<p>ទីក្រុង Ciudad Juarez របស់ Mexico មិនមានសង្គ្រាម ប៉ុន្ដែក៏ជាទីក្រុងមួយប្រកបដោយគ្រោះ<br />ថ្នាក់បំផុតក្នុងពិភពលោក ព្រោះថា នៅទីនោះ មានឧក្រិដ្ឋកម្មជាច្រើនដែលទាក់ទឹននឹងការ<br />ជួញគ្រឿងញៀន។</p>
<p class="pBody">បណ្ដាទីក្រុងទាំង ១០ខាងក្រោមដែលត្រូវបានចាត់ចូលក្នុងបញ្ជីនៃទីក្រុងប្រកបដោយគ្រោះ<br />ថ្នាក់បំផុតក្នុងលោកគឺដោយសារមូលហេតុផ្សេងៗគ្នា ដូចជាតែងតែកើតមានអំពើហឹង្សា <br />អស្ថេរភាពផ្នែកនយោបាយ ឬឧក្រិដ្ឋកម្មគ្រឿងញៀនជាដើម។</p>
<p class="pSubTitle"><strong>១. Caracas (Venezuela)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/1-16.jpg" border="0" alt="" width="500" height="375" align="Middle" /></p>
<p class="pBody">ទីក្រុងនេះសម្បូរទៅដោយឧក្រិដ្ឋកម្ម ដោយសារតែការជួញដូរគ្រឿងញៀនតែងតែកើត<br />មាននៅទីនេះព្រោះទីក្រុងនេះជាកន្លែងងាយស្រួលក្នុងការធ្វើសកម្មភាពខុសច្បាប់។ ចំណែកអំពើលួចប្លន់ក៏មានជាហូរហែរមិនថាថ្ងៃ ឬយប់។</p>
<p class="pSubTitle"><strong>២. Mogadishu (Somali)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/2-14.jpg" border="0" alt="" width="500" height="313" align="Middle" /></p>
<p class="pBody">បន្ទាប់ពីសង្គ្រាមអស់រយៈពេល ២ទសវត្ស ទីក្រុងនេះត្រូវបានបំផ្លាញយ៉ាងធ្ងន់ធ្ងរ។ រហូត<br />មកទល់នឹងពេលនេះ នយោបាយនៅតែមិនមានភាពស្ថេរភាព។ អំពើហឹង្សាបានកើតឡើង<br />ជាបន្ដបន្ទាប់ និងបានធ្វើអោយក្រុង Mogadishu ក្លាយជាកន្លែងគ្មានសុវត្ថិភាព។ ទីក្រុងនេះ<br />ក៏មិនមានច្បាប់ជាក់ស្ដែងណាមួយដើម្បីប្រឆាំងនឹងឧក្រិដ្ឋកម្មនោះដែរ។</p>
<p class="pBody">ប្រជាជនជាច្រើនបានរត់ចេញពីទីក្រុងនេះដើម្បីភាពសុខសាន្ដរបស់ខ្លួន។</p>
<p class="pSubTitle"><strong>៣. Rio de Janeiro (Brazil)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/3-12.jpg" border="0" alt="" width="500" height="318" align="Middle" /></p>
<p class="pBody">ជាមួយនឹងឆ្នេរសមុទ្រស្រស់ស្អាត ប៉ុន្ដែទីក្រុងនេះមិនមានសុវត្ថិភាពនោះទេសម្រាប់អ្នក<br />ទេសចរណ៍។ទីក្រុងនេះមានអំពើឧក្រិដ្ឋកម្មច្រើន និងតែងកើតមានការជួញដូរគ្រឿងញៀន។</p>
<p class="pBody">ចំពោះអ្នកដែលចូលចិត្តប្រទេសនេះ ល្អបំផុតគឺគួរតែចៀសវាងតំបន់សំបុកកណ្ដុរ និងមិនគួរ<br />ចេញទៅក្រៅនៅពេលយប់។</p>
<p class="pSubTitle"><strong>៤. Grozny, Chechnya</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/4-12.jpg" border="0" alt="" width="500" height="327" align="Middle" /></p>
<p class="pBody">ការខ្វែងគំនិតគ្នារវាង Chechnya និងរុស្ស៊ី ដែលបានផ្ទុះឡើងកាលពីឆ្នាំ ១៩៩០ និងបានអូស<br />បន្លាយអស់ជាច្រើនទសវត្ស។ ការប៉ះទង្គិចនេះបានធ្វើអោយក្រុង Grozny ត្រូវរងការបំផ្លាញ។ <br />ឆ្នាំ២០០៦ ការប៉ះទង្គិចគ្នាត្រូវបានបញ្ចប់ ប៉ុន្ដែរហូតមកដល់ពេលនេះ ទីក្រុងមួយនេះនៅតែមាន<br />ភាពរញេរញៃនៅឡើយ ដោយសារតែជាកន្លែងប្រមូលផ្ដុំទៅដោយក្រុមឧក្រិដ្ឋកម្ម។</p>
<p class="pSubTitle"><strong>៥. Ciudad Juarez (Mexico)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/5-10.jpg" border="0" alt="" width="500" height="375" align="Middle" /></p>
