<div class="article-content">
<p><strong>ភ្នំពេញ៖</strong> ស៊ីឈ្នួលបើក រថយន្ដឲ្យ គេយូរពេក មើលទៅមិនដឹង ពេលណាមាន រថយន្ដខ្លួនឯង<br /> ជិះ បែកគំនិត លួចរថយន្ដ ថៅកែខ្លួនឯង ប៉ុន្តែត្រូវជាប់ខ្នោះ របស់សមត្ថកិច្ច នៅទីបំផុត ។ ពេល<br />លួចបាន ហើយជនសង្ស័យរូបនេះ បានទូរស័ព្ទ មកចរចារ ជាមួយ ថៅកែទៀត ទីបព្ចាប់ ត្រូវ<br />បាន សមត្ថកិច្ច ចាប់បានម្នាក់ ចំណែក បុរសជាប្អូន ដែលឃុបឃិតគ្នា គេចខ្លួនបាត់។</p>
<p>ក្រោយការសាកសួរ រថយន្ដត្រូវបាន សមត្ថកិច្ចដកហូត ឲ្យម្ចាស់វិញ ហើយចំពោះ ជនសង្ស័យ<br /> កំពុងត្រូវបាន សមត្ថកិច្ច កសាង សំណុំរឿង បញ្ជូនទៅកាន់ តុលាការ ចាត់ការតាមផ្លូវច្បាប់។</p>
<p>ជាមួយគ្នានេះ សមត្ថកិច្ចក៏ កំពុងសុំ គោលការណ៍ ពីតុលាកា ដើម្បីស្វែង ចាប់បុរស ជាប្អូនផង<br />ដែរ។ លោក ម៉ក់ ហុង អធិការ នគរបាល ខណ្ឌសែនសុខ បានបញ្ជាក់ថា កាលពីវេលា ម៉ោង១៣<br />និង០០នាទី ថ្ងៃទី២០ ខែឧសភា ឆ្នាំ២០១៣ មានអំពើចោរកម្ម ដែលបង្ក ឡើងដោយ ជនសង្ស័យ <br />ចំនួន០២នាក់ ក្នុងនោះ មានឈ្មោះ យី គឹមឡេង និងយី ឆេង ជាបងប្អូន បង្កើត ។</p>
<p>លោកបានបន្តថា មុនពេល កើតហេតុ ជនរងគ្រោះ ឈ្មោះ គិម ស៊ុនហ្វូ ជាប្ដីបានយក រថយន្ដ<br /> ម៉ាកស្ដារ៉ិក ពណ៌ទឹកមាស ស៊េរី ២០០២ ពាក់ស្លាកលេខ ភ្នំពេញ 2Q-0141 មកសំចតមុខផ្ទះ <br />ដែលមាន ទីតាំងតាម បណ្ដោយ ផ្លូវលំបេតុង ស្ថិតក្នុង ភូមិដំណាក់ សង្កាត់ ភ្នំពេញថ្មី ខណ្ឌសែន<br />សុខ ។ បន្ទាប់មកបាន ឲ្យគេជូនទៅ ព្រះវិហ៊ាយេស៊ូ នៅសង្កាត់ទឹញថ្លា ។</p>
<p>លោកអធិការ បន្ដទៀតថា ក្រោយវិលត្រឡប់ មកវិញស្រាប់ តែបាត់រថយន្ដ ទើបផ្អើលឆោរឡោ<br />ឡើង រួចនាំគ្នាទៅ ពិនិត្យមើល បន្ទប់ជាន់ផ្ទាល់ដី ដែលពួកគាត់ដេក ស្រាប់តែឃើញនៅសល់<br /> តែម៉ាស៊ីន ស៊ីសស្ដឹម និងឃីបត មិនមែនជា របស់ពួកគាត់ ទើបសម្រេចយកទៅ ប្រគល់ឲ្យ សមត្ថ<br />កិច្ច នគរបាល ប៉ុស្តិ៍ភ្នំពេញថ្មី និងដាក់ពាក្យ បណ្ដឹង ។</p>
<p>លុះព្រឹកឡើងថ្ងៃទី២១ ខែឧសភា ឆ្នាំ២០១៣ ជនសង្សយ័ ឈ្មោះ យី ឆេង បានទូរស័ព្ទ ណាត់ជួប<br />ជាមួយ ជនរងគ្រោះជា ម្ចាស់រថយន្ដនៅ ហាង តារារស្មី សែនសុខ មានទីតាំងលើ ផ្លូវលេខ១៩៨៦<br /> សង្កាត់ភ្នំពេញថ្មី ដើម្បីចរចា ដោយហាម មិនឲ្យ ជនរងគ្រោះប្ដឹង ទើបគេប្រគល់រថយន្ដ ប៉ុន្តែក៏ត្រូវ<br /> សមត្ថកិច្ចឃាត់ខ្លួន តែម្ដងទៅ។</p>
<p>បច្ចុប្បន្ន ជនសង្ស័យ យី ឆេង កំពុងឃុំខ្លួន បណ្ដោះអាសន្ន នៅអធិការដ្ឋាន នគរបាល ខណ្ឌសែន<br />សុខ ដើម្បី កសាងសំណុំរឿង បញ្ជូនទៅតុលាការ ខណៈដែលបុរស ជាប្អូន ឈ្មោះ យី គឹមឡេង<br /> កំពុងគេចខ្លួន ហើយសមត្ថកិច្ច សុំដីកា ពីតុលាការ ដើម្បីស្វែងចាប់ខ្លួនរួចហើយ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-067/CH-0698.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>