<p><strong>ឥណ្ទា ៖</strong> បើយោងតាមការដកស្រង់អត្ថបទផ្សាយ របស់ទីភ្នាក់ងារសារព័ត៌មានបរទេស<br />CNN ដែលទើបតែបានចេញផ្សាយកាលពីប៉ុន្មានម៉ោងមុននេះ បានគូសបញ្ជាក់អោយដឹង<br />ថា យ៉ាងហោចណាស់ មនុស្ស ៣៥ នាក់បានស្លាប់ ខណៈ ២២ នាក់ផ្សេងទៀត បានរង<br />របួស បន្ទាប់ពីរថយន្តក្រុងមួយគ្រឿង បោះពួយបោលធ្លាក់ចូលទន្លេ នៅតំបន់ភ្នំ ភាគខាង<br />ជើង ប្រទេសឥណ្ឌា។</p>
<p><a class="thickbox" title="" href="/FileManager/Commons/2013/5/9/130508191102-india-bus-crash-story-top-09-05-2013--08-31-44.jpg"><img src="/FileManager/Articles/mce/2013/5/9/130508191102-india-bus-crash-story-top-09-05-2013--08-31-44.jpg" alt="" width="434" height="243" /></a></p>
<p>លើសពីនេះ បើយោងតាមសម្តីមន្រ្តីប៉ូលីសផ្លូវការ លោក Anil Kumar បានអះអាងអោយ<br />ដឹងថា ភ្លាមៗនោះបុគ្គលិកសង្រ្គោះបន្ទាន់ ត្រូវបានបញ្ជូនទៅកាន់កន្លែងកើតហេតុ ដើម្បី<br />ធ្វើការចុះជូយអន្តរាគមន៍ ។ ក្រុមមន្ត្រីប៉ូលីសមានការព្រួយបារម្ភថា ទឹកទន្លេអាចហូរនាំ<br />មនុស្សចាកឆ្ងាយពីកន្លែងកើតហេតុ។</p>
<p>គួររំឭកផងដែរថា រថយន្តក្រុងមួយនេះ ទើបចាកចេញពីរមណីយដ្ឋានទេសចរណ៍ដោយ<br />ផ្ទុកនូវមនុស្សណែនតាន់តាប់ជាខ្លាំង ហើយបើនិយាយពីមូលហេតុ ដែលបានបណ្តាល<br />អោយកើតមាន ឡើងនូវសោកនាដកម្ម មួយនេះ មិនទាន់បានដឹងច្បាស់ នៅឡើយទេ<br />ស្របពេលដែលស្ថិតនៅក្រោមការតាមដានស៊ើបអង្កេតនៅឡើយ៕</p>
<p style="text-align: right;">ដោយ ៖ រិទ្ធី<br />ប្រភព ៖ CNN</p>