<div class="article-content">
<p><strong>ភ្នំពេញៈ</strong> ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្រ្ដី ដែលទើបតែជាប់<br /> ឆ្នោតនាអាណត្តិទី៥ បានថ្លែងនៅថ្ងៃទី២៥ ខែកញ្ញា ឆ្នាំ២០១៣ថា រាជរដ្ឋាភិបាលកម្ពុជា នឹងដំឡើង <br />ប្រាក់បៀវត្សដល់មន្ដ្រីរាជការ និងកម្លាំងប្រដាប់អាវុធ នៅឆ្នាំ២០១៤។</p>
<p>សម្ដេចតេជោ ហ៊ុន សែន បានថ្លែងនៅក្នុងកិច្ចប្រជុំ គណៈរដ្ឋមន្ដ្រីអាណត្តិទី៥ លើកដំបូង នៅ<br />វិមាន សន្តិភាពថា រយៈពេល ១០ឆ្នាំចុងក្រោយ ប្រទេសកម្ពុជា មានអត្រាកំណើនសេដ្ឋកិច្ច ជា<br />មធ្យម ៨% និងបានកាត់បន្ថយ អត្រាភាពក្រីក្រ បានលើសពី ១% ក្នុងមួយឆ្នាំៗ។ ពាក់ព័ន្ធនឹង<br />ដំណើរការ ដំឡើងប្រាក់បៀវត្ស ជូនមន្ដ្រីរាជការ និងកម្លាំងប្រដាប់អាវុធ កាលពីអាណត្តិទី៣ <br />និងទី៤ រាជរដ្ឋាភិបាលដំឡើងតាមអត្រា ២០%ក្នុងមួយឆ្នាំ តែសម្រាប់អាណត្តិទី៥ ការដំឡើង<br />ប្រាក់បៀវត្សត្រូវបានកែប្រែថ្មី ។</p>
<p>សម្ដេចបានថ្លែងឲ្យដឹងទៀតថា ចាប់ពីឆ្នាំ២០១៤តទៅ រាជរដ្ឋាភិបាល នឹងជំរុញអនុវត្តន៍ ប្រព័ន្ធ <br />បៀវត្ស តាមគោលនយោបាយគ្រប់ជ្រុងជ្រោយ ។ ក្នុងនោះនឹងដំឡើងប្រាក់បៀវត្ស ជូនមន្រ្ដី <br />រាជការស៊ីវិលក្របខណ្ឌ “ក” នឹងត្រូវបន្ថែមប្រាក់ ៤ម៉ឺនរៀលក្នុងមួយខែ លើប្រាក់បៀវត្សដែលមាន<br /> ស្រាប់ ហើយក្រុមខណ្ឌ “ខ, គ និឃ” នឹងត្រូវបន្ថែម ៨ម៉ឺនរៀលក្នុងមួយខែ លើប្រាក់បៀវត្សដែល<br /> មានស្រាប់ ។ ការបន្ថែមនេះ ធ្វើឲ្យមន្ដ្រីរាជការស៊ីវិល មានកម្រិតទាបបំផុតនឹងទទួល បានប្រាក់ <br />បៀវត្សយ៉ាងតិចបំផុត ៤២៤.០០០រៀល។ ការដំឡើង ប្រាក់បៀវត្សសម្រាប់ក្របខណ្ឌ “ឃ” មាន<br /> អត្រា ២៥%ក្នុងមួយឆ្នាំ ហើយសម្រាប់ក្របខណ្ឌ “ក” មានអត្រា ៥%ក្នុងមួយឆ្នាំ។</p>
<p>ដោយឡែក ចំពោះមន្ត្រីយោធា និងគនរបាល នៅឆ្នាំ២០១៤ នឹងទទួលបានប្រាក់ថ្លៃអាហារ<br /> ដែល បច្ចុប្បន្នមានត្រឹមតែ ១.៥០០រៀលក្នុងមួយថ្ងៃ នឹងឡើងដល់ ៤ពាន់រៀលក្នុងមួយថ្ងៃ<br /> ឬពី ៤,៥ម៉ឺន រៀលក្នុងមួយខែឡើងដល់ ១២ម៉ឺនរៀលក្នុងមួយខែ ។ ការបន្ថែមនេះ នឹងធ្វើ<br />ឲ្យមន្ដ្រីយោធា ដែល មានឋានន្តរសក្តិទាបបំផុត ទទួលបានប្រាក់បៀវត្ស យ៉ាងតិច ៤០១.៦៨៣<br />រៀលក្នុងមួយខែ ។ ចំណែកឯនគរបាល ដែលមានឋានន្តរសក្តិទាបបំផុត នឹងទទួលបានប្រាក់<br />បៀវត្ស ៤៥៧.១០០រៀល ក្នុងមួយខែ ។</p>
