<div class="article-content">
<p><strong>កំពង់ចាមៈ</strong> សពបុរសម្នាក់ ត្រូវបានប្រជានេសាទ ប្រទះឃើញ ផុសនៅក្បែរសសរ<br />ស្ពាន គីហ្សូណា ខេត្ត កំពង់ចាម កាលពីម៉ោង ១០ និង ៤០នាទី ថ្ងៃទី២៥ ខែមីនា <br />ឆ្នាំ២០១៣ ដែលសពបុរសនោះ គេបានដឹងថា បានលោតទឹក ពីលើស្ពានគីហ្សូណា<br /> កាលពីវេលាម៉ោង ១០ និង ៥០ នាទីយប់ ថ្ងៃទី២៣ ខែមីនា ដោយ មូលហេតុមាន <br />វិបត្តិក្នុងគ្រូសារ។</p>
<p>តាមលោក គឹម វុទ្ធី ប្រធានគរបាល ប៉ុស្តិ៍គោលដៅស្ពានគីហ្សូណា បានប្រាប់ឲ្យដឹង<br />ថា សពជនរងគ្រោះ មានឈ្មោះ គី លីន ភេទប្រុស អាយុ ៣២ ឆ្នាំ មានភរិយា និង<br />មានកូន ពីរនាក់ ហើយមានទីលំនៅ ភូមិ២៥ សង្កាត់ទឹកល្អក់៣ ខណ្ឌទួលគោក <br />រាជធានីភ្នំពេញ ។</p>
<p>លោកប្រធានប៉ុស្តិ៍ បានឲ្យដឹងទៀតថា បើតាមការឲ្យដឹង ពីឈ្មោះ ហុងរ៉ា ភេទប្រុស<br /> អាយុ២២ ឆ្នាំ ត្រូវ ជាក្មួយរបស់ជនរងគ្រោះថា មុនពេលកើតហេតុ ជនរងគ្រោះ បាន<br />មកលេងផ្ទះម្តាយក្មេក នៅភូមិចុងថ្នល់ ទី១ សង្កាត់បឹងកុក ក្រុងកំពង់ចាម លុះនៅ<br />យប់ថ្ងៃទី២៣ ខែមីនានោះ បុរសឈ្មោះ គី លីន (ជនរងគ្រោះ) បានប្រើឲ្យក្មួយ ម្នាក់<br />នោះ ឌុបមកអង្គុយលេងលើស្ពានគីហ្សូណា ហើយនៅពេលក្មួយឌុប មកដល់លើ<br /> ស្ពាន ជនរងគ្រោះបានចុះពីលើម៉ូតូ ដើរនិយាយទូរស័ព្ទ បានបន្តិចក្រោយមក ស្រាប់<br />តែបុរសរងគ្រោះ បានទុកទូរស័ព្ទចោលលើស្ពាន ហើយក៏លោតចូលក្នុងទឹកទន្លេ<br />តែម្តង។</p>
<p>លោកមេប៉ុស្តិ៍ បានឲ្យដឹងទៀតថា ឆ្លងតាមការសាកសួរ សាច់ញាតិជនរងគ្រោះថា<br /> ការលោតទឹកសម្លាប់ ខ្លួននោះ គឺបណ្តាលមកពីជនរគ្រោះ មានវិបត្តិក្នុងគ្រួសារ ។ <br />ប្រភពដដែល បានឲ្យដឹងទៀតថា ជនរង គ្រោះ ក្រោយពី បានលោតទឹកអស់រយៈ<br />ពេល ២ថ្ងៃ សពត្រូវបានប្រជានេសាទ ប្រទះឃើញផុសនៅក្បែរ សសរស្ពាន ហើយ<br />បច្ចុប្បន្ន សមត្ថកិច្ច បានជួយអន្តរាគមន៍ អូសសពនោះ មកទុកនៅមុខវត្តដីដុះ ដើម្បី<br />ប្រគល់ជូនសាច់ញាតិ យកទៅធ្វើបុណ្យតាមប្រពៃណី ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0692.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0693.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0694.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>