមិនគួរអោយជឿ ៖ ទីភ្នាក់ងារ សារព័ត៌មាន ស្កាយញូវ បានចេញសេចក្តីរាយការណ៍ អោយដឹង ថាបុរសម្នាក់ ត្រូវបានគេ ប្រសិទ្ធនាម អោយដឹងថា ជាកំពូលវីរបុរសមនុស្សពិត ក្រោយពីគាត់បានប្រើ ប្រាស់កម្លាំង ដ៏ខ្លាំងក្លា របស់គាត់ កាច់ចម្រឹងដែក នៃទា្វរ រថយន្តមួយគ្រឿង ដែលកំពុងតែឆាបឆេះ យ៉ាងសន្ធោសន្ធៅនោះ រហូតទាល់តែជួយជនរងគ្រោះ បានសម្រេច ។</p>
<p><a class="thickbox" title="" href="/FileManager/Commons/2014/7/3/01-03-07-2014--09-17-12.jpg"><img src="/FileManager/Articles/mce/2014/7/3/01-03-07-2014--09-17-12.jpg" alt="" /></a></p>
<p>សេចក្តីរាយការណ៍ អះអាង បន្ថែមអោយដឹងថា លោក Robert Renning បានបើករថយន្តរបស់ខ្លួន តាមបណ្តោយផ្លូវ ហាយវេ I-35 ជិត ក្រុង New Brighto n រដ្ឋ Minnesota សហរដ្ឋអាមេរិក ខណៈមាន វិនាទីមួយនោះ គាត់បានកត់សម្គាល់អោយដឹងថា មានរថយន្តមួយគ្រឿង នៅផ្នែកម្ខាងនៃផ្លូវ បាននឹង កំពុងជួបគ្រោះថ្នាក់ ឆាបឆេះ យ៉ាងសន្ធោសន្ធៅ ។</p>
<p><a class="thickbox" title="" href="/FileManager/Commons/2014/7/3/02-03-07-2014--09-17-21.jpg"><img src="/FileManager/Articles/mce/2014/7/3/02-03-07-2014--09-17-21.jpg" alt="" /></a></p>
<p>បើទោះជាមានការខិតខំប្រឹងប្រែង ព្យាយាមរត់គេចខ្លួន ចេញពីក្នុង ឡានដែលកំពុងតែឆាបឆេះ នោះ យ៉ាងណាក៏ដោយ ក៏លោក Michael Johannes ដែល ជា ជនរងគ្រោះនោះ ធ្វើពុំបានសម្រេចនោះដែរ រហូតទាល់តែមានកិច្ចអន្តរាគមន៍ពី សំណាក់លោក Robert ផ្ទាល់ តែម្តង ពោល គាត់បានកាច់ចម្រឹង ដែកនៃទ្វាររថយន្តចុះមកក្រោម បន្តិច ខណៈបានធ្វើអោយ កញ្ជក់បែកខ្ចាត់ខ្ជាយ និង អូសទាញជនរង គ្រោះ ចេញពីស្ថានភាព ដ៏គ្រោះថ្នាក់ ខាងលើ ។</p>
<p><a class="thickbox" title="" href="/FileManager/Commons/2014/7/3/03-03-07-2014--09-17-32.jpg"><img src="/FileManager/Articles/mce/2014/7/3/03-03-07-2014--09-17-32.jpg" alt="" /></a></p>
<p>គួរបញ្ជាក់ថា ភ្លាមៗនោះ ក៏មានកិច្ចអន្តរាគមន៍ ពីសំណាក់ មន្រ្តីប៉ូលីស ក៏ដូចជា ក្រុមអាជ្ញាធរ ប្រចាំតំ បន់ ដោយបានចុះមកផ្ទាល់ ដល់កន្លែងកើតហេតុ ស្រប ពេលដែល ក្រុមការងារបានលាន់មាត់អោយ ដឹងថា វាគឺជារឿងមិនគួរអោយជឿ ថាគាត់អាចធ្វើបាន និង ជួយសង្គ្រោះ មនុស្ស បានទាន់ពេល និង ជោគជ័យ ។ ដោយឡែក របាយការណ៍ បន្តអោយដឹងថា បុរស ពីររូប ខាងលើ មិនបានទទួលរងរបួស ធ្ងន់នោះទេ ពោល របួសស្រាល តែប៉ុណ្ណោះ ស្របពេលដែល មូលហេតុនៃ ការឆាបឆេះជាជំហានដំបូង ត្រូវបានគេអះអាងអោយដឹងថា អាចបណ្តាលមកពី ការឆ្លងភ្លើង ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស្កាយញូវ</p>