<p>បើតាមប្រសាសន៍ របស់សម្ដេចតេជោ បច្ចុប្បន្នមន្រ្ដីរាជការស៊ីវិល កម្រិតទាបបំផុត អាចទទួល<br />បាន ប្រាក់បៀវត្ស ៣៤៤.០០០រៀលក្នុងមួយខែ ឯកម្រិតខ្ពស់បំផុតទទួលបាន ១.៨២២.០០០<br />រៀល ក្នុង មួយខែ ។ ចំពោះមន្រ្ដីយោធា មានប្រាក់បៀវត្សទាបបំផុត ៣២៦.៨៨៣រៀល ក្នុង<br />មួយខែ និងខ្ពស់ បំផុត (នាយឧត្តមសេនីយ៍) មានចំនួន ១.៧៩៩.២៣០រៀលក្នុងមួយខែ ។ ដោយ<br />ឡែកចំពោះ មន្រ្ដី នគរបាលជាតិ ដែលមានឋានន្តរសក្តិទាបបំផុត ទទួលបានប្រាក់បៀវត្ស <br />៣៨២.១០០រៀល ក្នុងមួយ ខែ និងខ្ពស់បំផុត ១.៧៦៤.៥០០រៀល ក្នុងមួយខែ ។</p>
<p>សម្ដេចក៏បានរិះគន់ ដល់គណបក្សប្រឆាំងផងដែរ ចំពោះគោលនយោបាយ សន្យាដំឡើងប្រាក់ <br />បៀវត្សជូនមន្ដ្រីរាជការរ ដែលថា មន្ដ្រីរាជការ នឹងទទួលបានប្រាក់បៀវត្ស ចាប់ពី ១លានរៀល<br /> និង មនុស្សចាស់បាន ៤ម៉ឺនរៀលក្នុងមួយ ដោយសម្តេចចាត់ទុកថា ជាការសន្យាដែលមិនអាច<br />ធ្វើទៅរួច ។ សម្ដេចបានមានប្រសាសន៍ថា «បើសិនប្រទេសមានលុយ ចាំបាច់ឲ្យគេឃោសនា<br /> យកសន្លឹក ឆ្នោតធ្វើអ្វី ប៉ុន្ដែវាអត់មានលុយ។… បើសិនជាបក្សនោះ (សង្រ្គោះជាតិ) ជាប់ឆ្នោត <br />ខ្ញុំឲ្យអាយុជីវិត គេបីខែយ៉ាងយូរ បើ៣ខែមិនរលំទេ ខ្ញុំថ្វាយបង្គំ» ។</p>
<p>សម្ដេចតេជោ ក៏បានថ្លែង ឲ្យមានការកែសម្រួល នូវការបើកប្រាក់បៀវត្ស សម្រាប់មន្ដ្រីរាជការ<br /> និងកម្លាំងប្រដាប់អាវុធ មកបើកតាមរយៈធនាគារ ។ ការបើកតាមធនាគារនេះ ត្រូវបានសម្ដេច<br /> ចាត់ ទុកថា នឹងផ្ដល់ភាពងាយស្រួល ដល់មន្ដ្រីរាជការ កម្លាំងប្រដាប់អាវុធ និងផ្ដល់តម្លាភាព<br />ផងដែរ ។</p>
<p>លើសពីនេះទៅទៀត សម្ដេចបានព្រមានធ្ងន់ៗ ចំពោះមន្ដ្រីរដ្ឋាភិបាលណា ដែលធ្វើការកាត់<br />ប្រាក់ បៀវត្សរបស់មន្ដ្រីរាជការ កងកម្លាំងប្រដាប់អាវុធថា ជាការប្រព្រឹត្តអំពើពុករលួយ ហើយ<br />ថាត្រូវតែ បញ្ឈប់ជាបន្ទាន់ នូវគ្រប់រូបភាព នៃការកាត់ប្រាក់បៀវត្ស របស់មន្ដ្រីរាជការទាំងអស់<br /> ចាប់ពីពេល នេះតទៅ ។</p>
<p>មន្រ្ដីរាជការស៊ីវិល នៅប្រទេសកម្ពុជាក្របខណ្ឌ “ក” មានចំនួន ៣៤.៨៧៣នាក់, ក្របខណ្ឌ <br />“ខ” មានចំនួន ៦០.៣៥៩នាក់, ក្របខណ្ឌ “គ” មានចំនួន ៨១.៤៤២នាក់ និងក្របខណ្ឌ “ឃ”<br /> មានចំនួន ១០.៧៧៥ នាក់៕</p>
<p style="text-align: center;"><img src="http://image.dap-news.com:81/dap-news/dap-images/2013/September/id-014/that-0216.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>