<p class="pSubTitle">ទីក្រុង Ciudad Juarez របស់ Mexico មិនមានសង្គ្រាម ប៉ុន្ដែក៏ជាទីក្រុងមួយប្រកបដោយ<br />គ្រោះថ្នាក់ បំផុតក្នុងពិភពលោក ព្រោះថា នៅទីនោះ មានឧក្រិដ្ឋកម្មជាច្រើនដេលទាក់ទឹន<br />នឹងការជួញគ្រឿងញៀន ហើយនគរបាលមួយចំនួនធំក៏មានជាប់ទាក់ទឹននឹងអំពើជួញដូរ<br />គ្រឿងញៀននេះដែរ។<strong></strong></p>
<p class="pSubTitle"><strong>៦. Bogota (Colombia)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/6-10.jpg" border="0" alt="" width="500" height="317" align="Middle" /></p>
<p class="pSubTitle">ទីក្រុង Bogota របស់ប្រទេស Colombia ក៏មានឈ្មោះនៅក្នុងតារាងនេះ ដោយសារតែអំពើ<br />ជួញដូរគ្រឿងញៀន និងអស្ថេរភាពនយោបាយ។ ក្រុមភេរវនិយមបាន និងកំពុងព្យាយាមរក<br />វិធីដើម្បីប្រឆាំងនឹងរដ្ឋាភិបាលនៃប្រទេសនេះ ដែលជាមូលហេតុធ្វើអោយទីក្រុង Bogota មិន<br />មានសុវត្ថិភាព។<strong></strong></p>
<p class="pSubTitle"><strong>៧. Baghdad (Iraq)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/7-7.jpg" border="0" alt="" width="500" height="343" align="Middle" /></p>
<p class="pBody">Baghdad ក៏ជាទីក្រុងមួយដែលកំពុងមានបញ្ហានយោបាយ។ បណ្ដាក្រុមដែលដើរតាមមាគ៌ា<br />នយោបាយផ្សេង តែងរកវិធីដើម្បីបំផ្លាញ Baghdad ហើយការបញ្ជូនកងទ័ពអាមេរិកចូលមក<br />ទីក្រុងនេះក៏បានធ្វើអោយអំពើហឹង្សាកាន់តែកើនឡើង។</p>
<p class="pSubTitle"><strong>៨. Guatemala (Guatemala)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/8-7.jpg" border="0" alt="" width="500" height="340" align="Middle" /></p>
<p class="pBody">អាជ្ញាធរ និងកងកម្លាំងនគរបាលមួយចំនួនតូចបានបើកដៃអោយមានសកម្មភាពបំពានច្បាប់<br />នានាក្នុងក្រុង Guatemala។ គំលាតរវាងអ្នកមាន និងអ្នកក្រនៅទីនេះកាន់តែធំឡើងៗ វាគឺ<br />ជាមូលហេតុមួយដែលនាំអោយមានអំពើឆក់ប្លន់ និងអំពើហឹង្សា។</p>
<p class="pSubTitle"><strong>៩. San Pedro Sula (Honduras)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/9-5.jpg" border="0" alt="" width="500" height="332" align="Middle" /></p>
<p class="pBody">ទីក្រុងនេះមានឈ្មោះល្បីដោយសារអំពើឆក់ប្លន់ ជាពិសេសនៅពេលដើរតាមដងផ្លូវ អ្នក<br />ទេសចរណ៍ត្រូវតែមានការប្រុងប្រយ័ត្ន។ នៅទីនេះ ប្រជាជនមូលដ្ឋានក៏មានកាំភ្លើងដើម្បីការ<br />ពារខ្លួន ដូច្នេះការខ្វែងគំនិតតូចតាចណាមួយក៏អាចឈានដល់ការបង្ហូរឈាម។</p>
<p class="pSubTitle"><strong>១០. Cape Town (អាហ្វ្រិកខាងត្បូង)</strong></p>
<p class="pSubTitle" style="text-align: center;"><img class="oImage" src="http://img2.news.zing.vn/2012/03/06/10-3.jpg" border="0" alt="" width="500" height="281" align="Middle" /></p>
<p class="pBody">ទីក្រុងមួយនេះគឺជាទីតាំងទេសចរណ៍ដែលទាក់ទាញភ្ញៀវមកពីទូទាំងពិភពលោក ដោយសារ<br />តែសម្រស់ធម្មជាតិរបស់វា។ ប៉ុន្ដែទីក្រុងនេះនៅតែមានអំពើហឹង្សាកើតឡើងជាហូរហែរ។ នៅ<br />ពេលដកប្រាក់ពី ATMអ្នកក៏ត្រូវតែប្រុងប្រយ័ត្ន ការឆក់ប្លន់អាចកើតមានប្រសិនអ្នកដកប្រាក់នៅ<br />ពេលយប់ ឬមិនមានមនុស្សច្រើនទៅមក៕</p>
<p class="pBody" style="text-align: right;">ដោយ ៖ សូរីយ៉ា<br />ប្រភព ៖ Zing</p>