<p><strong>ភ្នំពេញ៖</strong> កញ្ញា ប៊ុន ផៃលីន ក្រោយពីប្រេះឆាចំណងស្នេហា ជាមួយបុរសគូសង្សាអាណិកជន<br />ខ្មែរ-អូស្ត្រាលី វ័យជាង ៥០ឆ្នាំមិនទាន់បានប៉ុន្មានផង ពេលនេះក៏ស្រាប់តែធ្លាយព័ត៌មានមកថា <br />ផ្ទះមួយល្វែងតំម្លៃរាប់ម៉ឺនដុល្លារ មានទីតាំងនៅម្តុំគីឡូលេខ៧ ដែលបុរសគូស្នេហ៍ទិញឱ្យនោះ <br />ឥឡូវនេះត្រូវបាននាងលក់ យ៉ាងប្រញ៉ាប់វិញហើយ។</p>
<p>បើតាមប្រភពដែលជិតស្និទ្ធ ជាមួយតារាស្រីរូបនេះ បាននិយាយប្រាប់ឱ្យដឹងថា ផ្ទះមួយល្វែង<br />តំម្លៃរាប់ម៉ឺនដុល្លារ មានទីតាំងនៅម្តុំគីឡូលេខ៧ ដែលនាងផៃលី ទើបនឹងទិញបានប្រហែល<br />ជា៣-៤ ខែនេះឥឡូវនេះត្រូវបានលក់ទៅវិញហើយ។</p>
<p>ប្រភពខាងលើបានបន្តថា ចំពោះសម្រេចចិត្តលក់ផ្ទះ យ៉ាងប្រញ៉ាប់ទៅវិញយ៉ាងដូច្នេះ ក៏ព្រោះ<br />តែមុននេះនាង ប៊ុន ផៃលីន បានឈ្លោះប្រកែកគ្នា ជាមួយគូសង្សារទើបឈានដល់ការ លក់<br />ផ្ទះដើម្បីយកលុយចែកគ្នា។</p>
<p>ម្យ៉ាងទៀតបើតាមគេដឹង គឺដោយសារតែគូស្នេហ៍របស់នាងម្នាក់នោះ ជាងអ្នកទាមទារឱ្យលក់ ដើម្បីយកចំណែកលុយរបស់ខ្លួនខ្លះទៅវិញ ខណៈដែលរឿងស្នេហា មិនអាចឈានទៅមុខជា<br />មួយគ្នាទៀតនោះ។</p>
<p>ជុំវិញព័ត៌មាននេះគេហទំព័រ Looking TODAY មិនអាចទាក់ទងដើម្បីសុំការបំភ្លឺពីកញ្ញា ប៊ុន ផៃ<br />លីន បានទេនៅរសៀលថ្ងៃនេះ។ ដូច្នេះ Lookinng TODAY នឹងរង់ចាំស្វាគមន៍ជានិច្ចចំពោះ<br /> ការចេញមុខមកបំភ្លឺពីកញ្ញា ផៃលី នៅពេលក្រោយ។</p>
<p>គួររម្លឹកថា មុននេះស្រីស្រស់ ប៊ុន ផៃលីន បានទទួលកាដូពិសេសជាផ្ទះមួយល្វែង មានកម្ពស់<br />ពីរជាន់ដែលមានតម្លៃ រាប់ម៉ឺនដុល្លា ពីគូស្នេហ៍អាណិកជនក្រៅស្រុកម្នាក់នេះ បន្ទាប់ពីបុរស<br />ម្នាក់នេះ បានជិះយន្តហោះឆ្លងទ្វីប ដើម្បីស្កាត់មកជួប ប៊ុន ផៃលីន នៅស្រុកខ្មែរ កាលពីពេល<br />កន្លងទៅ។</p>
<p>ទោះបីជាយ៉ាងណាក្តី កាលពីពេលថ្មីៗនេះតារាចម្រៀង និយមលេងខ្លួនដោយការស្លៀកពាក់<br /> បែបសិចស៊ីបញ្ចេញសាច់ខ្ចី កញ្ញា ប៊ុន ផៃលីន ក៏ស្រាប់តែបែកធ្លាយ ពីរឿងបះទង្គិចពាក្យសម្តី<br /> ជាមួយគូស្នេហ៍រហូតឈានដល់ ការផ្តាច់នូវទំនាក់ទងនងគ្នា អស់មួយសន្ទុះធំ ព្រោះតែកាល<br />មិនយល់ចិត្តគ្នា។ ដោយសារសង្គ្រាមពាក្យសម្តីនេះ មិនអាចឈានរកផ្លូវផ្សះផ្សា ជាមួយគ្នា<br />បានដូចដើមវិញនោះ កាលពីពេលថ្មីៗមកនេះ ផៃលីន ក៏ធ្លាប់បានប្រកាសប្រាប់ឱ្យដឹងថា <br />ទំនាក់ទំនងរវាងនាងនិងបុរសម្នាក់ កំពុងតែស្ថិតនៅឆ្ងាយពីគ្នា។ ហើយពេលនេះនាងក៏បាន<br />សម្រេចចិត្តថា រស់នៅម្នាក់ឯង គឺគ្មាននរណាម្នាក់មកពាក់ព័ន្ធជាមួយ ដូចមុនទៀតឡើយ៕</p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0399.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0400.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0401.jpg" alt="" width="500" /></p>
<p style="text-align: center;"><img src="http://image.lookingtoday.com:81/lookingtoday/looking-images/news/2013/June/id-030/Kosal-0402.jpg" alt="" width="500" /></p>
<p style="text-align: right;">ដោយ៖ LookingToday<br />ផ្តល់សិទ្ធិដោយ៖ ដើមអំពិល</p>