<p><br />កាលពីថ្ងៃពុធម្សិលមិញនេះ លោកអគ្គនាយកក្លឹប Arsenal គឺលោក Ivan Gazidis បានបើក<br /> កិច្ចប្រជុំពិភាក្សាពី ចំនុចខ្វះខាតចំពោះការលេងមិនបានល្អទាំងឡាយរបស់ក្រុម Arsenal<br /> នៅក្នុងរដូវកាលនៃការប្រកួត។</p>
<p>យោងតាមអ្នកនាំពាក្យម្នាក់ឈ្មោះ Trust បានឲ្យដឹងថា ក្រោយកិច្ចប្រជុំ Ivan Gazidis បាន<br /> ផ្តល់នូវលុយជាច្រើន ដល់អ្នកគ្រប់គ្រងក្រុម Arsenal គឺលោក Arsene Wenger ក្នុងការទិញ<br /> កីឡាករថ្មីនៅដើម ខែមករាខាងមុខនេះ ដើម្បីធ្វើយ៉ាងណាឲ្យក្រុម Arsenal មានការរីកចំរើន<br /> លូតលាស់ឡើងវិញ។</p>
<p><a class="thickbox" title="" href="/FileManager/Commons/2012/12/13/arsene-wenger-13-12-2012--14-13-56.jpg"><img src="/FileManager/Articles/mce/2012/12/13/arsene-wenger-13-12-2012--14-13-56.jpg" alt="" /></a></p>
<p><em>រូបភាព៖ អ្នកគ្រប់គ្រងក្រុម Arsenal គឺលោក Arsene Wenger</em></p>
<p>ប៉ុន្តែចំពោះលោក Arsene Wenger ហាក់ដូចជាមានការស្ទាក់ស្ទើរក្នុងការសម្រេចចិត្តទិញ<br /> កីឡាករថ្មី ហើយប្រិយមិត្តដែលគាំទ្រក្រុម Arsenal កំពុងរងចាំនូវចម្លើយរបស់លោក។</p>
<p>នៅចំពោះមុខប្រិយមិត្តដែលគាំទ្រ លោក Arsene Wenger បានសូមអភ័យទោស ដែលលោក<br /> ដឹកនាំក្រុម Arsenal មិនសូវបានល្អកន្លងមកនេះ។ លោកបានបន្តថា ពេលខ្លះ លោកពិតជា<br /> ធ្លាប់មានកំហុសឆ្គងក្នុងការដឹកនាំក្រុម ដែលធ្វើឲ្យ Arsenal ទទួលបរាជ័យ។</p>
<p>យោងតាមប្រសាសន៍របស់ លោក Arsene Wenger យើងអាចប៉ាន់ស្មានបានថា កាលដែល<br /> លោកស្ទាក់ស្ទើរក្នុងការទិញកីឡាករថ្មី ព្រោះលោកគិតថា ក្រុម Arsenal លេងមិនបានល្អ<br /> ព្រោះតែរូបលោក មិនមែនដោយសារកីឡាករឡើយ។ ហេតុដូចនេះហើយលោក Wenger<br /> អាចនឹងប្រឈមមុខក្នុងការលាឈប់យ៉ាងណានោះ ពិតជាធ្វើឲ្យគ្រប់គ្នាមានមន្ទិលជាខ្លាំង៕</p>
<p style="text-align: right;">ដោយ៖ តុលា<br /> ប្រភព៖ sport</p>