<p>លោកយាយម្នាក់អាយុ ៩៩ឆ្នាំ រស់នៅក្នុងរដ្ឋ Iowa អាមេរិក ទើបទទួលបានសញ្ញាបត្រ មធ្យមសិក្សារបស់សាលាវិទ្យាល័យ East Waterloo ក្រោយរយៈពេល ៨០ឆ្នាំ បានឈប់រៀន។</p>
<p style="text-align: center;"><a class="thickbox" title="" href="/FileManager/Commons/2013/9/27/៩៩-27-09-2013--22-51-53.jpg"><img src="/FileManager/Articles/mce/2013/9/27/៩៩-27-09-2013--22-51-53.jpg" alt="" /></a></p>
<p style="text-align: center;"><em>លោកយាយ Audrey ញញឹម នៅពេលត្រូវបាននាយិការសាលាមធ្យមសិក្សា East Waterloo បំពាក់មេដាយ Homecoming។</em></p>
<p><br />“ខ្ញុំយល់ថា ខ្លួនឯងមានភាពឆ្លាតវៃជាងមុនច្រើនណាស់” នេះជាសំដីរបស់លោកយាយ Audrey Crabtree ដែលត្រូវបានទំព័រសារព័ត៌មាន AP ដកស្រង់ ក្នុងពេលថ្លែងនៅក្នុងពិធីប្រគល់សញ្ញាបត្រ កាលពីថ្ងៃទី ២៣កញ្ញា។ <br /><br />ឆ្នាំ ១៩៣២ លោកយាយ Audrey Crabtree ធ្លាប់បានឈប់រៀនប៉ុន្មានថ្ងៃ ដោយសារតែត្រូវរបួសក្នុងពេលមុជទឹក។ ក្រោយមក លោកយាយក៏បានឈប់រៀនតែម្ដងដើម្បីថែទាំយាយរបស់គាត់ដែលកំពុងមានជម្ងឺ។ បន្ទាប់មកទៀត លោកយាយក៏បានរៀបការ ប្រការនេះ ធ្វើឱ្យគាត់លែងមានឱកាសវិលចូលសាលា ទៅតាមគម្រោងរបស់ខ្លួន។</p>
<p style="text-align: center;"><a class="thickbox" title="" href="/FileManager/Commons/2013/9/27/៩៩ក-27-09-2013--22-51-01.jpg"><img src="/FileManager/Articles/mce/2013/9/27/៩៩ក-27-09-2013--22-51-01.jpg" alt="" /></a></p>
<p>ស្វាមីដំបូងរបស់លោកយាយ បានស្លាប់កាលពីឆ្នាំ ១៩៥៧ បន្ទាប់ពីអ្នកទាំងពីរទើបបានទិញហាងលក់ផ្កាមួយកន្លែង។ លោកយាយ Audrey Crabtree បានគ្រប់គ្រងហាងផ្កានេះ អស់រយៈពេល ២៨ឆ្នាំ និងមានស្វាមីដល់ទៅពីរដងទៀត។ បច្ចុប្បន្ន លោកយាយមានចៅ ៥នាក់ និងចៅទួត ៤នាក់។ <br /><br />Shelley Hoffman ដែលជាចៅស្រីរបស់លោកយាយ Audrey Crabtree ឱ្យដឹងថា ៖ “លោកយាយរបស់ខ្ញុំតែងនិយាយថា គាត់មានការសោកស្ដាយ ដោយមិនទាន់បានបញ្ចប់ការសិក្សាទុតិយភូមិ។ <br /><br />ដឹងដូច្នេះ Shelley Hoffman ក៏បានទាក់ទងមកសាលាមធ្យមសិក្សា East Waterloo ស្នើសុំគណៈគ្រប់គ្រងសាលា រៀបចំពិធីមួយដើម្បីប្រគល់សញ្ញាបត្រថ្នាក់ទី ១២ ដល់លោកយាយ។ ក្រុមមន្ដ្រីរបស់សាលា ញាតិមិត្ត ព្រមទាំងកូនចៅ បានចូលរួមអបអរលោកយាយ Audrey ក្នុងពិធីនោះ។</p>
<p style="text-align: center;"><a class="thickbox" title="" href="/FileManager/Commons/2013/9/27/៩៩ខ-27-09-2013--22-52-37.jpg"><img src="/FileManager/Articles/mce/2013/9/27/៩៩ខ-27-09-2013--22-52-37.jpg" alt="" /></a></p>
<p>លោកយាយ Audrey ទទួលបានបញ្ជីលទ្ធផលនៃការសិក្សា និងវត្ថុអនុស្សាវរិយផ្សេងៗទៀតដែលទាក់ទិននឹងសាលារៀន រួមមានអាវធំ និងមេដាយនៃព្រឹត្តិការណ៍ Homecoming (គឺជាព្រឹត្តិការណ៍ប្រពៃណីប្រចាំឆ្នាំនៅអាមេរិកខាងជើង ទទួលអបអរប្រជាជនត្រឡប់មកស្រុកកំណើត និងសិស្ស និស្សិត ត្រឡប់មកសាលារៀនវិញ)។ ក្រៅពីនេះ លោកយាយថែមទាំងបានទទួលសំបុត្រជាង ១០០ ពីសិស្សទាំងឡាយក្នុងតំបន់ផងដែរ។</p>
<p style="text-align: right;"><br /><br />ដោយ ៖ តារា<br />ប្រភព ៖ Dailymail/AP<br /><br /></p>