<div class="article-content">
<p><strong>ភ្នំពេញ៖</strong> រាជធានីភ្នំពេញ ដែលមានសម្រស់ ស្រស់ឆើតឆាយ ជាទីចាប់អារម្មណ៍ នៃអ្នកទេសចរ<br />ជាតិ និងអន្តរជាតិ ហើយត្រូវបានប្រសិទ្ធនាម ជា ទីក្រុងគុជនោះ ពេលនេះកំពុងធ្វើឲ្យ ខូចសោ<br />ភ័ណភាព និងផ្ទុះការរអ៊ូរទាំជាច្រើន ពីអ្នករាជធានីភ្នំពេញ ព្រោះភាពអសកម្ម របស់ក្រុមហ៊ុនស៊ិន<br />ទ្រី ក្នុងការប្រមូលសំរាម កន្លែងខ្លះទុកជាគំនរ ស្ទើរក្លាយជាភ្នំទៅហើយ។</p>
<p>នៅតាមបណ្តា តំបន់ប្រជុំជនមួយចំនួន ដូចជាផ្សារជាដើម នាពេលរសៀល គំនរសំរាមធំៗ ត្រូវ<br />ប្រជាពលរដ្ឋយកមកគរដូចភ្នំ នៅតាមផ្លូវធំៗ កន្លែងចរាចរឆ្លងកាត់ ដ៏មមាញឹករបស់ប្រជាពលរដ្ឋ<br /> ក៏ដូចជាអ្នកទេសចរអន្តរជាតិ ផងដែរ។ ការទុកគំនរសំរាម នៅតាមដងផ្លូវធំៗ និងជាកន្លែងដ៏ មមា<br />ញឹកបែបនេះ ត្រូវបានប្រជាពលរដ្ឋរិះគន់ថា វាធ្វើឲ្យប៉ះពាល់សោភ័ណភាព ក្នុងទីក្រុងយ៉ាងខ្លាំង<br /> គួរណាស់ផ្លាស់ប្តូរ កន្លែងរក្សាទុកសំរាម បណ្តោះអាសន្ន ដ៏សមគួរណាមួយ។</p>
<p>ក្រៅពីតាមផ្លូវសាធារណៈធំៗ ក៏ដូចជាតាមផ្សារធំៗនោះ នៅតាមតំបន់មួយចំនួន ជាពិសេសតាម<br /> ច្រកផ្លូវលំតូច សំរាមក៏កំពុងក្លាយជាចំណោទ បញ្ហាដ៏សំខាន់ផងដែរ សម្រាប់ប្រជាពលរដ្ឋ។ ប្រជា<br />ពលរដ្ឋស្ទើរគ្រប់តំបន់ ក្នុងរាជធានីភ្នំពេញបញ្ហាសំរាមនេះ កំពុងក្លាយជាប្រធានបទ ដ៏ចាប់អារម្មណ៍<br />សម្រាប់ពួកគេ ជជែកពិភាក្សាគ្នា ស្ទើររាល់ថ្ងៃ ទៅហើយ។</p>
<p>ជាក់ស្តែង នៅតាមបណ្តោយ ច្រកផ្លូវផ្ទះល្វែង ក្នុងភូមិ៣ សង្កាត់ទួលស្វាយព្រៃទី២ ខណ្ឌចំការមន <br />សំរាមត្រូវបាន ប្រជាពលរដ្ឋយកមកដាក់ តាម ច្រកចេញចូលគរដូចភ្នំជាង ១០ថ្ងៃទៅហើយ ដោយ<br />មិនឃើញ មានក្រុមហ៊ុនស៊ិនទ្រី ចូលមកយកទៅបោះចោលនោះទេ។ ប្រជាពលរដ្ឋខ្លះទៀត ដែល<br />មិនអាចទ្រាំ និងក្លិនស្អុយសាយភាយ ចេញពីសំរាមជារៀងរាល់ថ្ងៃនោះ បាននាំគ្នារអ៊ូរទាំថា ថ្វីដ្បិត<br />ប្រាក់គាត់ បង់ឲ្យថ្លៃសំរាមតិចយ៉ាងណាក្តី តែពួកគាត់បង់ មិនដែលខាននោះទេ។ ប៉ុន្តែក្រុមហ៊ុនស៊ិន<br />ទ្រី ដែលដេញថ្លៃគម្រោង ប្រមូលសំរាម ពីសាលារាជធានីភ្នំពេញ បែរជាអសកម្មដើរ ប្រមូលសំរាម<br />ទុកឲ្យសំរាមរំខាន ដល់ការរស់នៅ និងបញ្ហាសុខភាព របស់គាត់ជារៀងរាល់ថ្ងៃ។<br /><br />ឆ្លើយតប ទៅនិងការរិះគន់ ប្រជាពលរដ្ឋក្នុងភូមិ៣ នេះ ចៅសង្កាត់ទួលស្វាយព្រៃទី២ លោក យុន <br />ចាន់ បានប្រាប់ មជ្ឈមណ្ឌលព័ត៌មាន ដើមអម្ពិលថា វាជារឿង របស់ក្រុមហ៊ុនស៊ិនទ្រី ហើយលោក <br />ក៏កំពុងតែទាក់ទង ទៅមន្រ្តីស៊ិនទ្រី ឲ្យមកប្រមូលហើយ។ បញ្ហាអត់កន្លែង ទុកសំរាមបណ្តោះអា<br />សន្ន ក៏ជាចំណោទបញ្ហាផងដែរ សម្រាប់ប្រជាពលរដ្ឋ រស់នៅកណ្តាលរាជធានីភ្នំពេញ ជាពិសេស<br />តំបន់ផ្ទះល្វែងដូចជាក្នុងសង្កាត់ ទួលស្វាយព្រៃទី២។ ដើមឡើយពួកគាត់ បានយកសំរាម ទៅបោះ<br />ចោល និងគរទុកកណ្តាលផ្លូវឆ្លងកាត់ តែចុងក្រោយ ដោយមើលទៅមិនសមភ្នែក និងធ្វើឲ្យខូចសោ<br />ភ័ណ ភាពក្រុង អាជ្ញាធរលែងអនុញ្ញាត ឲ្យប្រជាពលរដ្ឋយកសំរាម ទៅគរចោលនៅលើផ្លូវនោះ។ <br />ក្រោយពេលអាជ្ញាធរ លែងអនុញ្ញាតឲ្យយកសំរាម ទៅគរ ចោលនៅផ្លូវ ប្រជាពលរដ្ឋក៏នាំគ្នាយក<br />ទុក តាមច្រកចេញចូលជណ្តើរផ្ទះរបស់ខ្លួន ការទុកសំរាម តាមច្រកផ្ទះក្នុងផ្លូវតូចៗ គេមិនដែល<br />ឃើញបុគ្គលិក ក្រុមហ៊ុនស៊ិនទ្រី ចូលប្រមូលនោះឡើយ ទើបវាបន្សល់ឲ្យសំរាម គរចោលបែបនេះ។</p>
<p>បញ្ហាសំរាម មិនមែនកើតមាន តែនៅក្នុងភូមិ៣ សង្កាត់ទួលស្វាយព្រៃទី២ ខណ្ឌចំការមននោះទេ <br />នៅតាមតំបន់ផ្សេង ខណ្ឌផ្សេងៗ ក៏កើតមានបញ្ហា ដូចគ្នានេះដែរ ហើយប្រជាពលរដ្ឋនាំគ្នា រអ៊ូរទាំង<br />ស្ទើររាល់ថ្ងៃ។ តើអាជ្ញាធររាជ ធានីភ្នំពេញ និងក្រុមហ៊ុនស៊ិនទ្រី ពិតជាគ្មាន ដំណោះស្រាយមែនទេ <br />ទើបទុកឲ្យបញ្ហាសំរាម ក្លាយជាការរិះគន់ ពីប្រជាពលរដ្ឋបែបនេះ? តើក្រុមហ៊ុនស៊ិនទ្រី ពិតជាមិន<br />អាចបង្កើនសកម្មភាព ក្នុងការប្រមូលសំរាមឲ្យបាន ប្រសើរជាងនេះ ឬយ៉ាងណា?</p>
<p>ចំណោទបញ្ហាសំរាម មិនមែនជារឿងថ្មីនោះទេ សម្រាប់អ្នករាជធានីភ្នំពេញ គឺវាបានកើតឡើងជា<br />រឿយៗ ហើយខាងក្រុមហ៊ុន ក៏ចេះតែលើកលេស អីចុះអីចេះ ដោះស្រាយជារៀងរហូត។ បើរដូវ<br />បុណ្យទៀតនោះមិនថាទេ តែពេល នេះ គ្មានរដូវបុណ្យទាន ដែលត្រូវបុគ្គលិក ឈប់សម្រាកការ<br />ងារ នោះទេ ហេតុអ្វីក៏ទុកឲ្យសំរាម គរចោលច្រើនថ្ងៃ ទៅវិញ។</p>
<p>លោក ប៉ា សុជាតិវង្ស អភិបាលរាជធានីភ្នំពេញ កាលពីពេលថ្មីៗនេះ ក្នុងជំនួបសំណេះសំណាល <br />ជាមួយបុគ្គលិក ក្រុមហ៊ុនស៊ិនទ្រី បានថ្លែងទទូចឲ្យ ក្រុមហ៊ុនបង្កើន ការប្រមូលសំរាម សំអាតទីក្រុង<br /> ដើម្បីលើកសោភ័ណភាព។ តែ ប្រសាសន៍ជំរុញ របស់លោកអភិបាល រាជធានីភ្នំពេញ ត្រូវបានគេ <br />មើលឃើញថា ក្រុមហ៊ុនស៊ិនទ្រីមិនទាន់អនុវត្ត តាមនៅឡើយទេ។ ពាក់ព័ន្ធការរិះគន់ អ្នករាជធានី<br />ភ្នំពេញ ព្រោះតែបញ្ហាសំរាមនេះ មជ្ឈមណ្ឌល ព័ត៌មានដើមអម្ពិល បានព្យាយាមស្វែង រកបំភ្លឺពីក្រុម<br />ហ៊ុនស៊ិនទ្រី ជាច្រើនដង តែទូរស័ព្ទមិនអាចទាក់ទងបាននោះទេ នៅថ្ងៃទី០៥ ខែមិថុនា ឆ្នាំ ២០១៣៕</p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0043.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0044.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0045.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/July/id-014/that-0046.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>