<div class="article-content">
<p><strong>កំពង់ចាមៈ</strong> មន្ត្រីនគរបាលម្នាក់ មានឋានន្តរស័ក្តិ ព្រិន្ទបាលឯក មានភារកិច្ច ការពារចំការកៅស៊ូ<br />មេមត់ បានជិះម៉ូតូ ធ្លាក់ស្ពាន ស្លាប់ កាលពីវេលា ម៉ោង ៤ ទាបភ្លឺ កាលពីថ្ងៃទី១៨ ខែមេសា ឆ្នាំ<br />២០១៣ នៅចំណុច ស្ពានខាងលិចព្រែកជីក ស្ថិតក្នុងភូមិព្រះ ពន្លា ឃុំកណ្តោលជ្រុំ ស្រុកពញា<br />ក្រែក ខេត្តកំពង់ចាម ។</p>
<p>នាយប៉ុស្តិ៍ នគរបាលរដ្ឋបាល ឃុំកណ្តោលជ្រុំ លោក អ៊ី សូកូទី បានប្រាប់ឲ្យដឹងថា មន្ត្រីនគរបាល<br /> ដែលជិះម៉ូតូធ្លាក់ស្ពាន ស្លាប់នោះ មានឈ្មោះ ស៊ឹម ស៊្រាង ភេទប្រុស អាយុ ៥០ ឆ្នាំ មានស្រុកកំ<br />ណើតនៅភូមិទី២ ឃុំចំការអណ្តូង ស្រុកចំការលើ ខេត្តកំពង់ចាម មានភារកិច្ច ការពារចំការកៅស៊ូ<br />មេមត់ ។</p>
<p>លោកនាយប៉ុស្តិ៍ បានឲ្យដឹងទៀតថា នៅព្រឹកថ្ងៃទី១៩ ខែមេសា ខាងលោក បានទទួលព័ត៌មាន ពី<br />ប្រជាពលរដ្ឋ ដែលបាន ប្រទះឃើញសពជនរង គ្រោះ អណ្តែតក្នុងទឹក ក្បែរស្ពាន និងមានម៉ូតូ ១ <br />គ្រឿង ដួលក្បែរនោះដែរ ។ បន្ទាប់មក ទើបសមត្ថ កិច្ចនគរបាល បានចុះដល់កន្លែងកើតហេតុ ធ្វើការ<br />ពិនិត្យសព ជាលទ្ធផលឃើញថា សពជនរងគ្រោះ មានពាក់មួកជាប់ក្បាល ប៉ុន្តែ មានហូរឈាមច្រើន<br />តាមគុម្ពត្រចៀក ។ ហើយសពជន រងគ្រោះ សមត្ថកិច្ច បានសន្និដ្ឋានថា នៅវេលាម៉ោង ៤ទាបភ្លឺ យប់<br />ថ្ងៃទី១៨ ខែមេសា ជនរងគ្រោះ ជិះម៉ូតូមកពីស្រុកកំណើត លុះមកដល់ចំណុច កើតហេតុ ក៏ប៉ះជាមួយ<br />ស្ពាន ហើយផ្លោងទាំងម៉ូតូ ទាំងមនុស្ស បោកជាមួយថ្មឃឿនស្ពាន បណ្តាលឲ្យរបួសកញ្ចឹងក និងគុម្ព<br />ត្រចៀក ឈ្លក់ទឹកស្លាប់ តែម្តង ព្រោះថា នៅយប់ទាបភ្លឺនោះ គ្មាននរណាបានឃើញ និងជួយជនរង<br />គ្រោះនោះទេ ។</p>
<p>លោកនាយប៉ុស្តិ៍ បានឲ្យដឹងទៀតថា សពជនរងគ្រោះ ក្រោយពីបានពិនិត្យ សមត្ថកិច្ច បានប្រគល់ជូន<br />អង្គភាព ដើម្បីដឹកបញ្ជូន ទៅស្រុកកំណើត ធ្វើបុណ្យតាមប្រពៃណី ៕ </p>
<p style="text-align: center;"><img src="http://image.dap-news.com:81/dap-news/dap-images/2013/April/id-015/T-0453.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>