<p>អាស៊ីគឺជាទីតាំងទេសចរណ៍ដ៏ទាក់ទាញរបស់ភ្ញៀវដែលចូលចិត្តភាពអាថ៌កំបាំង ការចាប់ផ្ដើម<br />ដំណើរទេសចរណ៍របស់ខ្លួនដោយស្នាក់នៅក្នុងសណ្ឋារគារ "ខ្មោច" គឺជាប្រការដ៏អស្ចារ្យមួយ<br />សម្រាប់មនុស្សមួយចំនួន។</p>
<p>ខាងក្រោមនេះគឺជាសណ្ឋាគារដែលគេជឿថាមានខ្មោចលងបះសក់ នៅអាស៊ី៖</p>
<p class="pBody"><strong>១.សណ្ឋាគារ</strong><strong> Grand Hyatt តៃប៉ិក តៃវ៉ាន់<br /></strong></p>
<p>រឿងព្រាយបីសាចទាំងឡាយ ភាគច្រើនមានប្រភពមកពីប្រវត្តិខ្មៅងងឹតរបស់សណ្ឋាគារនេះ។<br />Grand Hyatt ត្រូវបានសាងសង់ឡើងនៅលើទីតាំងនៃពន្ធនាគារមួយក្នុងសង្គ្រាមលោក លើក<br />ទី ២ ជាកន្លែងដែលធ្លាប់មានមនុស្សរាប់រយនាក់ត្រូវជាប់ឃុំ ធ្វើទារុណកម្ម និងស្លាប់នៅទី<br />នេះ។</p>
<p class="pBody">ភ្ញៀវដែលបានមកទីនេះ តែអះអាងថា ពួកគេបានឃើញព្រលឹងខ្មោចវិលវល់នៅទីនេះ។ រីឯ<br />ភ្ញៀវមួយចំនួននិយាយថា ពួកគេក៏ធ្លាប់បានឮសម្លេងចម្លែកៗចេញពីបន្ទប់ដែលគ្មានមនុស្ស<br />នៅផងដែរ។</p>
<p class="pBody" style="text-align: center;"><img class="oImage" src="http://img2.news.zing.vn/2012/06/01/epcmk6ja.jpg" border="0" alt="" width="480" height="360" align="Middle" /></p>
<p class="pBody" style="text-align: left;">ពាក្យចចាមអារ៉ាមនេះ បានធ្វើអោយមានផលប៉ះពាល់យ៉ាងខ្លាំងដល់សកម្មភាពពាណិជ្ជកម្ម<br />របស់សណ្ឋាគារ។ ដូច្នេះ អ្នកគ្រប់គ្រងក៏បានសម្រេចចិត្តរកអ្នកជំនាញការផ្នែកផែនច័ក្ររាសី<br />មកដោះស្រាយបញ្ហានេះ។ ចាប់ពីពេលនោះមក គេឃើញមានយ័ន្ដជាច្រើនត្រូវបានគេបិទនៅ<br />ស្ទើរគ្រប់កន្លែងក្នុងសណ្ឋាគារនេះ។</p>
<p class="pBody"><strong>២.</strong><strong>First World</strong><strong> ខ្ពង់រាប Genting Malaysia</strong></p>
<p class="pBody">Genting គឺជាកន្លែងលំហែកាយដ៏ល្បីល្បាញ ហើយវាក៏ជាកន្លែងអាថ៌កំបាំងមួយរបស់ប្រទេស<br />ម៉េឡេស៊ីផងដែរ។</p>
<p class="pBody" style="text-align: center;"><img class="oImage" src="http://img2.news.zing.vn/2012/06/01/8t3zr0uo.jpg" border="0" alt="" width="480" height="360" align="Middle" /></p>
<p class="pBody" style="text-align: left;">ដោយសារតែជាតំបន់លំហែកាយដែលមានកាស៊ីណូ ដូច្នេះនៅទីនេះក៏មានករណីធ្វើអត្តឃាត<br />ជាច្រើនដែលទាក់ទឹននឹងបញ្ហាល្បែងស៊ីសង។ នៅពេលយប់ តែងមានសម្លេងចម្លែកគួរអោយ<br />បះរោម ហាក់ដូចជាសម្លេងរបស់ព្រលឹងដែលមិនទាន់រកបានទីឋានប្រពៃសម្រាប់ខ្លួន។ អ្នក<br />ស្រុកនៅទីនេះនិយាយថា បន្ទប់មួយចំនួនមិនដែលមានមនុស្សនោះទេ បើទោះជាសណ្ឋាគារ<br />នេះមានភ្ញៀវពេញក៏ដោយ ព្រោះថា ភ្ញៀវដែលបានមកស្នាក់នៅក្នុងបន្ទប់នោះ តែងមានជម្ងឺ<br />បន្ទាប់ពីត្រឡប់ទៅផ្ទះ។</p>
<p class="pBody"><strong>៣.</strong><strong>Taj Mahal Palace, Mumbai ឥណ្ឌា<br /></strong></p>
