<div class="article-content">
<p><strong>រតនគិរីៈ</strong> នារីវ័យជំទង់ម្នាក់ បានស្លាប់យ៉ាង អាណោចអធម៌ នៅនឹងកន្លែង កើតហេតុ ដោយសារ តែម៉ូតូ បុកម៉ូតូ ហើយដួលខណៈដែលរថយន្តធុនធំ មកដល់កិនបែកក្បាល កាលពីវេលា ម៉ោង៧ និង៥នាទីយប់ ថ្ងៃទី៣ ខែកុម្ភៈ ឆ្នាំ២០១៤ ចំណុចទីប្រជុំជនក្បែរផ្សារបានលុង ស្ថិតក្នុងភូមិជ័យជំនៈ សង្កាត់ឡាបានសៀក ក្រុងបានលុង ខេត្តរតនគិរី។</p>
<p>សាក្សីក្បែរ កន្លែងកើតហេតុ ប្រាប់ឲ្យដឹងថា មុននឹងកើតហេតុ គេបានឃើញម៉ូតូ២គ្រឿង ជិះបញ្ច្រាស ទិសគ្នារួចបុកគ្នា បណ្តាលឲ្យនារីម្នាក់ ដួលខ្ទាតចេញពីម៉ូតូ ហើយរថយន្តធុនធំ ធ្វើដំណើរមាន ទិសដៅ ពីត្បូង ទៅជើងកិនបែក ក្បាលតែម្តង ។</p>
<p>មន្ត្រីនគរបាលចរាចរណ៍ នៃស្នងការនគរបាល ខេត្តរតនគិរី បានប្រាប់ឲ្យដឹងថា អ្នកបើកបរ រថយន្តធុនធំ ដឹកដំឡូង ពេញម៉ាកហ៊ីយ៉ាន់ដាយ ពណ៌ស លាយខៀវ ពាក់ស្លាកលេខ កំពង់ចាម 3A-2794 មានឈ្មោះ ប៊ុន ហេង អាយុ២៤ឆ្នាំ ស្នាក់នៅឯរាជធានីភ្នំពេញ ។ ចំណែកឯនារីរងគ្រោះ ជិះម៉ូតូម៉ាករីវ៉ូ ពណ៌ក្រហម គ្មានស្លាកលេខ មានឈ្មោះ លីន លី ភេទស្រី អាយុ២៣ឆ្នាំ ជានិសិ្សតឆ្នាំទី៣ នៅសកលវិទ្យា ល័យបៀល ប្រាយ ខេត្តរតនគិរី មានទីលំនៅភូមិថ្មី សង្កាត់ឡាបានសៀក ក្រុងបានលុង ខេត្តរតនគិរី និងអ្នកជិះម៉ូតូ ម៉ាកវ៉េវ ពណ៌ត្រួយចេក ពាក់ស្លាកលេខ ភ្នំពេញ1P-5291 មិនស្គាល់អត្តសញ្ញាណ ។</p>
<p>បន្ទាប់ពីកើតហេតុ សមត្ថកិច្ចជំនាញ បានប្រគល់សាកសពខាងលើ ឲ្យក្រុមគ្រួសារយកទៅធ្វើបុណ្យ តាមប្រពៃណីខ្មែរ ដោយ ទុក្ខសោកយ៉ាងក្រៀមក្រំ ។ ចំណែកឯរថយន្តធុនធំ ដឹកដំឡូងរួមទាំងអ្នកបើកបរ ត្រូវបានកម្លាំង នគរបាល ចរាចរណ៍ នៃស្នងការនគរបាល ខេត្តរតនគិរីនាំ យកទៅកន្លែង ដើម្បីដោះស្រាយតាមច្បាប់៕</p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0025.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0026.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2014/February/id-011/Hong-0027.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>