<p class="pBody">មនុស្សជាច្រើនយល់ថា នៅទីនេះ មានខ្មោចលង ហើយខ្មោចនោះគឺជាប្រធានវិស្វករដែល<br />មានឈ្មោះថា W. A. Chambers។ នៅមុនពេលសំណង់នេះត្រូវបានសាងសង់រួចរាល់ លោក<br />Chambers ក៏បានធ្វើដំណើរទៅកាន់ប្រទេសបារាំង។ ពេលត្រឡប់មកវិញ លោកមានការ<br />ឈឺចិត្តយ៉ាងខ្លាំង ដោយសារតែការសាងសង់ត្រូវបានធ្វើឡើងផ្ទុយពីអ្វីដែលគាត់បានគ្រោង<br />ទុក ដូច្នេះគាត់ក៏បានធ្វើអត្តឃាត។</p>
<p class="pBody" style="text-align: center;"><img class="oImage" src="http://img2.news.zing.vn/2012/06/01/483s9xez.jpg" border="0" alt="" width="480" height="319" align="Middle" /></p>
<p class="pBody" style="text-align: left;">ដូច្នេះហើយ បុគ្គលិក និងភ្ញៀវសុទ្ធតែអះអាងថា ព្រលឹងខ្មោចនោះគឺជាព្រលឹងរបស់លោក Chambers។<br /> <strong>៤.សណ្ឋាគារ Asia បាងកក ប្រទេសថៃ</strong><br />នៅពេលបានឃើញពីខាងក្រៅ គេនឹងយល់ថា សណ្ឋាគារនេះកំពុងតែមានបញ្ហាទាក់ទឹននឹង<br />រឿងខ្មោច បីសាច។ ជាមួយនឹងភ្លើងមិនសូវភ្លឺនៅតាមផ្លូវក្នុងអាគារ គេឃើញបន្ទប់និមួយៗ<br />សុទ្ធតែមានសភាពទ្រុឌទ្រោម និងដុះស្លែ។</p>
<p class="pBody" style="text-align: center;"><img class="oImage" src="http://img2.news.zing.vn/2012/06/01/ybv5f0hm.jpg" border="0" alt="" width="480" height="360" align="Middle" /></p>
<p class="pBody" style="text-align: left;">តាំងពីយូរយារណាស់មកហើយ នៅទីនេះ ភ្ញៀវតែងតែបានឮគេនិយាយតៗគ្នាថា មានភ្ញៀវ<br />មួយចំនួនដែលភ្ញាក់នៅពេលយប់ជ្រៅ ពួកគេបានឃើញខ្មោចអង្គុយលើសាឡុង សម្លឹងមើល<br />ពួកគេមិនដាក់ភ្នែក ក្រោយមកក៏ស្រាប់តែបាត់ស្រមោល។</p>
<p class="pBody"><strong>៥.Yu Shan Fan Dian ,<span id="result_box" class="short_text" lang="en"><span class="hps">Chengde</span></span> ប្រទេសចិន</strong><br />Yu Shan Fan Dian មានទីតាំងនៅភាគខាងជើងក្រុង ប៉េកាំង សណ្ឋាគារនេះ មានបន្ទប់សរុប ២២០។ មានរឿងព្រេងមួយដំណាលថា ព្រលឹងរបស់<span id="result_box" class="short_text" lang="en"><span> រាជនី ស៊ឺស៊ី (Empress Dowager Cixi</span></span>/慈禧太后) តែងមានវត្តមាននៅគ្រប់ទីកន្លែងក្នុងសណ្ឋាគារនេះ។</p>
<p class="pBody" style="text-align: center;"><img class="oImage" src="http://img2.news.zing.vn/2012/06/01/r6mrmuk8.jpg" border="0" alt="" width="480" height="360" align="Middle" /></p>
<p class="pBody">សណ្ឋាគារនេះត្រូវបានសាងសង់ឡើងនៅលើតំបន់ដីបុរាណរបស់ស្ដេចជំនាន់ ឈិញ (<span id="result_box" class="short_text" lang="en"><span class="hps">Qing Dynasty</span></span>) ជាកន្លែងដែលរាជវង្សានុវង្សមកសម្រាកលំហែព្រះកាយនៅរដូវក្ដៅ។ ដូច្នេះ គេ<br />ជឿថា ព្រះមហាក្សត្រីរូបនេះ នៅតែការពារតំបន់នេះ និងចាត់ទុកដូចជាកន្លែងរបស់ទ្រង់<br />ដដែល៕</p>
<p class="pBody" style="text-align: right;">ដោយ ៖ សូរីយ៉ា<br />ប្រភព ៖ Zing</p>